Hirimyas 31:10 - Hanunuu

¹⁰ “Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Hirimyas 31:10 Iomraidhean Croise

Gimpuunan 10:5

Tunda ngani sida kay manga linahi ni Hapit. Sida ti gimpuunan manga tawu mag-uli sa manga baybay hanggan manga puru sa dagat. Ti kada magtal-anakan nida mag-uli sa sadili nida rugar sakup nida nasyun, ag may sadili sida pamagaw.

Kanta 147:2

Pag-ipatindug maan Panginuun ti Hirusalim; ag pagtipunun maan niya ti nabihag pag manga taga Israil.

Kanta 23:1

Panginuun, kawu kang manug-alaga, nakan balaw aku pagkurangun.

Kanta 72:10

Mana ti manga hari sa Tarsis, sa manga puru sa dagat, sa Shiba, ag sa Siba mangayaw sa kanya manga pamakaun sa pagpakakit magpasakup sida sa kanya.

Kabagawan 27:23

Bantayi ag alagai kaayad kanmu hayup,

Isayas 24:14

Ti manga masawad pag tawu manringgit sa kasulungan. Ti manga sa isalpan tumultul tungkul sa kamaskihan Panginuun.

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 40:1

Magkun ti Diyus, “Pasulunga ag pabisuga niyu ti nalub-anan niku manga nasakupan.

Isayas 40:11

Alagaan niya kay manga nasakupan ga pastur mag-alaga sa kay manga karanidu. Pagsalilihun niya ti dariit pag karanidu madahan niya pag giyahan ti manga inaan karanidu.

Isayas 41:1

Magkun ti Panginuun, “Kamu pag manga nasakupan sa arayu pag rugar, danga kamu mag-ingay pagpatingi sa kangku. Kamu pag manga nasyun, pagpakarig-un kamu ag pagpakarani sa kangku, bag-u sabihun niyu sa kangku kanyu manga riklamu. Mantiripnan kita ag paghampangan nita inda.

Isayas 42:10

Pagkanta kamu manga bag-u pag kanta sa Panginuun! Pagkanta kamu manga pagdayaw sa kanya, una kamu ti asan sa pinakaarayu pag bahagi kalibutan. Dayawun niyu siya, kamu pag manga magpanakayan hanggan kamu tanan pag manga linalang sa dagat, ag kamu pag manga mag-uli sa ararayu pag rugar.

Isayas 42:4

Balaw gid siya manlumuy ngatay maduraan pag-asa hanggan sa unman niya lubus naipalantap ti katadlungan sa buu kalibutan. Una ti manga tawu sa ararayu pag rugar manpatigagad sa kay manga tudlu.”

Isayas 48:20

Pag-ighit kamu sa Babilunya! Ipaburayhaw niyu may kabayaan sa buu kalibutan kuntay irinibri Panginuun kay manugsirbi, ti nasakupan Israil.

Isayas 54:7

Tinayakan kawu niku ngalay, dapat dahil sa daka pag-awa niku sa kanmu utru kawu niku alagaan.

Isayas 66:19

Mamakakit aku makadululaw sa kanda. Ag ti manga masawad sa kanda ipadara niku atag sa nasyun Tarsis, Pul, Lud (kay manga nasakupan bantug sa paggamit ugyung), Tubal, Grisya, ag iba waya pag manga ararayu rugar udwaya nakadnug sa kang kadayawan ag balaw nakakit sa kang kamaskihan. Itultul nida kang kamaskihan sa manga nasyun.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 25:22

ti Tiru, ti Sidun, ti manga puru sa dipay dagat,

Hirimyas 3:15

Bag-u pakan-an niku kamu takinan gustu niku ti manugpanguna sa kanyu may kadunungan ag intindi.

Hirimyas 50:17

“Ti manga Israilita ga manga karanidu namululagan pagbukadun manga liyun. Kabag-u, siniba hari sa Asirya, rargu ti pinaka-uryan nag-arit-it kanda manga but-ul si Hari Nabukudunusur sa Babilunya.

Hirimyas 50:19

Dapat pabalikun niku ti manga Israilita sa nasyun nida. Bumaliw ga manga karanidu sida magharab sa kabantudan Karmilu ag sa karatagan Basan, hanggan sa kabantudan Ipraim ag Gilyad, bag-u mabsug gid sida.

Isikil 11:16

“Nakan sabihi ti kaibahan nimu sa pagkabihag, aku, ti Panginuun Diyus, magbagaw magkun, ‘Ipinabihag niku kamu ag ipinanwayak sa iba pag manga nasyun, dapat kaibahan kang kadayawan sa kanyu sa inda pag manga rugar.

Isikil 20:34

Hu, sa kang masyadu pag kamaskihan ag pangagalit, ipalwas ag bul-un niku kamu ginan sa tuhay-tuhay pag manga nasyun nu naan nagkarawayak kamu,

Isikil 34:12

Bumaliw aku parihu sa manug-alaga maghanap karanidu nagkaralat. Iribri niku sida sa tanan rugar nu naan sida nagkarawatak katpung udas kaguluhan.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Isikil 5:10

Kan-un manga gurang kanda manga anak, ag kan-un manga anak kanda manga gurang. Parusahan gid niku kamu, ag ti manga masawad sa kanyu wayakun niku sa buu kalibutan.

Isikil 5:2

Kay un-an pag bahagi ipauli nimu sa daga pinaganit kanmu ginuhitan Hirusalim, paulian kay usa ka bahagi buhuk sa daga pinaganit, ag sunuga inda siyun sa karaw-an banwa. Paulian kay usa ka bahagi sa palibut banwa ag pamulud-puluda nimu baladaw. Kay nasawad pag bahagi sarwagan sa durus, dahil kalatun niku kang nasakupan sa panab-anan baladaw.

Danyil 11:18

Nakan ti manga banwa lang dapu sa arani dagat ti girahun hari Sirya, ag mayamu kay sakupun. Dapat amparahun usa ka takinan kay magpakay-a sa iba, ag mangay-a gid ngap siya.

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Mikas 2:12

Magkun ti Panginuun, “Kamu pag manga nasawad nasakupan Israil ag Huda, tipunun gid niku kamu ga manga karanidu sa tudiran aw ngatay ga kaban hayup sa labuan. Mapunu manga tawu kanyu kadagaan.

Mikas 4:6

Magkun ti Panginuun, “Sa ati pag sirang, tipunun niku kang manga pinarusahan pag manga nasakupan niku. Sida ga manga karanidu pilay namululagan. Ti manga nasawad sa kanda buwatun niku makapangyarihan pag nasyun. Ag humari aku sa kanda sa Bantud Siun taynguna ginan hanggan aban.

Mikas 5:4

Dumarahan niya ti nasakupan Israil sa panab-anan kabisugan ag kamaskihan Panginuun. Parihu siya sa usa ka manug-alaga karanidu. Nakan mangabuhi sida may kahusayan dahil galangun manga tawu sa buu kalibutan kay kapangyarihan.

Sipanyas 2:11

Padalaun sida Panginuun dahil papasun niya ti tanan manga diyus-diyusan sa buu kalibutan. Ag sambahun siya manga tawu sa tanan nasyun sa kanda manga banwa.”

Sipanyas 3:19

Sa ati pag sirang, parusahan niku ti tanan mag-ihid sa kanyu. Kamu parihu sa manga karanidu napilay ag namululagan dapat iribri niku kamu ag tipunun di maan. Kaybi pinakay-a kamu, dapat parangalan niku kamu ag buwatun bantug sa buu kalibutan.

Sakaryas 10:8

Tawagan niku kang manga nasakupan ag tipunun niku sida. Iribri niku sida, ag yumamu sida parihu sa kabag-u.

Sakaryas 2:6

Magkun ti Panginuun sa manga Israilita, “Pinanwayak niku kamu una naan tag baliwa sa buu kalibutan. Dapat taynguna, pag-ighit yi kamu, hanggan kamu pag manga binihag sa Babilunya, ag pagbalik kamu sa Siun.”

Sakaryas 9:16

Sa tunda pag sirang, iribri sida Panginuun nida Diyus bilang kay manga karanidu. Ga kabitay yi sida kay ka rinu bantayun sa kanda daga. Parihu sida sa mahalaga pag manga batu magsilinglawan sa kuruna. Bumaliw abunda kanda manga ani hanggan manga irinmun ubas imaw ti pumabaskug sa kanda manga kalay-awan.

Lukas 12:32

Sinabi ni Hisus magkun, “Danga kamu magkadala una kamu ga balaw mayamu, dahil kay ibug ngapu niyu Ama iintirga sa kanyu ti kaharian.

Huwan 10:27

Kang manga karanidu magdungug sa kang magbagaw. Kilala niku sida ag sida magkuyug sa kangku.

Huwan 11:52

Ag balaw lang para sa nasyun Hudiyu. Mamatay diman si Hisus hampay tipunun niya ipaminsan ti manga anak Diyus nangalat-kalat sa buu kalibutan.

Diyuturunumiyu 30:4

Una pinalayas waya niya kamu sa pinakaarayu pag bahagi kalibutan, tipunun di gid kamu Panginuun niyu Diyus

Diyuturunumiyu 32:26

Nagbagaw aku wayakun niku sida tugka sa balaw yi sida maalaman sa kalibutan.