Hirimyas 32:10 - Hanunuu

¹⁰ Pinirmahan ag tinatakan niya ti manga kasuratan sa bilihan sa atubangan manga kastigus bag-u kinilu ti pilak bilang kabaydanan.

Hirimyas 32:10 Iomraidhean Croise

Gimpuunan 23:16

Nagpasnu ngani si Abraham sa sinabi ni Iprun pag halaga. Nakan namayad siya 400 bilug pilak angay sa kiluhan kaybi manga manug-ahinti. Ag ibinayad niya inda sa kan Iprun ati sa atubangan manga Hitiyu.

Gimpuunan 23:20

Nakan ti tanman hanggan ti lukib, ti daan magkaapu manga Hitiyu, naapu yi ni Abraham, ag binwat niya inda lulubngan.

Hub 14:17

Parihu lang isinukad lang nimu inda sa bay-ung hampay matakluban ag balaw yi nimu makitan waya.

Kanta ni Sulumun 8:6

Danga yi kawu magmahal iba nu unman sa kangku lang. Danga yi kawu maghagkung sa iba nu unman sa kangku lang. Dahil ti pagmahal parihu kay kapangyarihan sa kamatayan; ti mainit pag tagipusuun balaw maampara parihu sa pagras-ug kamatayan. Ti pagmahal parihu sa maglabdaban apuy.

Isayas 30:8

Magkun sa kangku ti Panginuun, “Abala, isurat nimu sa ribru ti bangdan niku laban sa manga taga Israil hampay pirmi inda magsirbi puruyba sa kanda kadautan sa uryan panahun.

Isayas 44:5

May manga sumabi, ‘Aku sa Panginuun,’ may sumabi diman, ‘Aku linahi ni Hakub.’ May imaw diman mamauli marka sa kanda manga kamang pangaran Panginuun, ag ipaparihu kay sadili minsan sa nasakupan Israil.”

Hirimyas 32:12

Ag ipinakaun niku inda sa kan Baruk kay anak ni Niryas kay laki ni Masiya, sa atubangan ni Hanamil ag manga kastigus nagpirma sa inda pag manga kasuratan, ag sa atubangan tanan manga Hudiyu matukawan sa punduhan manga guwardiya.

Hirimyas 32:25

Dapat lang madi katida, Panginuun Diyus sinugu nimu aku hampay bilihun ti tanman sa atubangan manga kastigus una arani yi maagaw manga taga Babilunya inda pag banwa.”

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Danyil 8:26

“Danyil, tutuu gid kanmu nakitan pag pangakakitun tungkul sa pag-ampara sa pansurip ag sa maghugut marukirum pag handug. Dapat danga lang dapu pagsabihan inda dahil dugay waya waydi mangyari.”

Matiyu 27:66

Nakan ngani nag-ati sida sa tinaguktukan batu, bag-u sa magbantay manga guwardiya siniradu nida ti sabian hampay pihu unman may gumaraw.

Huwan 3:33

Nu ti tawu magpaniwala sa kay pag-itultul, tunda ngani pag tawu tigpuruyba sa kay katutuuhanan Diyus.

Huwan 6:27

Danga kamu magbudlay tungkul lang sa karan-unun magkabangsiw. Pagmasigasid kamu hampay matanggap niyu ti karan-unun unman magkabangsiw, imaw ti makapakaun tutuu pag buhi unman may katapusan. Tunda ngani pag karan-unun ti ipakaun Anak Tawu sa kanyu dahil may tinanggap siya karampatan ginan sa Diyus Ama.”

2 Kurintu 1:22

Tinandaan niya kita kuntay kita kanya. Ipinakaun niya sa kanta ti Ispiritu mag-uli sa kanta tagipusuun, imaw kay puruyba matanggap nita kay manga itinaratu.

Ipisu 1:13

Dahil sa kan Kiristu, kamu pag manga balaw Hudiyu nagpatingi sa tutuu pag barita Diyus, sa Mayad pag Barita imaw tigpakaun karibrihan. Dahil diman sa kan Kiristu kamu nagsarig sa Diyus. Nakan ngani ipinakaun Diyus sa kanyu ti Ispiritu Banal imaw kay itinaratu Diyus, bilang puruyba kuntay kamu pinili Diyus hampay kay yi manga sakup.

Ipisu 4:30

Danga pagpakan-i niyu karukuan ti Ispiritu Banal Diyus dahil siya yi ngani ti pinagkapirma Diyus sa kanyu, ti puruyba hampay kamu kay pagkilalan-un aban nu rumas-ug ti taning kaudasan nu kita kay yi iribri.

Diyuturunumiyu 32:34

Alam Panginuun kanda pagbuwatun, pagtipunun lang dapu niya inda bag-u mag-alagad sa tama pag udas hampay parusahan sida.

Huswi 18:9

Nakan linmakaw ti manga tawu hampay usisaun ti daga. Bag-u binwatan nida inda mapa, kay daga hinuray sa pitu ka bahagi, ag ilinista nida ti manga banwa hanggan ti manga banwa sakup kada bahagi daga. Pagkatapus binmalik sida sa kan Huswi sa Silu.

Ipinakakit 7:2

Bag-u nakitan niku ti usa waya ka anghil nag-atag tungud baliwa sa butlakan init, may bitbit siya pananda ginan sa Diyus buhi. Nagbagaw siya daka sa upat ka anghil sa pinakan-an Diyus kamaskihan mandaut sa daga hanggan sa dagat magkun,

Ipinakakit 9:4

Ibinilin sa kanda danga pagdauta ti manga ilamnun, ti manga puun kayu una ti manga tanum. Tunda lang pag manga tawu ti unman may tanda Diyus sa kay bangas ti kanda pakurian.

Rut 4:1

Nag-atag si Buus sa puwirtahan banwa tinmukaw ati. Pagka linmawuy ti pagsabihun niya pag pinakaarani pag katawuhan ni Ilimilik, magkun si Buus sa kanya, “Ampud, abala pagtukaw dap kawu.” Nagpakarani waydi ti lalaki ag tinmukaw.