Hirimyas 32:40 - Hanunuu

⁴⁰ Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Hirimyas 32:40 Iomraidhean Croise

2 Samwil 23:4

parihu sa rayaw sirang magbutlak sa surip balaw magal-um, magpasinay sa manga ilamnun nauranan!’

Kanta 80:19

Panginuun Diyus Makamaskihan, balikan sa kanmi ti mayad pag kahamtangan nimi! Pakakitan sa kanmi kanmu kaayadan hampay maribri kami.

Isayas 24:5

Ti kalibutan inuringan niya manga nasakupan, dahil balaw nida sinunud ti Kasuguan Diyus hanggan kay manga surundanun. Linabag nida ti unman may katapusan pag taratu Diyus sa kanda.

Isayas 55:3

Pagpakarani kamu sa kangku, pagpatingi hampay mabuhi kamu. Mamuwat aku unman may katapusan pag kasunduan sa kanyu. Ipadamdam niku sa kanyu kang pagmahal hanggan pangaawa ti itinaratu niku sa kan Dabid.

Isayas 61:8

“Dahil aku, ti Panginuun, magbaya sa katadlungan. Magkagalit aku sa manga mananakaw ag sa iba pag kadautan. Sa kang katapatan, pirimyuhan niku kang manga nasakupan ag mamwat aku usa ka kasunduan unman may katapusan sa kanda.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 31:34

Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Isikil 36:27

Pakan-an diman kamu niku Ispiritu hampay masunud niyu maayus kang manga sugu hanggan surundanun.

Isikil 37:26

Mamuwat aku usa ka kasunduan sa kanda kuntay bumaliw mayad kanda kahamtangan ag inda pag kasunduan pumarargu tugka aban. Pauliun niku sida sa kanda daga ag payamuun niku sida, bag-u ipatindug niku kang Balay Diyus sa kanda karaw-an sa unman may katapusan.

Isikil 39:29

Balaw yi gid niku sida pabay-anan dahil ipadara niku kang Ispiritu sa kanda. Aku, ti Panginuun Diyus, ti magsabi inda.”

Mikas 4:5

Una waya sundun manga tawu kanda manga diyus-diyusan, kami parargu di gid sumunud sa Panginuun nimi Diyus hanggan aban.

Diyuturunumiyu 31:6

Pagpakarig-un kamu ag pag matutum. Danga kamu magkadala sa kanda dahil ti Panginuun niyu Diyus mag-iba sa kanyu; balaw niya kamu tayakan ngatay pabay-anan.”

Diyuturunumiyu 31:8

Pangunahan kawu Panginuun ag giyahan niya kawu; balaw niya kawu tayakan ngatay pabay-anan. Nakan danga kawu magkadala ngatay magpanlumuy.”

Hibriyu 13:20

Diyus ti gimpuunan kahusayan. Binuhi niya uman kanta Panginuun Hisus. Nakan si Hisus ti makamaskihan pag manug-alaga sa manga karanidu. Dahil sa kanya pag dugu pag itinalaghut ti unman may katapusan pag taratu.

Hibriyu 4:1

Hanggan taynguna tugka imaw diman pag taratu Diyus sa kanta, kita makaslud hampay may kaariwayahan sa kay arani. Inda ti dapat nita ingatan gid, bagay may tawu sa kanyu unman makahimu makaslud.

Hibriyu 7:24

Dapat si Hisus ud may katapusan kay buhi, nakan siya makahandug ud magkailsan hanggan waya aban.

Santiyagu 1:17

Kada mayad hanggan kang-ud pag pakaun pasay ginan sa langit, ginan sa Ama, sa naglalang sa manga init, bulan hanggan pamgasan sa langit. Balaw siya magkauman. Kay karayawan dayu bumaliw kadudulman.

1 Pidru 1:5

Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.