Hirimyas 31:23 - Hanunuu

²³ Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 31:23 Iomraidhean Croise

Kanta 128:5

Mana papaladan kamu Panginuun ginan sa Siun, ti banwa Hirusalim. Mana makitan niyu mag-abunda inda pag banwa habang magkabuhi kamu.

Kanta 129:8

Mana unman may manlawuy kuntay sumabi sa kanda, “Mana papaladan kamu Panginuun! Pagpapaladan nimi kamu sa ngaran Panginuun.”

Kanta 134:3

Papaladan waya mana kamu Panginuun ti asan sa Siun, imaw ti naglalang sa kalangitan ag sa kalibutan.

Kanta 28:9

Ribrihan ag papaladi kanmu magkaapu pag nasakupan. Alagai sida parihu sa manug-alaga karanidu; alagai sida sa unman may katapusan.

Isayas 1:21

Bantayi niyu ti banwa Hirusalim. Matinupadun inda kaybi, dapat taynguna ga babayi baraydan. Kaybi manga tawu matadlung ti mag-uli sitay, dapat taynguna manga manugmatay-tawu.

Isayas 1:26

Utru maan pakan-an niku kamu manga takinan hanggan manga manugpaanyu ga kaybi. Kanyu banwa ingarnan ‘Banwa manga Matadlung ag Matinupadun pag manga Tawu.’ ”

Isayas 11:9

Udyi may mandaut ngatay man-guba sa Siun, ti banal niku pag bantud. Dahil bumaliw lantap sa buu kalibutan ti pagkilala sa Panginuun parihu sa kalalawdan dagat punu danum.

Isayas 32:16

Lumantap ti katadlungan ag katuwiran sa pangawakawaan hanggan sa maabunu pag daga.

Isayas 33:5

Ti Panginuun abwat sa tanan! Dahil siya mag-uli sa langit. Ipalantag niya ti katadlungan ag katuwiran sa Hirusalim.

Isayas 60:21

Ti tanan nimu nasakupan bumaliw matadlung, ag sida yi ti umapu daga Israil hanggan aban. Binwat niku sida ga halaman kang itinanum para sa kang kadayawan.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 30:18

Magkun waya ti Panginuun, “Utru niku ibalik ti kayamanan manga banwa sa linahi ni Hakub ag kaawaan niku sida. Ti banwa hanggan ti balay hari winayak ipatindug maan sa daan nagpatindugan.

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Hirimyas 50:7

Siniba sida manga nakakit sa kanda. Magkun ti manga kalaban nida, ‘Nagsalan sida sa Panginuun imaw ti tutuu nida paraharyan ag pagsarigan manga kaumputan nida nakan unman kita may kasalanan sa kanta paggira sa kanda.’

Ubadyas 1:17

“Dapat may masawad di manga Israilita sa Bantud Siun, ag bumaliw banal maan inda pag rugar. Maiuli di sa manga linahi ni Hakub ti manga daan nida magkaapu pag daga.

Mikas 4:1

Sa manga uryan aban pag sirang, ti bantud nabungsudan Balay Diyus Panginuun bumaliw pinakamahalaga gid sa tanan pag bantud. Manlinuwang ataytag ti manga tawu ginan sa tuhay-tuhay pag nasyun.

Sakaryas 8:3

Mamalik aku sa Siun, ti banwa Hirusalim, ag mangulian aku siyun. Nakan ingarnan ti Hirusalim Masurundun pag Daka Banwa ag kang bantud ingarnan Banal pag Bantud.

Rut 2:4

Pagka ati di waya si Rut rinmas-ug si Buus ginan sa Bitlihim ag kay kinamusta ti manga manug-ani, “Pagsa kanyu ti Panginuun!” Sinmagut ti manga manug-ani, “Papaladan kawu Panginuun!”