Hirimyas 31:3 - Hanunuu

³ Kaybi sa kabag-u, ti Panginuun nagpakakit sa manga Israilita ag magkun, “Pagmahalun gid niku kamu balaw may katapusan pag pagmahal. Sa kang mayad nabubut-un, pag-ipakarani niku kamu sa kangku.

Hirimyas 31:3 Iomraidhean Croise

1 Hari 10:9

Dayawun ti Panginuun nimu Diyus, magbaya sa kanmu ag nagpauli sa kanmu sa kaharian Israil. Dahil unman may katapusan ti pagmahal Panginuun sa Israil, binwat niya kawu hari hampay humari kawu may katuwiran ag katadlungan.”

Kanta 103:17

Dapat balaw may katugkaan ti pagmahal Panginuun sa manga maggalang sa kanya, sa manga magtupad sa kay taratu, ag sa manga magsunud sa kay manga sugu. Ag kay matadlung pag pagbuwatun pumarargu sa kanda manga sinulput.

Kanta 25:6

Panginuun, alalahana kanmu pangaawa hanggan pagmahal, kanmu ipinakakit ginan di waya sa kabag-u.

Kanta ni Sulumun 1:4

Tabana aku, mandaldali kita lakaw. Kawu kang hari. Daran-a aku sa kanmu sulud-sulud. Magbaya gid kami sa kanmu! Mas pagkaibgan nimi kanmu pagmahal kaysa intus. Hustu lang maibug sida sa kanmu!

Isayas 43:4

Ipakaun niku ti iba ka manga tawu bilang ka ilis nimu, dahil kawu garalangun ag mahalaga sa kang magbantay, dahil pagmahalun niku kawu.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 49:14

Dapat magkun ti manga nasakupan Hirusalim, “Pinabay-anan yi kami Panginuun; kinalimtan yi niya kami.”

Husyas 11:1

Magkun ti Panginuun, “Katpung anak waya ti Israil, pagmahalun niku siya. Tinawag niku siya ginan sa Ihiptu bilang kang anak.

Husyas 11:4

Giniyahan niku sida may pagmahal. Ga bin-ul niku kanda singkaw sa liug ag yinmuk-ub aku hampay pakaunun sida.

Malakyas 1:2

Magkun ti Panginuun, “Pagmahalun niku kamu. Dapat magpaingana waya kamu, ‘Kabitay nimu kami kamahal?’ Isipa niyu una magtar-ari sida ni Isaw ni Hakub, pagmahalun niku si Hakub

Ruma 8:30

Kay manga pinili ginan waya sa kabag-u kay diman binutung. Ti manga binutung niya kay diman kinilala kuntay manga matadlung. Ag ti manga nakilala niya kuntay manga matadlung, naayawan diman waydi niya kadayawan.

Ruma 9:13

Angay sa isinurat sa Banal Kasuratan magkun, “Pinili niku si Hakub, dinayu niku si Isaw.”

Diyuturunumiyu 10:15

Dapat pinili Panginuun kanyu manga ginurang hampay kay mahalun, ag kamu kanda manga lahi ti pinili niya mas higit sa tanan pag nasyun, tugka kainda kamu di maan kay pinili pag manga nasakupan.

Diyuturunumiyu 33:26

Unman may kaparihu ti Diyus Israil. Masakyan siya sa manga rurum hampay awatan kamu. Sa kay kamaskihan magpaburayhaw siya sa kalangitan.

Diyuturunumiyu 33:3

Pagmahalun gid ungud Panginuun kay manga nasakupan. Pag-alagaan niya ti manga pinili niya pag tawu. Nakan pagsundun nida siya ag pagtupadun kay sugu.

Diyuturunumiyu 4:37

Ag dahil sa pagmahalun niya kanyu manga ginurang, pinili niya kamu ag ipinalwas ginan sa Ihiptu sa panab-anan niya kadayawan ag kamaskihan.

2 Timutiyu 1:9

Diyus ti nagribri ag nagpili sa kanta hampay kita kanya yi. Balaw dahil sa kanta sadili buwat nu unman angay ngap sa kay turunu ag pangaawa. Pagka udwaya linalang ti kalibutan daan di itinigana niya kay mayad nabubut-un sa kanta sa panab-anan ni Kiristu Hisus.

Santiyagu 1:18

Angay sa kay kagustuhan binag-u niya kanta buhi pagka ipinakilala niya sa kanta ti bagaw katutuuhanan, hampay kita bilang ga kay yi akaan burak sa tanan niya linalang.

1 Pidru 1:3

Dayawun nita ti Diyus, imaw ti Ama nita Panginuun Hisu-Kiristu. Daka gid kay pangaawa Diyus sa kanta. Dahil lang sa kay pagkabuhi uman ni Hisu-Kiristu ginan sa kamatayan, nakan ngani kita iinanak sa bag-u buhi may pagsarig daka.

1 Huwan 4:19

Kita may pagmahal dahil ti Diyus waydi ti un-an nagmahal sa kanta.