Hirimyas 31:7 - Hanunuu

⁷ Magkun ti Panginuun, “Pagkanta kamu, paghuyaw para sa Israil, ti nasyun pagdayawun sa tanan nasyun. Pagdayaw kamu, paghuyaw, ‘Panginuun, iribri nimu kanmu manga nasakupan, ti manga nasawad buhi sa manga taga Israil.’ ”

Hirimyas 31:7 Iomraidhean Croise

Kanta 106:47

Ribrihan kami, Panginuun nimi Diyus, ag tipuna maan kami sa kanmi daga ginan sa manga nasyun, hampay makapasalamat kami ag makadayaw sa kanmu banal pag ngaran.

Kanta 126:2

Nangarasarin-an kita ag nangarantahan sa kabayaan. Bag-u nagsabi ti iba manga nasyun, “Nagbuwat ti Panginuun makamaskihan pag manga bagay sa kanda.”

Kanta 14:7

Mana rumas-ug yi ti manugribri sa Israil ginan sa Siun. Manhuyaw sa kabayaan ti manga Israilita, ti nasakupan Panginuun, nu ibalik yi niya kanda mayad pag kahamtangan.

Kanta 28:9

Ribrihan ag papaladi kanmu magkaapu pag nasakupan. Alagai sida parihu sa manug-alaga karanidu; alagai sida sa unman may katapusan.

Kanta 67:1

Diyus, kaawa-i ag papaladi duy kami. Pakakitan sa kanmi kanmu kaayadan

Kanta 69:35

Dahil iribri Diyus ti Siun, ag ibungsud maan niya ti manga banwa Huda. Ag mangulianan asan kay nasakupan ag apuun tunda pag daga.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 11:11

Sa ati pag sirang utru gamitun Panginuun kay kamaskihan hampay pauliun ti manga nasawad pag nasakupan niya dinara-bihag sa Asirya, sa Ihiptu, sa Patrus, sa Itiyupya, sa Ilam, sa Babilunya, sa Hamat ag sa iba waya rugar arayu.

Isayas 37:31

Ag ti manga nasawad buhi sa Huda utru umalwan parihu sa tanum nan-gamut abasad ag magbururak.

Isayas 37:4

Ipinadara hari Asirya kay kumandir manga sundalu hampay puyaan ti Diyus buhi. Barang abi nadnugan Panginuun nimu Diyus ti sinabi kumandir ag parusahan siya sa kay sinabi. Nakan idarangin nimu ti manga nasawad sa kanta.”

Isayas 44:23

Langit, pagkanta kawu sa kabayaan! Kalibutan, pagringgit kawu kamatnug! Manga bantud hanggan manga kayu sa katalunan, pagkanta kamu. Dahil iribri Panginuun ti linahi ni Hakub; ipakakit niya kay kadayawan sa Israil.

Isayas 52:8

Manringgit sa kabayaan ti manga manugbantay banwa dahil makitan nida ti pagbalik Panginuun sa Hirusalim.

Isayas 61:9

Kanda linahi mibantug sa manga nasyun. Ti tanan makakit sa kanda sumabi sida pag manga tawu pinapaladan Panginuun.”

Hirimyas 20:13

Panginuun, mandayaw ag manganta duy aku sa kanmu taynguna dahil irinibri nimu ti manga may kailangan ginan sa kamang daut pag tawu.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 3:23

Ungud salan duy ti pagsamba nimi sa manga diyus-diyusan sa manga bantud. Sa kanmu lang ti karibrihan Israil, Panginuun nimi Diyus.

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Karukuan 1:1

Mapanglaw yi ti banwa Hirusalim, sa kabag-u mayamu tawu. Bantug inda kaybi sa buu kalibutan, dapat kainda parihu sa usa ka babayi buranday. Sa kabag-u imaw inda ti magpanguna pag banwa, dapat taynguna panawuhun yi.

Isikil 6:8

“Dapat balaw niku kamu tabuhun matyun. Dahil ti iba sa kanyu makaribri sa girahan ag mawayak sa iba manga nasyun

Husyas 1:7

Dapat kaawaan niku ti nasakupan Huda. Aku, ti Panginuun nida Diyus, ti rumibri sa kanda sa panab-anan niku kamaskihan, balaw sa panab-anan labanan: pamana, baladaw, manga kabayu ngatay manga manugkabayu.”

Huwil 2:32

Dapat una si unu ti manhagad awat sa Panginuun maribri di sa sintinsiya aban. Dahil angay sa binagaw Panginuun, may masawad di manga Israilita sa Bantud Siun, imaw ti Hirusalim. Sida ti manga pinili Panginuun hampay maribri.

Amus 5:15

Amani niyu ti daut, buwata ti mayad, bag-u pagsintinsiya kamu matadlung sa hurusayan. Barang abi maawa ti Panginuun Diyus Makamaskihan sa nasawad pag manga lahi ni Husi.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Ruma 11:5

Katunda diman una kainda may imaw diman nasawad manga pinili Diyus dahil sa kay pangaawa.

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.

Diyuturunumiyu 28:13

Buwatun kamu Panginuun takinan manga nasyun, ag balaw tagasunud lang. Ungud, pirmi kamu sa tungud ag balaw sa sirung nu sundun niyu mayad ti manga sugu Panginuun niyu Diyus ti pag-ipakaun niku sa kanyu taynguna.

Diyuturunumiyu 32:43

Kamu pag manga nasyun, dayawa niyu ti nasakupan Panginuun, dahil balusan Panginuun ti manga nagmatay sa kay manga manugsirbi. Balusan niya kay manga kalaban, ag linisun niya kay daga hanggan kay manga nasakupan.