Hirimyas 33:11 - Hanunuu

¹¹ Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Hirimyas 33:11 Iomraidhean Croise

1 Krunika 16:34

Pasalamati ti Panginuun dahil mayad siya; kay pagmahal unman may katapusan.

1 Krunika 16:8

Pasalamati niyu ti Panginuun; sambaha niyu siya! Itultul sa manga nasakupan kay manga binwat.

2 Krunika 20:21

Pagkalawuy niya nahampang ti manga tawu, nagpili siya manga manugkanta umuna sa kanda ag manganta sa Panginuun hampay dayawun siya sa kay banal pag nabubut-un. Inda kanda pag kantahun: “Pasalamatan ti Panginuun dahil kay pagmahal unman may katapusan.”

2 Krunika 29:31

Pagkatapus, magkun si Isikyas, “Taynguna naihandug yi niyu kanyu sadili sa Panginuun, pagdara kamu manga handug, hanggan manga handug pagpasalamat sa Balay Diyus Panginuun.” Nakan nagdara ti manga tawu inda pag manga handug sa Balay Diyus Panginuun, ti iba buluntad nagpakaun manga handug pagsunugun.

2 Krunika 5:13

Ti manga manugkanta magdayaw ag magpasalamat sa Panginuun pagpatunugan manga turumpita, pumpiyang, ag iba waya pag manga kagamitan. Kaindaay kanda pagkantahun: “Mayad ti Panginuun; kay pagmahal balaw may katapusan.” Pagkatapus, may rurum sinmaput sa Balay Diyus Panginuun.

2 Krunika 7:3

Pagka nakitan tanan Israilita ti apuy nagdugsun hanggan ti kadayawan Panginuun sa tungud Balay Diyus, nagluhud sida ag nagsamba sa Panginuun may pasalamat. Magkun sida, “Mayad ti Panginuun; kay pagmahal unman may katapusan.”

Isra 6:22

Sa sulud pitu ka sirang idinaus nida may kabayaan ti Pista Tinapay Unman may Pamadaka. Dahil pinakan-an sida Panginuun kabayaan pagka kay binag-u ti tagipusuun hari Asirya hampay awatan sida sa pagbuwat Balay Diyus, ti Diyus Israil.

Nihimyas 12:43

Pagka sa tunda pag sirang, nagpakaun sida mayamu gid pag manga handug ag nagbaya, dahil pinasulung gid sida Diyus. Hanggan ti manga babayi ag manga anak masulung diman. Nakan ti iringayan nida kabayaan mag-adnugan una sa arayu.

Nihimyas 8:12

Nakan nuli ti tanan tawu hampay mangaun ag manginum bag-u mangayaw karan-unun sa iba. Nagdaus sida may kabayaan dahil naintindihan nida ti manga bagaw Diyus binasa sa kanda.

Kanta 106:1

Dayawa ti Panginuun! Pasalamati ti Panginuun dahil mayad siya; kay pagmahal balaw may katugkaan.

Kanta 107:1

Pasalamati ti Panginuun, dahil mayad siya; kay pagmahal unman may katapusan.

Kanta 107:22

Kailangan maghandug sida bilang pasalamat sa Diyus; ag habang magkanta sida sa kabayaan itultul nida kay manga binwat.

Kanta 116:17

Dumayaw aku sa kanmu ag manhandug aku handug bilang pagpasalamat sa kanmu.

Kanta 147:13

Dahil pagpatibayun niya ti manga sabian niyu banwa, ag pagpapaladan niya kamu.

Kanta 85:7

Panginuun, pakakitan sa kanmi kanmu pagmahal ag ribrihan kami.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 52:8

Manringgit sa kabayaan ti manga manugbantay banwa dahil makitan nida ti pagbalik Panginuun sa Hirusalim.

Isayas 52:9

Manringgit sa kabayaan, ti guba Hirusalim, dahil pasulungun ag pabisugun yi Panginuun kay nasakupan. Iribri niya ti Hirusalim!

Hirimyas 16:9

Dahil aku, ti Panginuun Makamaskihan, ti Diyus Israil, magkumun, ‘Makitan gid ngap nimu sa kanmu kaudasan amparahun niku ti kasulungan ag pagbarayaan sa inda pag rugar, hanggan ti kasulungan bag-u mag-asawa.’

Hirimyas 17:26

Rumas-ug ti manga tawu mansamba sa Balay Diyus Panginuun ginan sa manga rugar sa sangput Hirusalim, sa manga banwa Huda, hanggan Binhamin, hanggan ginan sa manga tagudtud sa isalpan, sa manga kabantudan, ag Nigib. Mandara sida manga handug pagsunugun ag iba waya pag manga handug, parihu sa handug pagdayaw, handug pasalamat, hanggan manga kamangyan.

Hirimyas 25:10

Madura ti kasulungan ag kabayaan niyu. Unman diman madnugan ti kabayaan manga bag-u ipinaasawa. Udyi may man-galing tirigu hanggan manulu sulul-an nu yabi.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 30:19

Bag-u kumanta sida manga pasalamat ag manhuyaw sa kasulungan. Payamuun ag pakan-an niku sida kadayawan.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Hirimyas 33:26

pumirmaminti diman ti kasunduan niku sa manga linahi ni Hakub ag sa kan Dabid sa kang manugsirbi. Pumili aku ginan sa linahi ni Dabid humari sa manga linahi nida ni Abraham, Isaak ag Hakub. Kaawaan gid niku sida ag pabalikun sa kanda sadili daga ginan sa pagkabihag.”

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 7:34

Amparahun yi niku ti kasulungan ag kabayaan sa manga baklayan Hirusalim. Ag udyi madnugan sa manga banwa Huda ti manga masulung pag busis manga bag-u ipinaasawa. Dahil bumaliw mapung-aw inda pag daga.”

Amus 9:14

Ipabalik niku kang nasakupan manga taga Israil sa kanda daga ginan sa pagkabihag. Ipatindug maan nida kanda nagkaradaut pag manga banwa ag ati sida pag mangulian. Mantanum sida ubas ag manginum kay intus inda. Mantanum sida sa kanda manga tanman ag kan-un nida kay burak.

Hunas 2:9

Dapat aku manhandug sa kanmu may tapil kanta pasalamat. Tupadun niku kang taratu manhandug sa kanmu. Kawu, Panginuun, ti magribri!”

Nahum 1:7

Mayad ti Panginuun; marig-un siya pag darangpan sa udas kakurian, ag pag-alagaan niya ti magdangup sa kanya.

Sipanyas 3:14

Magkun si Sipanyas, “Kamu pag nasakupan Israil, paghuyaw kamu sa kabayaan! Kamu pag manga nasakupan Siun, ti banwa Hirusalim, pagkanta kamu ag pagbaya sa buu tagipusuun!

Sakaryas 10:7

Ti nasakupan Israil bumaliw parihu sa mabaskug pag sundalu. Bumaliw masulung sida parihu sa nakainum irinmun makalangu. Maalaala nida manga linahi inda pag panalu ag makabaya sida dahil sa kang binwat.

Huwan 3:29

Ti babayi ipasaru sa kay lalaki arasawan-un. Ti iribahun mag-alagad sa lalaki ipasaru. Nakabaya ti manug-iba nu makad-nug siya sa kay magbagaw lalaki ipasaru. Katunda diman ungud kang magbaya taynguna.

Hibriyu 13:15

Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.

Ipinakakit 18:23

Bumaliw madlum ati, dahil udyi may sulu una di usa. Udyi madnugan aban ti manga aguman babayi, ti manga aguman lalaki, magharampangan masulung. Dahil masyadu nagyaman kanmu manga manugnigusyu sa bilug kalibutan. Dinaya nimu ti tanan nasyun sa daut pag kadunungan nimu.