Hirimyas 32:29 - Hanunuu

²⁹ Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 32:29 Iomraidhean Croise

2 Hari 25:9

Sinunug niya ti Balay Diyus Panginuun, ti balay hari, ti tanan pag balay sa Hirusalim, ag ti tanan mahalaga pag manga arabwat balay.

2 Krunika 36:19

Pagkatapus, sinunug nida ti Balay Diyus ag tinumpag ti alad batu Hirusalim. Sinunug diman nida ti tanan marig-un pag bahagi sa banwa, ag dinaut ti tanan mahalaga pag manga bagay.

Nihimyas 8:16

Nakan nagbuul ti manga tawu manga sanga ag nagbuwat manga payag sa maratag pag atup nida manga balay, sa manga sugkadan nida manga balay, sa sugkadan Balay Diyus, sa buruybuyahan sa atubangan Sabian Atabug sa Danum, hanggan sa Sabian ni Ipraim.

Isayas 22:1

Inda ti pagsabihun tungkul sa luung pangakakitun. Hintay ti magpangyari? Hayga kamu magdayik sa manga atup?

Hirimyas 11:17

Ti Panginuun Makamaskihan ti nagpatindug sa Huda hanggan sa Israil, dapat ay taynguna pag-isugu niya wasakun inda, dahil daut ti pagbuwatun nida. Ginalit nida ti Panginuun sa panab-anan pagsagda kamangyan sa kan Baal.

Hirimyas 17:27

Dapat nu balaw kamu sumunud sa kangku, ag balaw niyu kilalan-un ipinablag ti Sirang Pamahari, ag mandara kamu manga paninda sa manga puwirtahan Hirusalim sa tida pag sirang, irubun niku ti manga puwirtahan Hirusalim hanggan ti manga mapag-un pag manga bahagi banwa, unman gid may pumusa tunda pag apuy!’ ”

Hirimyas 19:13

Ti tanan balay sa Hirusalim, hanggan ti manga balay hari sa Huda kilalan-un mauring parihu sa Tupit. Dahil sa babaw atup manga balay magtuub sida manga kamangyan para sa kanda diyus manga pamgasan, ag maghandug manga irinmun para sa iba waya pag manga diyus.’ ”

Hirimyas 21:10

Nakadisisyun yi aku padarahan kadamhakan inda pag banwa balaw kaayadan. Ipasakup niku inda sa hari Babilunya, ag kay irubun niya inda. Aku, ti Panginuun, ti magsabi inda.’

Hirimyas 30:14

Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 32:3

Pinirisu siya ati ni Hari Sidikyas dahil sa kay ipinaburayhaw. Dahil pagsabihun ni Hirimyas: “Inda ti pagsabihun Panginuun: Ipakaun niku inda pag banwa sa hari Babilunya ag sakupun niya.

Hirimyas 39:8

Sa Hirusalim waydi, inirub manga taga Babilunya ti manga balay hanggan ti balay hari, ag winayak nida ti manga alad batu.

Hirimyas 44:25

Inda ti pagsabihun Panginuun Makamaskihan, ti Diyus Israil, ‘Ungud gid sinunud niyu hanggan niyu manga asawa ti itinaratu niyu mansunug kamangyan ag magpakaun handug irinmun sa Rayna sa Langit. Sigi, pag pararguhan lang niyu kanyu pagbuwatun. Tupada niyu kanyu itinaratu.

Hirimyas 52:12

Katpung ikasampulu pag sirang sa ikalima pag bulan, pagka sa ika-19 pag timpu kay maghari ni Nabukudunusur sa Babilunya, nag-atag sa Hirusalim si Nibusaradan kumandir manga guwardiya hari Babilunya.

Hirimyas 52:13

Inirub niya ti Balay Diyus Panginuun, ti balay hari, ti tanan balay sa Hirusalim, ag ti tanan manga mahalaga pag daraka balay.

Hirimyas 7:17

Unman aw lugud nimu mag-akitan ti pagbuwatun nida sa manga banwa Huda hanggan sa manga baklayan Hirusalim?

Hirimyas 7:18

Ti manga anak magkayu, ti manga ama magpamakut apuy, ti manga babayi magkamas arina hampay buwatun tinapay para sa Rayna Langit. Magsagda diman sida manga irinmun sa iba diyus hampay galitun aku.

Karukuan 4:11

Ipinasamit Panginuun kay buu pangagalit sa Hirusalim. Nakan inirub niya inda hanggan ti manga patakinan inda.

Isikil 23:47

manbintuk sa kanda, ag manmatay sa kanda sa baladaw. Panmatyun diman kanda manga anak ag sunugun kanda manga balay.

Matiyu 22:7

Nakan nangisug gid ti hari. Sinugu niya ti usa ka gurupu sundalu, tinudas tunda pag manga manugmatay tawu bag-u kanda tinutdan kanda banwa.

Binwat 10:9

Pagka sa usa ka sirang maglakaw waya tunda pag manga sinugu ni Kurnilyu sa dalan atag sa banwa Hupi. Ati katpung dinmayik si Pidru atag sa atup balay hampay mandarangin. Pagka magkakaraw-an yi sirang,

Hibriyu 3:16

Dahil hintay pag manga tawu ti naglaban sa Panginuun madi nadnugan nida kay magbagaw? Tunda yi ngani kabay pag manga tawu ti nagkuyug sa kan Muysis ginan sa Ihiptu.