Hirimyas 33:26 - Hanunuu

²⁶ pumirmaminti diman ti kasunduan niku sa manga linahi ni Hakub ag sa kan Dabid sa kang manugsirbi. Pumili aku ginan sa linahi ni Dabid humari sa manga linahi nida ni Abraham, Isaak ag Hakub. Kaawaan gid niku sida ag pabalikun sa kanda sadili daga ginan sa pagkabihag.”

Hirimyas 33:26 Iomraidhean Croise

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

Isra 2:1

Inda ti manga Israilita sa purubinsiya Huda ti binihag kaybi ni Hari Nabukudunusur ag dinara sa Babilunya. Taynguna, nag-ighit sida sa tunda pag rugar ag nagbalik yi sa Hirusalim hanggan sa kanda sadili manga banwa sa Huda.

Isra 2:70

Ti kada usa sa kanda nagbalik sa banwa nida, hanggan ti manga manughandug, ti manga Libita, ti manga manugkanta, ti manga guwardiya sa manga sabian Balay Diyus ag ti manga suruguun sa Balay Diyus.

Kanta 126:1

Pagka ibinalik Panginuun ti mayad pag kahamtangan Siun, ga tagin-up lang inda.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 54:8

Dahil sa kadaka aku nagalit sa kanmu, tinayakan niku kawu ngalay, dapat dahil sa kang unman may katapusan pag pagmahal sa kanmu, kaawaan di niku kawu. Aku ti Panginuun kanyu Manugribri ti magsabi inda.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 31:35

Magkun waya ti Panginuun, “Aku ti nagsugu sa init hampay magpakaun-rayaw sa buu sirang, hanggan sa bulan ag manga pamgasan magpakaun-rayaw sa buu yabi. Ag aku ti magkuyikaw sa dagat tugka sa maghagunung ti manga humbak. Aku ti Panginuun ti Makamaskihan sa tanan.

Hirimyas 31:37

Nu kabitay balaw magkasukat ti langit ag balaw magkaalaman ti patakinan daga, katida diman, balaw niku pagdayuun ti tanan linahi Israil una mayamu yi kanda nabwat kasalanan. Aku, ti Panginuun, ti magbagaw inda.”

Hirimyas 33:24

“Balaw aw nimu nadnugan pagsurugun manga tawu ti nasakupan niku? Magkun sida, ‘Dinayu Panginuun ti duwa ka kaharian kay pinili.’ Nakan pagpuyaan nida kang nasakupan, udyi nida pagkilalan-un nasyun inda.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Husyas 1:7

Dapat kaawaan niku ti nasakupan Huda. Aku, ti Panginuun nida Diyus, ti rumibri sa kanda sa panab-anan niku kamaskihan, balaw sa panab-anan labanan: pamana, baladaw, manga kabayu ngatay manga manugkabayu.”

Husyas 2:23

Sa tunda pag panahun mangulian kamu sa kanyu daga bilang kang nasakupan. Ipakakit niku kang pangaawa sa kanyu manga pag-ingarnan Lu Ruhama. Ag kamu pag manga pag-ingarnan Lu Ami ingarnan diman niku kamu kang nasakupan, ag sumabi kamu aku kanyu Diyus.”

Sakaryas 10:6

“Pabisugun niku ti manga nasakupan Huda ag iribri niku ti nasakupan Israil. Pabalikun niku sida sa kanda rugar dahil naawa aku sa kanda. Ag dahil aku ti Panginuun kanda Diyus, sagtun niku kanda darangin. Nakan parihu lang ga unman niku sida binugyahan.

Ruma 11:32

Dahil pinahintulutan Diyus ti tanan pag manga tawu ga panawuhun yi nida ugali maglaban sa kanya hampay mipakilala waydi niya kay pangaawa sa kanda tanan.