Hirimyas 32:17 - Hanunuu

¹⁷ “Panginuun Diyus, linalang nimu ti langit ag ti daga sa panab-anan nimu kamaskihan. Unman may una hintay pag bagay ti unman nimu mabwat.

Hirimyas 32:17 Iomraidhean Croise

Gimpuunan 18:14

May bagay aw lugud balaw mabuwat Panginuun? Parihu sa kang sinabi, bumalik aku sitaay sa sunud pag timpu sa ga kainda diman pag udas, ag si Sara may imaw yi anak lalaki.”

2 Hari 19:15

Bag-u nandarangin siya, “Panginuun, Diyus Israil matukawan sa tukawan hari sa karaw-an manga kirubin, kawu lang ti Diyus sa tanan kaharian sitay sa kalibutan. Linalang nimu ti kalangitan hanggan ti kalibutan.

2 Hari 3:18

Malpus lang inda pag bagay nu sa Panginuun. Balaw lang tunda, ipatalu waya niya sa kanyu ti Muab.

Nihimyas 9:6

Kawu ti Panginuun. Binwat nimu ti kalangitan, ti daga, ti dagat hanggan ti tanan asan sa kanda. Pagpakan-an nimu buhi ti tanan nimu linalang ag pagsambahun kawu manga anghil sa langit.

Hub 42:2

“Magkaalaman niku kuntay mabuwat nimu ti una hintay pag bagay, ag unman may makaampara sa kanmu.

Kanta 102:25

Sa kabag-u linalang nimu ti kalibutan ag ti langit.

Kanta 136:12

Ipinalwas niya sida sa panab-anan niya daka pag kamaskihan. Kay pagmahal unman may katapusan.

Pag-ighit 20:11

Dahil sa sulud unum ka sirang, linalang niku ti langit, ti daga, ag ti dagat, hanggan ti tanan-tanan asan, dapat nagpahari aku sa ikapitu pag sirang. Nakan pinapaladan niku ti Sirang Pamahari ag binwat niku inda mahalaga pag sirang para sa kangku.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 45:12

Aku ti nagbuwat kalibutan hanggan ti tanan magpangulian siyun. Kang manga kamang ti nagbuklad sa langit, aku ti nagsugu sa init, sa bulan hanggan sa manga pamgasan kuntay pagluwang.

Isayas 59:1

Pagpatingi kamu! Ti Panginuun balaw malumuy hampay balaw rumibri. Balaw diman bungul siya hampay ud makadnug nu magtawag kamu sa kanya.

Hirimyas 1:6

Sinmagut aku, “Panginuun Diyus, balaw duy aku madunung magbagaw, dahil anak waya baliwa aku.”

Hirimyas 14:13

Dapat ay magkun aku, “Panginuun Diyus, alam duy nimu kuntay pirmi pagsabihun sa kanda manga purupita kuntay unman kunu may gira aw ngatay lun-us rumas-ug dahil magkun kunu kawu pakan-an nimu sida kahusayan sa kanda nasyun.”

Hirimyas 21:2

“Ipakihampang nimu sa Panginuun kuntay awati kami, dahil ginira kami ni Hari Nabukudunusur taga Babilunya. Barang abi bumuwat makadululaw ti Panginuun parihu sa kay binuwat kaybi, hampay maampara kay maggira ni Nabukudunusur.”

Hirimyas 27:5

Sa panab-anan niku kamaskihan linalang niku ti kalibutan, ti manga tawu hanggan ti manga hayup. Aku ti may karampatan nu si unu kang piyaran inda.

Hirimyas 32:27

“Aku ti Panginuun, ti Diyus tanan tawu. May-imaw aw bagay balaw niku mabwat?

Hirimyas 33:3

“Pagtawag kawu sa kangku ag sagutun kawu niku, ipaburayhaw niku sa kanmu ti manga makadululaw ag lihim pag manga bagay balaw waya nimu alam.

Hirimyas 4:10

Pagkatapus magkun aku, “Panginuun Diyus, nadaya duy ti manga tawu sa sinabi nimu kaybi, dahil nanaratu kawu pirmaminti ti kahusayan sa Hirusalim. Dapat ti baladaw maaw nakaalistu yi mumatay sa kanmi.”

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Hirimyas 51:19

Dapat ti Diyus ni Hakub balaw parihu sa manga katida. Siya ti naglalang sa tanan bagay hanggan yi ti Israil, ti manga tawu kay pinili niya — Panginuun Makamaskihan kay ngaran niya.

Isikil 11:13

Habang magtultul aku tultulanun Diyus, namatay si Pilatyas anak ni Binaya. Susun nanpanikluhud aku ag nagringgit mabaskug, “Panginuun Diyus, tabuhun gid aw lugud nimu matyun ti nasawad pag manga Israilita?”

Isikil 9:8

Habang magpanmatay sida, natayak aku usa-usa. Napadapa aku ag nagtawag sa Diyus, “Panginuun Diyus, tabuhun aw lugud nimu matyun ti manga nasawad sa Israil dahil sa kanmu pangagalit sa Hirusalim?”

Danyil 2:22

Pag-ipaliwanag niya ti ibug sabihun madalum pag manga bagay makuri masalman. Sa kanya ti karayawan, alam niya nu hintay ti ati sa kadudulman.

Danyil 6:20

Pagkaras-ug niya ati, maruku siya nagtawag, “Danyil, suruguun buhi pag Diyus, irinibri aw kawu sa manga liyun nimu pirmi pagsirbihan pag Diyus?”

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Sakaryas 8:6

Magkun waya ti Panginuun Makamaskihan, “Mahimu isipun inda dayu mangyari sa kang nasawad nasakupan, dapat mahimu di inda sa kangku.

Bilang 11:23

Magkun ti Panginuun sa kan Muysis, “May hangganan aw lugud kang kamaskihan? Makitan nimu taynguna nu mangyari kang pagsabihun ngatay unman.”

Matiyu 19:26

Tinurun sida ni Hisus bag-u kay sinabi magkun, “Dayu ngani inda mabuwat tawu, dapat mabuwat di Diyus ti tanan kabagayan.”

Markus 10:27

Tinurun sida ni Hisus, sinabi niya, “Dayu ngani inda mabuwat tawu. Dapat nu sa Diyus balaw katida, dahil mabuwat di Diyus ti tanan kabagayan.”

Lukas 1:37

Unman may dayu mabuwat ti Diyus.”

Lukas 18:27

Dapat nagsagut si Hisus magkun, “Ti unman mabuwat manga tawu mabuwat di Diyus.”

Binwat 14:15

magkun, “Danga duy buwatun niyu tunda. Kami manga tawu lang waydi parihu ga kanyu. Pag-itudlu nimi sa kanyu ti Mayad pag Barita tungkul sa kan Hisus hampay ipatlikud nimi kamu sa tunda pag manga buwat unman may kabuluhan ag hampay tudluan nimi kamu magsamba sa Diyus buhi. Siya ti naglalang sa langit, daga, dagat hanggan sa tanan-tanan bagay.

Binwat 15:18

Inda kay sinabi ngani Panginuun imaw ti nagpasandam inda kaybi waya ginan.’”

Binwat 17:24

Diyus ti naglalang sa daga hanggan sa tanan-tanan bagay sa babaw daga. Siya yi tig hari sa langit una sa daga, nakan unman siya nangulian sa manga balay simbahan binwat tawu kamang.

Ipinakakit 4:11

“Panginuun, kawu kanmi Diyus, kawu ti dapat makatanggap kadayawan, paggalang hanggan kamaskihan. Dahil kawu ti naglalang sa tanan manga bagay, ag angay diman sa kanmu kagustuhan linalang nimu sida.”