Hirimyas 31:4 - Hanunuu

⁴ Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 31:4 Iomraidhean Croise

2 Hari 19:21

Ag inda ti pagsabihun niku laban sa kanya: ‘Pagkasarin-an ag pagpuyaan kawu manga nasakupan Siun, ti banwa Hirusalim. Mag-il-ilung sida magpuya sa kanmu habang magpalagiw kawu.

Kanta 149:3

Pagdayaw sida sa kanya may sayaw; ag pagpatunug sida pamakaransing hanggan alpa sa pagdayaw sa kanya.

Kanta 30:11

Kang karukuan inilisan nimu kabayaan may tapil sayaw. Ipinauba nimu sa kangku ti isinulung niku pag saku katpung nanruku aku, bag-u pinakan-an nimu aku kabayaan,

Kanta 51:18

Diyus, papaladi ti Siun, ti banwa Hirusalim, dahil pag-ikabaya nimu buwatun inda. Patindugan maan kay manga alad batu tunda.

Kanta 69:35

Dahil iribri Diyus ti Siun, ag ibungsud maan niya ti manga banwa Huda. Ag mangulianan asan kay nasakupan ag apuun tunda pag daga.

Isayas 14:1

Kaawaan Panginuun ti Israil ag utru niya piliun bilang kay nasakupan. Utru pauliun niya sida sa kanda sadili daga, ag may manga day-uhan kumuyug mangulian kaibahan sa nasyun Israil.

Isayas 30:32

Girahun niya sida. Ag sa kada hampak Panginuun sa kanda, dumungan inda sa tunug pamakaransing hanggan alpa.

Isayas 37:22

inda ti pagsabihun Panginuun laban sa kanya: “Pagkadat-an ag pagsurugun kawu manga nasakupan Siun, ti banwa Hirusalim. Magkarasarin-an sida sa pagpuya sa kanmu magpalagiw.

Hirimyas 1:10

Taynguna pag sirang pakan-an niku kawu kapangyarihan magbagaw sa manga nasyun hanggan sa manga kaharian. Sabihun nimu sa kanda kuntay ti iba sa kanda midamhak gid, ti iba bumangun di ag tumindug uman.”

Hirimyas 14:17

“Hirimyas, sabihun nimu inda sa manga tawu: Sirang yabi, unman may apas kang maglumi dahil garabi ti biyag niku manga nasakupan kang pagkilalan-un tugnaw pag anak, ag tutuu gid magkasaktan aku.

Hirimyas 18:13

Nakan inda ti pagsabihun Panginuun: “Pagpaingana kamu sa iba nasyun nu may nasaydan aw sida parihu sa inda pag nangyari. Ti Israil parihu sa tugnaw pag babayi nagbuwat mayagting pag buwat!

Hirimyas 24:6

Dahanan niku sida hampay mayad kanda kahamtangan bag-u ipabalik niku sida sa inda pag daga. Utru niku sida ipatindug ag balaw yi rurisun. Parig-unun niku sida ag balaw yi ayitun.

Hirimyas 31:13

Nu katida, kanda manga daraga hanggan manga kan-akan ag manga gurangun manayaw sa kabayaan. Ilisan niku kabayaan kanda maglulumian. Sa halip manrukuan sida, pakan-an ngap niku sida kasulungan.

Hirimyas 31:21

“Pagpauli kamu tanda sa dalan. Tandai niyu kaayad kanyu paglakawan pag dalan dahil tunda diman pag dalan kanyu lakawan sa kanyu pagbalik. Israil parihu sa usa ka tugnaw pag babayi, pagbalik yi kamu sa kanyu manga banwa.

Hirimyas 31:38

Parargu pagsabihun Panginuun, “Rumas-ug ti udas ti banwa Hirusalim utru ipatindug ginan sa Bantayaw ni Hananil tugka sa Suuk Sabian.

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 46:11

“Manga taga Ihiptu, una umatag waya kamu sa Gilyad hampay manligaw bulung, ti tanan bulung udyi may bisa ag udyi gid makapaayad sa kanyu.

Karukuan 1:15

Dinayu Panginuun ti tanan niku manga sundalu. Nanipun siya manga sundalu sa pagpadamhak sa kang kalay-awan manga lalaki. Ti manga mag-uli sa Huda ga manga ubas ipinaslud sa gilingan ag tinatatataan Panginuun.

Karukuan 2:13

Manga nasakupan Hirusalim, unu nguna ti masabi niku sa kanyu? Sa unu niku pag-ipaparihu kanyu kakurian? Kanyu biyag ga parihu sa dagat kay kaabasad. Kabitay niku kamu mapabisug? Si unu nguna ti pumaayad sa kanyu?

Amus 5:2

Ti Israil parihu sa usa ka tugnaw daraga, naplid ag unman yi gid nakabangun uman. Pinabay-anan siya mabugtangan sa kay sadili daga, unman yi gid may nanbangun sa kanya.

Amus 9:11

“Rumas-ug ti sirang ipatindug maan niku ti kaharian ni Dabid parihu sa payag nagba. Karinuun niku tunda pag manga nagba. Ipatindug maan niku tunda ag ibalik niku parihu sa kabag-u,

Lukas 15:23

Bul-a niyu kanta pinatabul pag ibun baka, iyawa niyu bag-u kita mangaun hampay masulung gid.

Binwat 15:16

‘Kay sabi Panginuun magkun, Aban aku bumalik, bag-u ibungsud maan niku kan Dabid balay dahil nagpu yi. Una nawasak yi, ipatindug maan niku kay balay,

Talaghusay 11:34

Pagka nuli si Hipti sa Mispa sinulang siya niya anak babayi magsayaw habang magpatunug pamakaransing. Bugtung siya pag anak ni Hipti.