Hirimyas 32:19 - Hanunuu

¹⁹ Pinakamarinu duy kanmu manga gayak ag makadululaw kanmu manga buwat. Mag-akitan nimu ti tanan pagbuwatun manga tawu ag pagbalusan duy nimu sida angay sa pag-ugaliun ag buwat nida.

Hirimyas 32:19 Iomraidhean Croise

1 Hari 8:32

patingihi nimu inda asan sa langit ag sintinsiyahi kanmu suruguun — ti magbangdan ag ti pagbangdanan. Parusahi ti nagkasala angay sa kay binwat, ag palpasi ti unman may kasalanan hampay miburayhaw unman siya nagsalan.

2 Krunika 16:9

Dahil magbantay gid ti Panginuun sa buu kalibutan hampay pabaskugun ti manga tawu matinupadun sa kanya. Kabuangan kanmu binwat! Nakan kainda ginan pirmi yi kawu manlaban.”

Hub 34:11

Pagbalusan niya ti tawu angay sa kay binuwat; pagmayadun niya inda angay sa kay ugali.

Hub 34:21

Pagbantayan gid Diyus ti tanan pagbuwatun tawu.

Kanta 111:2

Makadululaw ti manga binwat Panginuun; pag-isipun gid inda tanan magkaibug sa kay binwat.

Kanta 34:15

Pagbantayan Panginuun ti manga matadlung, ag pagpatingihan niya kanda magtawag.

Kanta 62:12

Pihu gumanti ti Panginuun sa manga tawu angay sa kanda manga binwat.

Kanta 92:6

Balaw masalman manga kurang kay intindi ngatay manga maganit kay ulu,

Pag-ighit 15:11

Panginuun, si unu waya pag diyus ti parihu sa kanmu? Unman kawu may kaparihu sa kabanalan ag kamaskihan. Kawu lang ti Diyus ti magbuwat makadululaw pag bagay!

Kabagawan 5:21

Dahil mag-akitan Panginuun ti tanan nimu pagbuwatun; una naan kawu katpung maghiling siya.

Kabagawan 8:14

Madunung aku magpaanyu may kang-ud pag kaalaman. May intindi aku ag kapangyarihan.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Isayas 28:29

Inda pag kinaalman ginan sa Panginuun Makamaskihan. Mayad kay manga paanyu, makadululaw kay kinaalman.

Isayas 40:13

Si unu ti makasabi sa pag-isipun Panginuun, ngatay makatudlu sa kanya nu hintay kay dapat buwatun?

Isayas 59:18

Balusan niya kay manga kalaban angay sa kanda binwat, hanggan yi ti manga ati sa ararayu pag daga. Malakawan gid nida kay pangaisug.

Isayas 9:6

Ianak ti usa ka anak lalaki imaw ti humari sa kanmi. Ingarnan siya “Makadululaw pag Manugpaanyu, Makamaskihan pag Diyus, Unman may Katapusan pag Ama, ag Takinan Kahusayan.”

Hirimyas 16:17

Nakitan niku ti tanan ugali nida. Unman may una hintay ti mag-itagu sa kangku. Nakitan diman niku ti manga kasalanan nida.

Hirimyas 17:10

Aku, ti Panginuun, mag-usisa sa tagipusuun ag isip tawu. Balusan niku ti kada usa angay sa kay pag-ugaliun ag manga buwat.

Hirimyas 21:14

Dapat parusahan niku kamu angay sa manga pagbuwatun niyu. Irubun niku kanyu manga katalunan tugka ti tanan sa kanyu sangput mairub. Aku, ti Panginuun, ti magsabi inda.”

Hirimyas 23:24

Una si unu unman may makapatagu sa kangku una naan pag lihim rugar mag-akitan di niku. Balaw aw alam niyu kuntay aku ati sa langit, asan sa daga ag una naan? Aku, ti Panginuun, ti magsabi inda.

Hirimyas 25:14

Buwatun sida suruguun sa mayamu manga nasyun hanggan manga makapangyarihan pag hari. Parusahan niku sida angay sa kanda manga binuwat.”

Danyil 2:45

Parihu ngani sa kanmu nakitan pag batu nagipak ginan sa bantud (dapat balaw tawu ti naggipak) ti nagrunut sa diyus-diyusan baul, galang, lutuk, pilak, hanggan gintu. “Mahal Hari, ipinasandam duy makamaskihan pag Diyus sa kanmu nu hintay ti mangyari aban sa aratubangun. Imaw tida kanmu tagin-up hanggan kay ibug sabihun. Tutuu gid ti tanan niku sinabi.”

Danyil 4:35

Ud may halaga ti manga tawu sa kalibutan nu ipaparihu sa kanya. Pagbuwatun niya kay gustu sa manga anghil sa langit hanggan sa manga tawu sa daga. Unman may makaampara ngatay makahadlang sa kanya.’

Sakaryas 9:1

Imaw inda ti pagsabihun Panginuun: Magkun ti Panginuun parusahan niya ti manga daraka banwa Hadrak ag Damasku, dahil ti tanan kailangan bumantay ngatay dumangup sa Panginuun, ag lalu yi ti manga linahi Israil.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Huwan 5:29

Bag-u sida lumuwang ginan sa kalubngan. Ti manga nagbuwat mayad buhiun uman hampay may buhi unman may katapusan. Ti manga nagbuwat daut buhiun uman bag-u sintinsiyahan sida sa kaparusahan.”

2 Kurintu 5:10

Dahil ngani ti kada usa sa kanta umatubang sa kan Kiristu hampay kay suyasidun kita bag-u kay pakan-an kita pirimyu angay sa kanta binwat, ngatay mayad ngatay daut kanta waya sa babaw daga.

Ipisu 1:11

Dahil sa kan Kiristu, kami ti pinili Diyus ag ibinukud hampay kanya. Diyus ti nagbuwat tanan bagay angay sa kay turunu niya kagustuhan. Kainda kay turunu niya gayak,

Hibriyu 4:13

Unman may milihim sa Diyus. Ti tanan nabulwat ag niburayhaw sa kay magbantay, ag sa kanya kita may saragtun.

Ipinakakit 2:23

Matyun aban niku hanggan kay manga anak agud maalaman tanan manga iglisya aku lang ti makasuyasid sa tawu isip ag tagipusuun. Ti kada usa sa kanyu pakan-an niku angay sa kanyu manga binwat.

Ipinakakit 22:12

Sinabi ni Hisus magkun, “Pagpatingi kamu, magkaras-ug yi aku, may dara kang manga pirimyu kang ipakaun sa kada tawu angay sa kay binwat.