Hirimyas 31:1 - Hanunuu

¹ Magkun waya ti Panginuun, “Sa ati pag sirang, aku bumaliw Diyus buu Israil ag bumaliw pinili niku sida.

Hirimyas 31:1 Iomraidhean Croise

2 Samwil 7:24

Binwat nimu ti manga Israilita kanmu nasakupan sa unman may katapusan, ag kawu, ti Panginuun, kanda yi ngap Diyus.

Kanta 144:15

Mapalad ti manga tawu kainda kay kahamtangan. Mapalad ti manga tawu kanda Diyus imaw ti Panginuun.

Kanta 48:14

kuntay ti Diyus nita pagsirbihan kainda imaw kanta Diyus sa unman may katapusan. Siya ti maggiya sa kanta hanggan aban.

Isayas 20:6

Sa sirang mangyari tida, sabihun manga Pilistiyu, ‘Bantayi niyu ti nangyari sa kanta pagsarigan pag manga nasyun ag paghagadan awat hampay kita makaribri sa hari Asirya. Kabitay wadi kita makaribri?’ ”

Isayas 41:10

Danga kawu magkaarimputu dahil aku kanmu Diyus. Pabisugun niku kawu ag awatan. Alagaan niku kawu sa panab-anan niku kamaskihan imaw ti rumibri sa kanmu.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:22

bumaliw nasakupan niku sida ag aku bumaliw kanda Diyus.

Hirimyas 30:24

Balaw gid madura kang pangagalit tugka sa unman niku magkabwat kang gustu buwatun. Sa manga uryan sirang, masalman di niyu inda.”

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 31:33

Magkun waya ti Panginuun, “Inda ti bag-u pag kasunduan kang buwatun sa manga taga Israil sa aratubangun pag udas: Ipauli niku ti manga kasuguan niku sa kanda manga naisipan ag isurat niku inda sa kanda manga tagipusuun. Aku bumaliw Diyus nida ag sida bumaliw manga nasakupan niku.

Hirimyas 32:38

Kilalan-un niku sida kang nasakupan, ag kilalan-un waydi nida aku kanda Diyus.

Hirimyas 33:14

Magkun waya ti Panginuun, “Rumas-ug ti sirang tupadun gid niku kang mayad pag taratu sa nasakupan Israil.

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 50:4

“Aku, ti Panginuun, magsabi sa ati pag udas, ti manga nasakupan sa Israil ag sa Huda manlumi ag pakarani sa kangku, ti Panginuun nida Diyus.

Isikil 11:20

Tupadun yi niyu kang manga sugu ag manga surundanun. Bumaliw nasakupan niku kamu, ag aku bumaliw kanyu Diyus.

Isikil 34:24

Aku, ti Panginuun, bumaliw kanda Diyus, ag ti linahi niku suruguun ni Dabid imaw ti manug-alaga sa kanda. Aku, ti Panginuun, ti magbagaw inda.

Isikil 34:31

“Kamu kang manga karanidu sa kang paraharaban. Kamu kang nasakupan, ag aku kanyu Diyus. Aku, ti Panginuun Diyus, ti may sabi inda.”

Isikil 36:28

Mangulian kamu sa daga ipinakaun niku sa kanyu manga ginurang. Kamu kang nasakupan ag aku kanyu Diyus.

Isikil 39:22

Ag ginan sa tunda pag sirang, maalaman nasakupan Israil aku ti Panginuun nida Diyus.

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Libitiku 26:12

Mangulian aku sa kanyu hampay aku pumirmaminti bumaliw Diyus niyu ag kamu pumirmaminti bumaliw nasakupan niku.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Huwan 20:17

Sinabi ni Hisus sa kanya magkun, “Danga duy paghiyapti nimu aku, dahil aku udwaya nakauli sa Ama sa langit. Dapat pag-ati kawu sa kang manga patar-ari, pagsabi sa kanda magkun, umuli yi aku sa kang Ama kanyu diman Ama, sa kang Diyus kanyu diman Diyus.”

2 Kurintu 6:16

Una ti Balay Diyus balaw diman miusa sa diyus-diyusan. Kita ti Balay Diyus buhi. Siya diman waydi ti may sabi magkun, “Manahanan aku, pumurmar yi gid sa kanda, bag-u aku yi gid kanda Diyus. Sida kang yi gid nasyun.

Hibriyu 12:16

Pagdahan kamu hampay unman may mag-uragin sa kanyu ag hampay unman may tawu asan ga kan Isaw. Unman pinahalgaan niya ti kaayadan Panginuun. Ibinalyu kabay niya kay karampatan bilang panganay sa usa ka pinggan karan-unun.