Hirimyas 33:17 - Hanunuu

¹⁷ Magkun waya ti Panginuun, “Si Dabid pirmi magkaimaw linahi humari sa nasakupan Israil.

Hirimyas 33:17 Iomraidhean Croise

2 Samwil 3:29

Si Huab hanggan kay magtal-anakan ti may saragtun. Mana kay manga linahi pag pirmi may sakit amumutul hanggan dilikadu pag sakit sa lukub, manga pilay hanggan magkamatay sa girahan hanggan pag magkalun-usan.”

2 Samwil 7:12

Nu mamatay kawu ag ilbung kaibahan manga ginurang nimu, iilis niku sa kanmu ti usa sa kanmu manga anak, ag parig-unun niku kay maghari.

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

1 Hari 2:4

Nu buwatun nimu inda, tupadun Panginuun kay itinaratu sa kangku, nu kang manga linahi mangabuhi sa tama ag magsunud sa kanya sa buu tagipusuun, may usa gid pirmi sa kanda ti humari sa Israil.

1 Hari 8:25

Ag taynguna, Panginuun, Diyus Israil, tupada waya gid kanmu itinaratu sa kanmu suruguun si Dabid, kang ama pagka sinabi nimu sa kanya, ‘Unman kawu maduraan linahi umilis sa kanmu bilang hari sa Israil nu mayad ti pagsunud nimu manga linahi sa kangku, parihu sa kanmu binwat.’

2 Hari 11:2

Dapat irinibri ni Hihusiba kay anak ni Hari Ahasiyas si Huas pagka maratyun yi hanggan ti iba waya pag manga anak hari. Si Hihusiba patar-ari ni Ahasiyas anak babayi ni Hari Hihuram. Itinagu niya si Huas hanggan kay manug-alaga sa anak sa usa ka sulud-sulud sa Balay Diyus nakan unman siya namatay.

1 Krunika 17:27

Ag kainda magbaya kawu magpapalad sa kang magtal-anakan hampay pumarargu inda tugka aban sa kanmu atubangan. Dahil nu magpapalad kawu Panginuun, kanmu papalad unman may katapusan.”

Kanta 132:12

Nu tupadun nimu manga linahi manga hari kang kasunduan hanggan ti manga tudlu niku itinudlu sa kanda, kanda manga linahi humari diman tugka aban.”

Isayas 9:7

Unman may katapusan kay pagdumara mayad ag may kahusayan. Siya ti mumana kay kaharian ni Dabid. Parig-unun niya inda ag humari ti katadlungan ag ti katuwiran hanggan aban. Siguraduhun Panginuun Makamaskihan matupad inda.

Hirimyas 17:25

papaladan niku kamu. Pirmi kamu magkaimaw hari sitay sa Hirusalim ginan sa linahi ni Dabid. Sida hanggan ti manga pinunu manparada masakyan sa manga kalisa hanggan manga kabayu pasulud sa puwirtahan banwa kaibahan ti manga taga Huda hanggan taga Hirusalim. Inda pag banwa Hirusalim pumirmaminti hanggan aban.

Hirimyas 35:19

nakan nagtaratu aku si Hunadab kay anak ni Rikab balaw maduraan linahi sumirbi sa kangku. Aku, ti Panginuun Makamaskihan, ti Diyus Israil, ti magsabi inda.”