Hirimyas 30:3 - Hanunuu

³ Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 30:3 Iomraidhean Croise

Isra 3:1

Pagka nagras-ug yi ti ikapitu pag bulan, katpung mag-ulian yi ti manga Israilita sa kanda manga banwa, nagtiripun sida tanan sa Hirusalim may pagkarausa.

Isra 3:12

Mayamu ati ti manga gurangun pag manga manughandug, manga Libita, hanggan manga paggurangunun sa manga magtal-anakan ti nakakit kaybi sa un-an pag Balay Diyus. Nanlumi sida mabisug pagka nakitan nida ti paratukawan bag-u pag Balay Diyus. Ag mayamu diman ti nanhuyaw sa kabayaan.

Isra 3:8

Inumpisahan ti pagbungsud sa Balay Diyus sa ikadwa pag bulan sa ikadwa pag timpu ginan sa nakabalik ti manga Israilita sa Hirusalim. Nangarawatan sa pagtarabahu ti tanan nakabalik sa Hirusalim ginan sa pagkabihag, kaibahan yi sitay sida ni Surubabil anak ni Salatyil, ni Hisuwa anak ni Husadak ag kay kaibahan pag manga manughandug, hanggan ti manga Libita. Ti pinayaran sa magpamahala sa pagpatindug Balay Diyus Panginuun ti manga Libita may idad 20 ka timpu paabwat.

Kanta 126:4

Panginuun, balikan maan kanmi mayad pag kahamtangan parihu sa mamara pag manga sapa nadanuman maan.

Kanta 53:6

Mana rumas-ug yi ti tagapagribri sa Israil ginan sa Siun. Manhuyaw sa kabayaan ti manga Israilita, ti nasakupan Diyus, nu ibalik yi niya kanda mayad pag kahamtangan.

Hirimyas 16:15

Bagkus ngap sabihun nida, ‘Magsumpa aku sa ngaran buhi pag Panginuun ti nagpalpas sa manga taga Israil ginan sa nasyun baliwa sa kanaway ag sa tanan nasyun nu naan niya sida ikinalat.’ Dahil ibalik niku sida sa daga ipinakaun niku sa kanda manga ginurang.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 27:11

Dapat ti pumasakup ag sumirbi pag manga nasyun sa hari Babilunya pumirmaminti sa sadili nida banwa. Siyun sida pag mangulian, bungkagun nida kanda sadili daga. Aku, ti Panginuun, ti magsabi inda.’ ”

Hirimyas 29:10

Aku, ti Panginuun, magsabi pagkalawuy 70 ka timpu kay nagsakup Babilunya, balikan niku kamu ag tupadun niku kang taratu kuntay ibalik niku kamu sa kanyu daga.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:18

Magkun waya ti Panginuun, “Utru niku ibalik ti kayamanan manga banwa sa linahi ni Hakub ag kaawaan niku sida. Ti banwa hanggan ti balay hari winayak ipatindug maan sa daan nagpatindugan.

Hirimyas 30:4

Inda waya ti pagsabihun Panginuun tungkul sa Israil ag sa Huda: “Madnugan ti huruyawan manga tawu balaw dahil sa baya nu unman sa masyadu pag dala.

Hirimyas 31:16

Dapat magkun ti Panginuun, “Danga yi kawu maglumi dahil pirimyuhan niku kawu sa kanmu manga binuwat. Bumalik kanmu manga anak ginan sa daga manga kalaban.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 31:27

Magkun waya ti Panginuun, “Rumas-ug ti sirang payamuun niku ti nasakupan Israil ag Huda, hanggan kanda manga hayup.

Hirimyas 31:31

Magkun waya ti Panginuun, “Rumas-ug ti udas mamuwat aku bag-u pag kasunduan sa manga taga Israil ag taga Huda.

Hirimyas 31:38

Parargu pagsabihun Panginuun, “Rumas-ug ti udas ti banwa Hirusalim utru ipatindug ginan sa Bantayaw ni Hananil tugka sa Suuk Sabian.

Hirimyas 32:37

Tipunun niku ti manga nasakupan niku ginan sa tanan nasyun kinalatan niku sa kanda dahil sa kang masyadu pag galit sa kanda. Utru niku sida darahun sa inda pag rugar ag mangabuhi sida sa mahusay.

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Hirimyas 33:26

pumirmaminti diman ti kasunduan niku sa manga linahi ni Hakub ag sa kan Dabid sa kang manugsirbi. Pumili aku ginan sa linahi ni Dabid humari sa manga linahi nida ni Abraham, Isaak ag Hakub. Kaawaan gid niku sida ag pabalikun sa kanda sadili daga ginan sa pagkabihag.”

Hirimyas 51:60

Isinurat ni Hirimyas sa balunbun ti tanan kadamhakan rumas-ug ag mangyari sa Babilunya.

Isikil 20:42

Ag nu madara yi niku kamu sa daga Israil kang itinaratu ipakaun sa kanyu manga ginurang, maalaman niyu aku ti Panginuun.

Isikil 34:13

Tipunun niku sida ginan sa tuhay-tuhay pag manga nasyun, bag-u daran-un sa kanda sadili daga. Ati niku sida pag paharabun sa manga kabantudan Israil, sa saruy sapa hanggan sa mararinu pag pasturan.

Isikil 36:24

Dahil bul-un niku kamu sa tuhay-tuhay pag manga nasyun bag-u pabalikun sa kanyu sadili daga.

Isikil 47:14

Kailangan pari-parihu kanyu paghuray sa daga, dahil nagsumpa aku sa kanyu manga ginurang ipakaun niku inda sa kanda ag manahun niyu.

Huwil 3:1

Magkun ti Panginuun, “Sa ati katpung pag udas nu iuli yi niku ti mayad pag kahamtangan sa Huda hanggan sa Hirusalim,

Sipanyas 2:7

Saklawun tunda manga nasawad taga Huda. Ati sida pag manpaharab kanda manga hayup ag nu rumas-ug ti yabi maturug sida sa manga balay sa Askalun. Kaawaan sida Panginuun nida Diyus ag paabundahun maan sida.”

Sipanyas 3:20

Hu, tipunun niku kamu sa ati pag sirang, ag pauliun sa kanyu nasyun. Parangalan niku kamu ag buwatun bantug sa buu kalibutan. Mangyari inda sa sirang paabundahun niku kanyu mayad pag kahamtangan. Makitan gid ngap niyu inda. Aku, ti Panginuun, ti magsabi inda.’ ”

Lukas 17:22

Bag-u sinabi ni Hisus sa kay manga tuludluan magkun, “Aban pumatigagad yi gid kamu sa kangku, sa Anak Tawu, hampay makitan niyu kay kaudasan.

Lukas 19:43

Dahil aban pag manga udas sangputun gid kawu nimu manga kalaban. Kulungun yi kawu, apikihun kawu sa baliw-baliw.

Lukas 21:6

Sinabi ni Hisus magkun, “Nu rumas-ug ti kaudasan, unman may masawad sitay una lang usa ka bilug batu sa kaparihu babaw batu, tanan-tanan magkarapugdak, madi taynguna kanyu pagbayaun sa kanyu magbantay.”

Diyuturunumiyu 30:3

kaawaan kamu Panginuun niyu Diyus. Tipunun niya kamu ginan sa tanan pag nasyun nu naan pag ipinabihag niya kamu, ag rargu ibalik niya kanyu mayad pag kahamtangan.

Diyuturunumiyu 30:5

ag pabalikun sa daga magkaapu niyu manga ginurang, ag maapu maan niyu inda. Paunladun ag payamuun waya gid niya kamu kaysa kanyu manga ginurang.

Hibriyu 8:8

Pagka nakitan Panginuun may kakurangan sa kay nasyun, sinabi niya magkun, “Nu sa kay kaudasan aban, magkun ti Panginuun, buwatun niku ti bag-u pag taratu sa linahi ni Israil ag sa lahi ni Huda.