Hirimyas 31:13 - Hanunuu

¹³ Nu katida, kanda manga daraga hanggan manga kan-akan ag manga gurangun manayaw sa kabayaan. Ilisan niku kabayaan kanda maglulumian. Sa halip manrukuan sida, pakan-an ngap niku sida kasulungan.

Hirimyas 31:13 Iomraidhean Croise

Isra 6:22

Sa sulud pitu ka sirang idinaus nida may kabayaan ti Pista Tinapay Unman may Pamadaka. Dahil pinakan-an sida Panginuun kabayaan pagka kay binag-u ti tagipusuun hari Asirya hampay awatan sida sa pagbuwat Balay Diyus, ti Diyus Israil.

Nihimyas 12:27

Katpung panahun pagtalaga alad batu Hirusalim, ipinatawag ti manga Libita ginan sa kanda pag-ulian. Ipinaatag sida sa Hirusalim hampay makapakiusa sa masulung pag buruwatun sa pagtalaga Balay Diyus sa panab-anan pagkanta manga kanta pasalamat hanggan pagpatunug manga simbals, alpa ag lira.

Nihimyas 12:43

Pagka sa tunda pag sirang, nagpakaun sida mayamu gid pag manga handug ag nagbaya, dahil pinasulung gid sida Diyus. Hanggan ti manga babayi ag manga anak masulung diman. Nakan ti iringayan nida kabayaan mag-adnugan una sa arayu.

Istir 9:22

Inda hampay alalahanun ti sirang nida karibrihan sa kanda manga kalaban, ti karukuan nida nabalyuhan kasulungan ag ti lulumian nabalyuhan kabayaan. Nakan sinabi sa kanda ni Murdukyu sa surat kailangan pagdaus sida pista, pagbaya sa tunda pag sirang, ag pag-arayawan manga pamakaun sa kada usa lalu sa manga makuri kay kahamtangan.

Kanta 126:5

Ti magpamgas maglumi umani ngap may kabayaan.

Kanta 148:12

manga kasupangan, manga gurangun ag manga anak.

Kanta 149:3

Pagdayaw sida sa kanya may sayaw; ag pagpatunug sida pamakaransing hanggan alpa sa pagdayaw sa kanya.

Kanta 30:11

Kang karukuan inilisan nimu kabayaan may tapil sayaw. Ipinauba nimu sa kangku ti isinulung niku pag saku katpung nanruku aku, bag-u pinakan-an nimu aku kabayaan,

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 60:20

Aku kanmu pinagka-init hanggan bulan balaw misalup hanggan aban. Ag madura yi kanmu manga aragwantahun.

Isayas 61:2

Sinugu diman niya aku hampay ibarita kuntay taynguna yi pag panahun pag-iribri Panginuun kay manga nasakupan ag parusahan kanda manga kalaban. Sinugu diman niya aku hampay libangun ti manga maruku sa Siun, sa halip mamauli sida dapug, kurunahan ngap ngatay paulian lana kanda ulu tanda nida kabayaan. Bumaliw sida ga puun kayu matibay itinanum Panginuun. Kilalan-un sida matadlung pag tawu para sa ikadayaw Panginuun.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Huwan 16:22

Katunda diman kamu. Taynguna kamu maruku, dapat pumakakit di maan aku aban sa kanyu bag-u makabaya gid kanyu tagipusuun ag udyi may tawu bum-ul kanyu kabayaan sa tagipusuun.

Talaghusay 21:21

ag bantayi niyu ti manga daraga taga Silu. Nu lumawuy sida ati hampay manayaw sa pista, pagluwas kamu sa tanman ag masigbuul kamu kanyu asawan-un ag daran-a sa kanyu rugar.