Hirimyas 30:7 - Hanunuu

⁷ Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Hirimyas 30:7 Iomraidhean Croise

Gimpuunan 32:7

Magkadala yi gid si Hakub ag magkaarimputu, nakan tinunga niya sa duwa ka gurupu kay manga kaibahan hanggan kay manga karanidu, baka, kambing ag kamilyu.

Kanta 25:22

Diyus, ribrihan ti manga Israilita sa tanan nida kakurian.

Kanta 34:19

Una mayamu ti manga kakurian sa matadlung pag tawu pag-iribri di siya Panginuun ginan sa tanan inda.

Isayas 20:6

Sa sirang mangyari tida, sabihun manga Pilistiyu, ‘Bantayi niyu ti nangyari sa kanta pagsarigan pag manga nasyun ag paghagadan awat hampay kita makaribri sa hari Asirya. Kabitay wadi kita makaribri?’ ”

Hirimyas 14:8

Panginuun, kawu duy ti pag-asahan Israil, ti Manugribri sa udas kakurian. Hayga nagbaliw ga day-uhan lang kawu sitay sa kanmi? Hayga duy kawu ga manuglakaw magpat-ung lang usa ka yabi sa kanmi nasyun?

Hirimyas 2:27

Pagsabihun niyu kuntay ti kayu kanyu ama ag ti batu kanyu ina. Dinayu niyu aku, dapat nu magkakurian kamu, maghagad awat kamu sa kangku.

Hirimyas 2:28

Hayga? Naan yi ti manga diyus binuwat niyu para sa kanyu sadili? Tawagun niyu sida nu kaya nida kamu iribri sa kakurian niyu. Pagkayamu kanyu manga diyus, parihu kay kayamu sa manga banwa sa Huda.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Karukuan 1:12

Magkun diman siya sa manga tawu maglawuy, “Baliwala lang aw inda sa kanyu? Bantayi niyu nu may makitan kamu mag-agwanta parihu sa kangku. Inda pag aragwantahun ipinakaun Panginuun sa kangku katpung sa kay masyadu pangagalit.

Karukuan 2:13

Manga nasakupan Hirusalim, unu nguna ti masabi niku sa kanyu? Sa unu niku pag-ipaparihu kanyu kakurian? Kanyu biyag ga parihu sa dagat kay kaabasad. Kabitay niku kamu mapabisug? Si unu nguna ti pumaayad sa kanyu?

Karukuan 4:6

Ti parusa sa kang manga kasimanwa subra waya kaysa parusa sa Suduma, kadaka lang pinapas Diyus unman gid may nangawat sa kanda.

Danyil 12:1

Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Danyil 9:12

Tinupad nimu kanmu pagsabihun laban sa kanmi hanggan sa kanmi manga takinan kuntay parusahan nimu kami masyadu gid. Nakan ti nangyari sa Hirusalim unman gid may kaparihu sa buu kalibutan.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Huwil 1:15

Malu, arani yi ti sirang pagparusa Panginuun Makamaskihan.

Huwil 1:2

Kamu pag manga paggurangunun sa Huda hanggan sa tanan niyu nasakupan, patingihi niyu kang sabihun sa kanyu. Unman waya may nangyari parihu sa inda katpung kaudasan niyu manga ginurang una sa kaudasan niyu taynguna.

Huwil 2:11

Pagsuguun Panginuun kay manga sundalu, ti kagadhan ag makapangyarihan pag manga apan magsunud sida sa kay sugu. Madala ti sirang pagparusa Panginuun. Unman gid may umagwanta inda!

Huwil 2:31

Dumulum ti init ag rumagang ti bulan ga dugu. Matupad inda bag-u rumas-ug ti madala pag sirang pagparusa Panginuun.”

Mikas 4:9

“Manga nasakupan Siun, taynguna hayga kamu mag-arunghung ga babayi magkaanak yi? Asan di waya waydi kanyu manga hari, buhi waya kay manga tagapatigayun. Malu, mamabaring-baring kamu sa sakit ga babayi magkaanak yi, dahil udyi dugay tayakan niyu kanyu banwa bag-u mangulian kamu sa mapadang, bag-u darahun kamu sa Babilunya. Dapat ay iribri niku kamu ati sa kanyu manga kalaban.

Habakuk 3:16

Magkun si Habakuk, “Pagka nadnugan niku inda pag ipinasandam Panginuun sa kangku, nangirkirug kang buu bilug hanggan kang bibig dahil sa kadalaan. Nanlumuy aku ag nangirkirug kang manga tuud. Ag dahil sa inda pag ipinasandam Panginuun, agwantahun niku alagdun ti udas pagparusa niya sa manga naggira sa kanmi.

Sakaryas 14:7

Tuhay inda pag sirang, dahil unman may yabi nu unman pasay sirang lang. Ti Panginuun lang ti may alam nu kapira tunda pag mangyari.

Malakyas 4:1

Magkun ti Panginuun Makamaskihan, “Pihu gid rumas-ug ti sirang kaparusahan. Bumaliw inda ga maglabdaban pugun. Parusahan niku ti tanan mayabang hanggan magbuwat daut parihu sa magtutud dayami. Bumaliw sida ga tinutdan kayu unman gid may nasawad una di sanga hanggan gamut.

Markus 13:19

Dahil ati katpung aban ti manga tawu makalakaw sa subra yi gid pag kakurian unman waya nalakawan manga tawu ginan waya sa kay pagkalalang Diyus sa kalibutan hanggan waya taynguna tugka ag dayi malakawan maan hanggan waya aban.

Binwat 2:20

Dumulum ti init ag bumaliw ga dugu kay karara ti bulan bag-u rumas-ug kay kaudasan Panginuun, ti makadululaw gid ag pagdayawun pag kaudasan.

Ruma 11:26

Nu katunda, miribri di aban ti usa ka nasyun Israil, angay sa isinurat sa Banal Kasuratan magkun, “Aban ginan sa Siun ti Manugribri, duraun niya ti tanan kadautan linahi ni Hakub.

Ipinakakit 6:17

Dahil nagras-ug yi ti madala gid pag kaudasan, pinahinukdan yi kanda galit. Hintay waya ti umabanti?”