Hirimyas 31:21 - Hanunuu

²¹ “Pagpauli kamu tanda sa dalan. Tandai niyu kaayad kanyu paglakawan pag dalan dahil tunda diman pag dalan kanyu lakawan sa kanyu pagbalik. Israil parihu sa usa ka tugnaw pag babayi, pagbalik yi kamu sa kanyu manga banwa.

Hirimyas 31:21 Iomraidhean Croise

1 Krunika 29:3

Ag dahil sa kang kagustuhan ipatindug ti Balay para sa kang Diyus, ipakaun niku kang sadili pag manga gintu ag pilak, bukud waya sa manga garamitun natipun yi niku para sa banal pag Balay Diyus.

2 Krunika 11:16

Ti manga Israilita sa tuhay-tuhay pag bahagi Israil ti may gustu mandangup sa Panginuun, ti Diyus Israil, dinmasun sa manga lahi ni Libi sa Hirusalim, hampay makahandug sida manga handug sa Panginuun, ti Diyus nida manga ginurang.

2 Krunika 20:3

Nadala si Husapat, ag nagdangup siya sa Panginuun. Bag-u nagsugu siya danga maghandum karan-unun ti tanan taga Huda.

Kanta 62:10

Danga kamu magsarig sa magpanguwarta. Danga kamu magsarig may mab-ul kamu sa panab-anan panakaw. Una magdugang waya kanyu kayamanan, danga inda pagsarigi.

Kanta 84:5

Mapalad ti manga tawu magtanggap kabisugan ginan sa kanmu, ag maghingabut gid umati sa kanmu Balay.

Kabagawan 24:32

Pagka nakitan niku inda nag-isip aku mayad, ag nab-ul niku inda pag adal:

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 57:14

Sumabi aku, hiwata niyu ti dalan lakawan niku manga nasakupan.”

Isayas 62:10

Manga taga Hirusalim, pagluwas kamu sa kanyu puwirtahan banwa, ialistu niyu ti lakawan niyu iba waya pag manga kakilala. Rayawa niyu kanda lakawan. Bul-a niyu kay manga batu, pagpatindug kamu bandira magpakilala sa manga tawu pinauli yi Panginuun kay manga nasakupan.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 3:14

Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 46:11

“Manga taga Ihiptu, una umatag waya kamu sa Gilyad hampay manligaw bulung, ti tanan bulung udyi may bisa ag udyi gid makapaayad sa kanyu.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Hirimyas 51:50

“Kamu pag manga nasawad buhi, pagpalagiw yi kamu ginan sa Babilunya ag danga kamu magpat-ung! Isipun niyu ti Panginuun ag ti Hirusalim una sa arayu kamu pag rugar.

Hirimyas 51:6

“Pagpalagiw kamu ginan sa Babilunya! Iribri niyu kanyu buhi. Balaw kamu kailangan mamatay dahil sa kasalanan Babilunya. Udas yi hampay balusan niku siya angay sa kay manga binwat niya.

Hirimyas 6:16

Inda waya ti pagsabihun Panginuun, “Pagtindug kamu sa pagsalakan dalan bag-u pagbantay kamu kaayad. Pagpaingana nu naan ti dalan ag mayad lakawan, bag-u ati kamu pag lumakaw. Ag magkaimaw kamu kahusayan. Dapat ay magkun kamu, ‘Dayu kami manlakaw siti.’

Isikil 40:4

Magkun ti tawu sa kangku, “Anak tawu, pagpatingi kawu ag bantayi kaayad ti tanan ipakakit niku sa kanmu dahil imaw inda kay dahilan nu hayga dinara kawu sitay. Bag-u tultulan sa nasakupan Israil ti tanan nimu nakitan.”

Hagay 1:5

Isip-isipa niyu ti manga magpangyari sa kanyu.

Sakaryas 10:9

Una winayak niku sida sa iba nasyun, maalaala di nida aku ati. Mabuhi di sida hanggan kanda manga anak, ag bumalik sida sa kanda rugar.

Diyuturunumiyu 32:46

magkun siya sa manga tawu, “Tandai gid niyu sa kanyu manga tagipusuun ti tanan niku pagsabihun sa kanyu kainda. Tudluan diman waydi niyu inda sa kanyu manga anak hampay matupad nida kaayad ti tanan pagsabihun sa inda pag manga sugu.