Hirimyas 31:19 - Hanunuu

¹⁹ Nagpakarayu kami sa kanmu kaybi, pat-ay nag-ampu yi duy kami taynguna. Pagka naalaman nimi kuntay nagkasala kami, tinaptap duy nimi kanmi manga dubdub sa pag-ampu. Magkay-a kami sa kanmi manga binuwat kaybi sa kanmi kalay-awan.”

Hirimyas 31:19 Iomraidhean Croise

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Hub 13:26

Magsurat kawu marasakit pag manga bangdan laban sa kangku, ag pagpabayadun nimu aku sa manga kasalanan nabwat niku katpung anak-anak di waya aku.

Hub 20:11

Mabisug ag balaw waya gurangun siya mamatay yi ag ilbung.

Kanta 119:67

Sa kabag-u, sa unman waya nimu aku pagparusahan, magpakarayu aku sa kanmu, dapat kainda pagtupadun yi niku kanmu bagaw.

Kanta 25:7

Danga yi pag-alalahana ti manga nabwat niku kasalanan katpung anak waya aku. Panginuun, angay sa kanmu pagmahal alalahana aku, hampay maipakakit nimu kanmu kaayadan.

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Hirimyas 22:21

Pinakan-an niku kamu pasandam kaybi sa mayad waya kanyu kahamtangan, dapat unman kamu namatingi. Ungud katunda ti ugali niyu ginan kaybi sa anak waya kamu; unman gid kamu magsunud sa kangku.

Hirimyas 3:25

Kailangan ngani duy kami patagu dahil sa kay-a dahil kami hanggan kanmi manga ginurang nagsalan sa kanmu, Panginuun nimi Diyus. Ginan waya sa pagkaanak nimi tugka kainda, unman duy kami sinmunud sa kanmu.”

Hirimyas 32:30

“Aku, ti Panginuun, ti magsabi ginan di waya kabag-u, unman yi may binuwat ti manga taga Israil hanggan ti taga Huda nu unman lunsay kadautan. Ginalit nida aku sa panab-anan nida manga buwat.

Isikil 21:12

“Anak tawu, paglumi kawu mabisug ag taptapa kanmu dubdub sa karukuan dahil inda pag baladaw manmatay sa kang nasakupan manga Israilita ag sa kanda manga takinan.

Isikil 21:17

Isuntuk diman niku kang kamang sa pangagalit, hampay madura kang pangagalit. Aku, ti Panginuun, ti magbagaw inda.”

Isikil 23:3

Katpung kalay-awan waya sida, magpabili sida kanda bilug sa Ihiptu. Pagpabay-anan lang nida ti manga lalaki manpasawa-sawa sa kanda manga bilug.

Isikil 36:26

Pakan-an niku kamu bag-u pag tagipusuun hanggan ispiritu. Kanyu maganit tagipusuun bumaliw masurundun pag tagipusuun.

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Sakaryas 12:10

“Pakan-an niku ispiritu maawaun ag maradarangin ti manga linahi ni Dabid hanggan ti manga taga Hirusalim. Bantayan nida aku kanda binunu, ag manlumi sida parihu sa gurang maglumi sa pagkamatay nida bugtung anak ngatay anak panganay.

Lukas 15:30

Dapat taynguna nuli yi kam anak, imaw yi ti nag-unyang kanmu manga kasiyunan, ginastus sa manga panguragin unman may kabuluhan, hayga waya gid kanmu iniyawan pinatabul pag ibun baka?’

Lukas 18:13

“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”

Ruma 6:21

Hintay nguna pag masulung kanyu nakitan ati katpung? Tunda lang pag manga buwat kanyu pag-ikay-a taynguna, dahil kay patabgan ngani kamatayan.

Diyuturunumiyu 30:2

Nu sa tunda pag udas bumalik nalub-anan kanmu hanggan kanyu manga anak sa Panginuun niyu Diyus, ag sundun niyu buu tagipusuun ag karadwa ti tanan pag-isugu niku sa kanyu kainda,

2 Timutiyu 2:25

Kailangan pagmaalumanay siya nu magtamyaw sa manga maglaban sa kanya. Barang nu katida pag paraan, pakan-an sida Diyus rugar hampay makasisi ag makaampu sa kanda kasalanan, agud maalaman nida ti katutuuhanan.