Hirimyas 32:22 - Hanunuu

²² Ipinakaun duy nimu sa kanda ti marinu ag abunda pag daga imaw kanmu itinaratu ipakaun sa kanda manga ginurang.

Hirimyas 32:22 Iomraidhean Croise

Gimpuunan 13:15

Ti tanan maalantaw nimu pag daga ipakaun niku sa kanmu hanggan sa manga linahi nimu, ag kanyu yi inda tugka aban.

Gimpuunan 24:7

Dinara aku sitay tag Panginuun, ti Diyus kalangitan, ginan sa magtal-anakan niku ama, sa rugar nu naan aku pag ainanak. Ag nagsumpa siya kay ipakaun inda pag daga Kanaan sa kang manga linahi. Nakan pagginan yi kawu dahil manpadara ti Panginuun kay anghil man-iba sa kanmu hampay makakit kawu ati maasawa niku anak.

Gimpuunan 50:24

Taynguna, magkun si Husi sa kay manga patar-ari, “Arani yi aku mamatay, dapat balaw kamu pabay-anan Diyus. Bul-un niya kamu sitay ginan pag rugar ag darahun sa rugar itinaratu niya sa kan Abraham, sa kan Isaak ag sa kan Hakub.”

Nihimyas 9:15

Pagka linun-us sida, pinakan-an nimu sida karan-unun ginan sa langit, pagka inuwaw, pinainum nimu danum ginan sa batu. Sinabihan nimu sida sulda ag apuun ti daga kanmu itinaratu kuntay ipakaun nimu sa kanda.

Pag-ighit 13:5

Kailangan niyu inda alalahanun nu darahun yi kamu Panginuun sa daga manga Kananiyu, Hitiyu, Amuriyu, Hibiyu hanggan manga Hibusiyu. Inda pag daga, imaw ti itinaratu niya sa kanyu manga ginurang kay ipakaun sa kanyu. Marinu inda pag daga ag abunda.

Pag-ighit 3:17

Nanaratu aku ipalwas niku kamu ginan sa Ihiptu nu naan pag magkakurian kamu, ag daran-un niku kamu sa marinu ag abunda pag daga manga Kananiyu, Hitiyu, Amuriyu, Pirisiyu, Hibiyu ag manga Hibusiyu.’

Pag-ighit 3:8

Nakan dinmugsun aku hampay iribri sida ginan sa kamang manga Ihipsiyu, ag hampay daran-un sida sa marinu, maluang ag abunda pag daga sa pag-ulian manga Kananiyu, Hitiyu, Amuriyu, Pirisiyu, Hibiyu ag manga Hibusiyu.

Hirimyas 11:5

Hampay tupadun niku kang itinaratu sa kanyu manga ginurang kuntay pakan-an niku sida marinu ag abunda pag daga — ti ulianan niyu pag daga taynguna.’ ” Bag-u sinabi niku magkun, “Katida ngani mana, Panginuun.”

Isikil 20:15

Dapat nagsumpa aku sa kanda ati sa pangawakawaan balaw niku sida daran-un sa daga ipinakaun niku sa kanda — ti daga marinu ag abunda, ti pinakamarinu pag daga sa tanan.

Isikil 20:6

Ati katpung nagsumpa aku ipalwas niku sida sa Ihiptu ag darahun sa pinili niku pag daga para sa kanda — usa ka marinu ag abunda pag daga, ti pinakamarinu pag daga sa tanan.

Bilang 14:16

‘Balaw kaya darahun Panginuun ti manga Israilita sa kay itinaratu pag daga sa kanda, nakan minatay yi lang niya sida sa pangawakawaan.’

Bilang 14:30

ti makaslud sa kang itinaratu iayaw sa kanyu pag daga kanyu ulian, purya lang sa kan Kalib anak ni Hipuni hanggan sa kan Huswi anak ni Nun.

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 6:10

“Darahun yi kamu Panginuun niyu Diyus atabug sa daga kay itinaratu iayaw sa kanyu manga ginurang sa kanda ni Abraham, ni Isaak ag ni Hakub. Inda pag daga may daraka ag abunda pag manga banwa balaw kamu ti nagpatindug.

Diyuturunumiyu 6:18

Buwata niyu ti tama ag ti mayad sa magbantay Panginuun hampay bumaliw mayad kanyu kahamtangan ag maapu niyu ti mayad pag daga kay itinaratu sa kanyu manga ginurang.

Diyuturunumiyu 6:23

Ag ipinalwas niya kami sa Ihiptu hampay darahun sitay pag daga sa kay itinaratu iayaw sa kanta manga ginurang.

Diyuturunumiyu 7:13

Mahalun ngani niya kamu, papaladan ag payamuun. Pakan-an niya kamu mayamu pag manga anak, paabundahun kanyu manga ani sa kanyu daga: kanyu manga tirigu, irinmun ubas hanggan lana ulibu. Payamuun niya kanyu manga hayup ati sa kay itinaratu pag daga iayaw sa kanyu manga ginurang hanggan diman sa kanyu.

Diyuturunumiyu 8:1

“Sunda gid niyu ti tanan pag-ipakaun niku pag sugu sa kanyu kainda, hampay parargu kamu mabuhi dugay ag yumamu, ag makapangulian sa itinaratu Panginuun pag daga kay iayaw sa kanyu manga ginurang.

Huswi 1:6

Pagpakarig-un ag pagmatutum kawu, dahil kawu ti pumanguna sa inda pag nasakupan sa pagsakup sa daga kang itinaratu ipakaun sa kanda manga ginurang.

Huswi 21:43

Nakan ipinakaun Panginuun sa Israil ti tanan daga kay itinaratu sa kanda manga ginurang. Pagka nasakup yi nida inda, ati yi sida pag nuli.