Hirimyas 32:39 - Hanunuu

³⁹ Pakan-an niku sida pagkarausa hampay sambahun nida aku hanggan aban, para sa kanda sadili ikaayad ag sa kaayadan diman nida manga linahi.

Hirimyas 32:39 Iomraidhean Croise

Gimpuunan 17:7

Tupadun niku kang kasunduan sa kanmu hanggan sa manga linahi nimu sa sunud pag manga sinulput tawu, aku kanyu Diyus hanggan aban. Inda pag kasunduan pumarargu hanggan aban.

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 22:12

Magkun ti anghil, “Danga duy pagmatya kanmu anak! Taynguna, napatutuuhanan yi niku may dala kawu sa Diyus dahil balaw nimu inirangan kanmu bugtung pag anak.”

2 Krunika 30:12

Nagpasandam diman ti Panginuun sa manga taga Huda hampay magkausa sida sa pagtupad sa sugu hari ag manga may kangaranan, angay sa sugu Panginuun.

Kanta 112:1

Dayawun ti Panginuun! Mapalad ti tawu nu maggalang sa Panginuun ag magbaya gid magsunud sa kay manga sugu.

Kanta 128:6

Ag mana makitan niyu kanyu manga kaumputan. Mana mayad ti kahamtangan Israil!

Kanta 86:11

Panginuun, tudluan sa kangku kanmu kagustuhan, ag tupadun niku tunda may katapatan sa kanmu. Buwata aku masurundun sa kang maggalang sa kanmu.

Kabagawan 23:17

Danga kawu maghirak sa manga makasalanan bagkus ngap paggalang kawu sa Panginuun.

Isayas 35:8

Magkaimaw laun pag baklayan sa pangawakawaan ag tida ingarnan, “Banal pag Baklayan.” Unman may makasalanan ngatay unman may namuangan ti makalakaw siti. Nu ud ti manga magsunud lang sa Panginuun.

Isayas 52:8

Manringgit sa kabayaan ti manga manugbantay banwa dahil makitan nida ti pagbalik Panginuun sa Hirusalim.

Isayas 65:23

Balaw sida manarabahu sa ud may makinabang hanggan kanda manga anak balaw may malakawan kamalasan. Dahil sida manga tawu pagpapaladan Panginuun. Hanggan kanda manga anak kaibahan nida papaladan diman.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Hirimyas 6:16

Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Isikil 37:22

Usahun wadi niku sida ka nasyun sa daga Israil. Usa wadi ka hari ti humari sa kanda, ag unman yi sida madwa waya ka bahagi ngatay matunga sa duwa ka kaharian.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Isikil 37:25

Mangulian sida sa daga niku ipinakaun sa kang suruguun sa kan Hakub, ti daga nu naan nangulian kanda manga ginurang. Ati sida hanggan kanda manga linahi pag mangulian tugka aban, bag-u humari sa kanda ti hari ginan sa linahi niku suruguun si Dabid sa unman may katapusan.

Huwan 14:6

Sinmagut si Hisus sa kanya magkun, “Aku ti dalan, ti katutuuhanan, ti buhi. Ginan lang sa kangku pag makaati ti tawu sa Ama.”

Huwan 17:21

Pag-idarangin niku sida hampay mirinsan sida tanan. Amang, pagminsan sida sa kanta parihu sa kanmu minsan sa kangku ag parihu sa kangku minsan sa kanmu. Pagkatunda diman, pagmirinsan sida sa kanta agud maniwala ti manga taga kalibutan kuntay kawu ti nagsugu sa kangku.

Binwat 2:39

Dahil sa kanyu diman pag itinaratu Diyus tunda hanggan sa kanyu manga anak una hanggan sa manga iba nasyun, ag sa kada tawu pinili Panginuun nita Diyus pumakarani sa kanya.”

Binwat 3:26

Nakan pinili Diyus kay Suruguun si Hisus bag-u un-an sinugu siya tabug ngap sa kanyu hampay papaladan kamu ag hampay awatan kamu pumatlikud sa kanyu daut ugali.”

Binwat 4:32

Nagkabilug ti manga nagsarig sa Panginuun nagkausa sida sa tagipusuun hanggan sa naisipan. Unman sida nag-araminan kanda kasiyunan, kanda ngap inusa tanan.

Binwat 9:31

Nakan ngani may kahusayan maan dapu ti iglisya sa buu daga Hudiya, sa Galiliya hanggan sa Samarya. Pinarig-un Ispiritu Banal ti iglisya. Nagyamu ti manga nagsarig sa kan Hisus. Mag-ugali sida maggalang sa Panginuun.

Ruma 11:16

Nu ginan sa pinkul arina ti un-an binwat tinapay ipinakaun sa Diyus, dara di hanggan kay binawasan ipinasakup diman sa Diyus. Nu ipinasakup ti gamut puun kayu, dara hanggan kay manga sanga ipinasakup diman sa Diyus.

1 Kurintu 7:14

Ti lalaki udwaya napasakup sa Panginuun sakup sa kay pagmahal Diyus dahil sa kay asawa babayi magsarig sa Panginuun. Ag ti babayi udwaya napasakup sa Panginuun sakup diman waydi sa kay pagmahal Diyus dahil sa kay asawa lalaki magsarig sa Panginuun. Nu abi balaw katida, kanyu manga anak arayu sa Panginuun. Dapat taynguna sida sakup diman waydi sa kay pagmahal Diyus dahil sa sarig nida manga gurang.

2 Kurintu 13:11

Sitay lang tugka duy manga patar-ari kang surat sa kanyu. Aku magpaalam yi sa kanyu. Pagmaalwasi gid kamu hampay kang-ud yi kamu sa atubangan Panginuun. Pagpaniwala kamu sa kang manga paanyu. Pagkarausa yi kamu. Pagmahusay yi kanyu manga ugali. Nu katunda kamu, sa kanyu yi gid ti Diyus, ti gimpuunan pagmahal hanggan kahusayan.

Diyuturunumiyu 5:29

Mana pag magsunud pirmi sida sa kangku ag magtupad sa kang manga sugu hampay mayad ti kahamtangan nida hanggan nida manga sinulput hanggan waya aban.

Diyuturunumiyu 6:2

hampay kamu hanggan kanyu manga anak ag manga kaumputan maggalang sa Panginuun niyu Diyus tugka buhi waya kamu. Nu sundun niyu ti tanan niya manga sugu hanggan surundanun ti ipinakaun niku sa kanyu, mabuhi gid kamu dugay.

Diyuturunumiyu 6:24

Sinugu kami Panginuun kuntay sundun nimi inda ti tanan manga surundanun ag paggalang sa kanya sa kanta Diyus, hampay pirmi kami abunda ag mabuhi dugay parihu sa magpangyari kainda.

Hibriyu 10:20

Binukasan niya para sa kanta ti bag-u pag dalan tabug sa kabuhian lakaw sa limbun rutay Balay Diyus, kay kahulugan pag limbun kay ngap bilug ni Kiristu.