Hirimyas 31:16 - Hanunuu

¹⁶ Dapat magkun ti Panginuun, “Danga yi kawu maglumi dahil pirimyuhan niku kawu sa kanmu manga binuwat. Bumalik kanmu manga anak ginan sa daga manga kalaban.

Hirimyas 31:16 Iomraidhean Croise

Gimpuunan 43:31

Pagkatapus, nangiram-us siya ag nanbalik sa kanda pagpigilun kay magkaramdaman. Bag-u nagsugu siya alistuhan yi ti karan-unun.

Gimpuunan 45:1

Udyi maampara ni Husi kay sadili, nakan pinaluwas niya kay manga suruguun. Igu sida wadi ati, napakilala siya sa kay manga patar-ari.

2 Krunika 15:7

Dapat kamu waydi, pagpakarig-un kamu, danga magpanlumuy, dahil kanyu manga binwat pirimyuhan.”

Kanta 126:5

Ti magpamgas maglumi umani ngap may kabayaan.

Kanta 30:5

Dahil kay pangagalit balaw magdugay, dapat kay kaayadan pumarargu hanggan aban. Mahimu sa yabi maglumi kita, dapat rumas-ug ti surip may kabayaan kita.

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Isayas 25:8

Bul-un diman Panginuun Diyus ti kamatayan ag payidun niya ti manga luwa tanan tawu. Bul-un niya ti kakay-ahan niya manga nasakupan sa buu kalibutan. Mangyari gid inda dahil binagaw Panginuun.

Isayas 30:19

Kamu manga taga Siun, manga nasakupan Hirusalim, balaw yi kamu utru manlumi! Kaawaan kamu Panginuun nu manhagad kamu awat sa kanya. Nu madnugan niya kanyu darangin, sagtun niya kamu.

Isayas 40:10

Magras-ug ti Panginuun Diyus makamaskihan ag humari siya may kamaskihan. Magras-ug siya dara ti pirimyu, ti irinibri niya pag nasakupan.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 30:18

Magkun waya ti Panginuun, “Utru niku ibalik ti kayamanan manga banwa sa linahi ni Hakub ag kaawaan niku sida. Ti banwa hanggan ti balay hari winayak ipatindug maan sa daan nagpatindugan.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Isikil 37:21

ag sabihi sida, ‘Inda ti pagsabihun Panginuun Diyus: Tipunun niku ti manga Israilita ginan sa tanan nasyun kinalatan nida, bag-u daran-un sida pabalik sa kanda sadili daga.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

1 Tisalunika 4:14

Nagpaniwala kita si Hisus namatay bag-u nabuhi siya uman. Nakan ngani katunda diman kita magpaniwala tungkul sa tanan manga magsarig sa kan Kiristu, nu sida namatay yi, buhiun waydi sida Diyus hampay sida minsan yi sa kan Hisus.

Hibriyu 11:6

Nu unman may sarig ti tawu, dayu mahimu siya lubus pagbayaun Diyus. Dahil nu ti tawu magpakarani sa Diyus kailangan siya magsarig kuntay may Diyus ag unman siya magpabaya sa manga maghanap sa kanya.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Rut 2:12

Nakan papaladan mana kawu Panginuun dahil sa kanmu binwat. Mana laun pag pirimyu kanmu matanggap ginan sa Panginuun, ti Diyus Israil, kanmu darangpan.”