Hirimyas 31:34 - Hanunuu

³⁴ Unman yi may manabi sa kay kasimanwa ngatay sa kay patar-ari kuntay kailangan niya kilalan-a ti Panginuun. Dahil sida tanan kumilala sa kangku, ginan sa pinakapugri tugka sa pinakamaunlad. Patawadun niku sida sa kanda manga daut binuwat, balaw yi niku alalahanun kanda manga kasalanan. Aku, ti Panginuun, ti magbagaw inda.”

Hirimyas 31:34 Iomraidhean Croise

1 Krunika 28:9

“Ag kawu, Sulumun anak niku, kilalan-a ag sirbihi ti Diyus ga kanmu ama sa buu nimu tagipusuun ag kaisipan, dahil mag-akitan Panginuun ti kada tagipusuun ag alam niya kanta gayak ag pag-isipun. Nu magdangup kawu sa kanya, awatan kawu niya; dapat nu mamugya kawu sa kanya, dayuun kawu niya tugka aban.

Kanta 25:7

Danga yi pag-alalahana ti manga nabwat niku kasalanan katpung anak waya aku. Panginuun, angay sa kanmu pagmahal alalahana aku, hampay maipakakit nimu kanmu kaayadan.

Isayas 11:9

Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 29:24

Ti manga balaw nakasalum sa katutuuhanan makasalum yi, ag ti manga magriklamu nu pagtudluan makabaya yi.”

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 33:6

Siya ti pumarig-un sa kanyu. Alagaan niya kamu ag pakan-an kadunungan hanggan kaalaman. Ti mahalaga pag kayamanan niyu imaw ti paggalang sa Panginuun.

Isayas 38:17

Tutuu ti manga kakurian kang inagwanta para diman sa kang kaayadan. Dahil sa pagmahal nimu, irinibri nimu aku sa kadamhakan ag pinatawad nimu kang manga kasalanan.

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 52:6

Dapat rumas-ug ti sirang maalaman niyu nu si unu aku, dahil aku gid ngap tigbagaw sa kanyu. Hu aku ngani.”

Isayas 54:13

Aku ti manudlu sa kanmu manga nasakupan, ag bumaliw mayad kanda kahamtangan.

Hirimyas 24:7

Pakan-an niku sida tagipusuun makakilala sa kangku kuntay aku ti Panginuun. Sida kang yi nasakupan ag aku kanda yi Diyus, dahil bumalik yi sida sa kangku sa buu nida tagipusuun.

Hirimyas 32:40

Mamuwat aku kasunduan unman may katugkaan sa kanda kuntay parargu aku magbuwat kaayadan sa kanda. Pakan-an niku sida maghinaum maggalang sa kangku hampay balaw yi sida pumakarayu sa kangku.

Hirimyas 33:8

Lumpiyuhun ag patawadun niku sida sa tanan pag kasalanan pag buwatun nida laban sa kangku.

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Hirimyas 9:23

Magkun waya gid ti Panginuun, “Balaw kailangan pag ipadayaw madunung kay kadunungan, ngatay mabisug kay kabisugan, aw ngatay ti mayaman kay kayamanan.

Husyas 2:20

ag bumaliw matinupadun aku sa kanyu. Nakan kilalan-un yi gid niyu aku, ti Panginuun.

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Mikas 7:19

Kaawaan di maan nimu kami ag bul-un nimu ti tanan nimi manga kasalanan. Tat-an nimu inda ag iyamut sa kaabasad-basadan dagat.

Habakuk 2:14

Dahil nu kabitay ti dagat punu danum, ti tanan tawu sa kalibutan mapnu diman kinaalman tungkul sa kamaskihan Panginuun.

Matiyu 11:27

Pagkatapus, magkun si Hisus sa manga tawu, “Ti tanan bagay ipinabahala niku Ama sa kangku. Unman may nakakilala sa Anak nu unman ti Ama. Ag unman may nakakilala sa Ama nu unman ti Anak ag ti manga tawu gustu Anak makakilala sa Ama.

Lukas 1:77

Ipaalam nimu ti karibrihan Panginuun sa kay nasyun, sa panab-anan pagpatawad nida kanda manga kasalanan.

Huwan 17:3

Inda yi ngani ti ibug sabihun buhi unman may katapusan nu kilalan-un tawu kawu lang ti tutuu gid pag Diyus ag nu kilalan-un niya si Hisu-Kiristu, ti sinugu nimu.

Huwan 17:6

“Ipinakilala niku kawu sa manga tawu kanmu iinintirga sa kangku ginan sa kalibutan. Daan sida manga sakup nimu bag-u kanmu iinintirga sida sa kangku ag tinupad nida kanmu bagaw.

Huwan 6:45

“Isinurat sa Ribru manga Purupita magkun, ‘Sida tanan-tanan tudluan Diyus.’ Una hintay pag tawu nakadnug ag nagpatudlu sa Ama, pumasakup sa kangku.

Binwat 10:43

Ti tanan purupita nagbarita diman waydi tungkul sa kan Hisus magkun, una hintay pag tawu nu sumarig sa kanya, patawadun Diyus kay manga kasalanan dahil sa kamaskihan niya.”

2 Kurintu 2:10

Una si unu kanyu pinatawad, pinatawad diman niku. Nu may pinatawad aku, nakan kang pinatawad dahil sa kanyu sa atubangan ni Kiristu.

2 Kurintu 4:6

Dahil Diyus ti nagsabi magkun, “Ginan sa kadudulman pagsinggit ti karayawan.” Siya diman ti nagpakaun rayaw sa kanmi manga naisipan hampay makilala ti kadayawan Diyus mag-akitan sa uyahun ni Kiristu.

Ipisu 1:7

Irinibri kita ni Kiristu sa panab-anan niya dugu, ag pinatawad yi kanta manga kasalanan. Ungud gid makadululaw kay mayad pag nabubut-un Diyus,

1 Tisalunika 4:9

Unman yi kailangan tudluan waya nimi kamu tungkul sa pagmahal sa manga patar-ari sa Panginuun, dahil tinudluan yi waydi kamu Diyus, hampay kamu magmalahalan sa usa kag sa usa.

Hibriyu 5:12

Dahil mana kamu kainda madunung yi magtudlu, dapat kailangan ngap may magtudlu waya maan sa kanyu tungkul sa kabag-u ginan pag umpisa adal Bagaw Diyus. Gatas maan kanyu kailangan, bukun maaw maganit pag karan-unun.

Hibriyu 8:11

Aban udyi may tawu manudlu waya sa kay kaparihu una sa kay patar-ari magkun, ‘Kilalan-a nimu ti Panginuun.’ Dahil kumilala yi gid sa kangku ti tanan tawu ginan sa pinakaababa hanggan sa pinagkaabwat.

Hibriyu 8:12

Kaawaan niku sida una sida nagkasala. Kanda kasalanan balaw yi alalahanun niku.”

1 Huwan 2:20

Dapat ipinakaun yi sa kanyu ti Ispiritu Banal, nakan alam yi niyu tanan-tanan ti katutuuhanan.

1 Huwan 2:27

Dapat duy, ipinakaun ni Kiristu sa kanyu ti Ispiritu Banal, imaw ti nangulian sa kanyu. Nakan balaw yi kailangan may magtudlu waya sa kanyu, dahil ti Ispiritu yi gid tigtudlu sa kanyu sa tanan bagay. Kay pag-itudlu Ispiritu balaw pudil, tunda lunsay katutuuhanan ngap. Nakan pagpaniwala kamu sa tudlu Ispiritu, dagpablag kamu ginan sa kan Kiristu.

1 Huwan 5:20

Magkaalaman diman nita nagsitay ti Anak Diyus, bag-u pinakan-an niya kita intindi hampay makilala nita ti Diyus tutuu. Kita magpakiusa sa Diyus tutuu, dahil sa kanta magpakiusa sa kay Anak, sa kan Hisu-Kiristu. Inda yi gid ti Diyus tutuu, ag ti tutuu pag buhi unman may katapusan.

1 Samwil 2:12

Kan Ili duwa ka anak lalaki daut kay manga ugali. Unman gid sida magsunud sa Panginuun.