Hirimyas 30:21 - Hanunuu

²¹ Ti manga takinan nida ginan diman gid sa kanda. Ipakarani niku siya sa kangku, ag siya waydi pumakarani. Dahil unman may tawu pumanghas pumakarani sa kangku nu balaw niku siya pakaranihun. Aku, ti Panginuun, magsabi,

Hirimyas 30:21 Iomraidhean Croise

Gimpuunan 18:27

Nagpaingana gid maan si Abraham, “Panginuun, patawada duy nimu aku nu maghampang gid sa kanmu. Tawu lang aku, ga galbuk lang, ag unman aku may karampatan sabihun inda sa kanmu.

Gimpuunan 18:30

Nagkumun maan si Abraham, “Danga gid duy mana kawu magkagalit sa kangku, Panginuun, dahil may paingana waya aku. Hintay nguna nu 30 lang ka tawu ti matadlung?” Nagsagut ti Panginuun, “Unman diman niku rurisun ti banwa nu may makitan aku 30 ka matadlung.”

Gimpuunan 18:32

Nagbagaw gid maan si Abraham, “Panginuun, danga duy mana kawu magkagalit; uryan yi inda pag paingana. Nangus, 10 wadi ti makitan nimu matadlung?” Nagsagut ti Panginuun, “Unman diman gid niku sida rurisun dahil sa 10 ka matadlung.”

Gimpuunan 49:10

Parargu kawu magpangulu, Huda. Ginan sa kanmu linahi ti bumaliw manga takinan. Nakan pumakaun buhis sa kanmu ti manga nasyun ag sumunud sa kanmu.

2 Samwil 7:13

Siya ti pumatindug Balay Diyus para sa kang kadayawan, ag pihuun niku kay linahi ti humari hanggan aban.

Isra 2:2

Ti namunu sa kanda pagbalik sida ni: Surubabil, Hisuwa, Nihimyas, Siraya, Riilaya, Murdukyu, Bilsan, Mispar, Bigbay, Rihum, ag Baana. Inda ti listahan nasakupan Israil nakabalik ginan sa pagkabihag:

Nihimyas 7:2

Ipinakaun niku ti katungkulan sa pagdumara sa Hirusalim sa kang patar-ari sa kan Hanani kaibahan si Hananiyas kumandir manga guwardiya sa mapag-un pag kampu. Pinili niku si Hananiyas dahil magkapiyaran siya ag maggalang sa Diyus higit sa tanan.

Kanta 65:4

Mapalad ti tawu kanmu pinili ag binan-awan mangulian sa kanmu Balay. Makabaya kami sa marinu pag manga bagay sa kanmu balay, ti banal pag Balay Diyus.

Kanta 89:29

Ti kada hari sa Israil ginan sa kay manga linahi hanggan aban; kay kaharian dumugay parihu sa langit, unman may katapusan.

Pag-ighit 3:5

Magkun ti Diyus, “Danga gid kawu magpakarani. Lubada kanmu lapak, dahil banal pag rugar kanmu pagtindugan.

Isayas 63:1

Si unu tunda tig patangad ginan sa Busra sa sakup Idum, kay marinu pag rutay nadagtaan maragang? Magras-ug siya may dara kapangyarihan. Siya ti Panginuun magpaburayhaw kapanaluhan niya manga nasakupan ag may kamaskihan magribri.

Hirimyas 30:9

Manirbi yi sida sa kangku, sa Panginuun kanda Diyus, bag-u mamili aku kanda hari ginan sa linahi ni Dabid.

Hirimyas 33:15

Sa tida pag udas, pamahalaun niku ti hari matadlung ginan sa linahi ni Dabid. Palantagun niya ti katadlungan hanggan ti katuwiran sa buu daga.

Hirimyas 49:19

Kadaka niku girahun ti Idum ga liyun ginan sa katalunan Sapa Hurdan atag sa pasturan may mayamu karanidu. Manpalalagiwan sida, ag pamahalaun niku sa Idum ti tawu pinili niku. Si unu ti maiparihu sa kangku? Si unu ti pumanghas kuntay kalabanun sa aku? Si unu pag takinan ti manlaban sa kangku?

Hirimyas 50:44

“Kadaka niku girahun ti Babilunya parihu sa liyun ginan sa katalunan arani sa Sapa Hurdan, manggira atabug sa pasturan mayamu karanidu. Manlinayas sida, ag mamili aku tawu mandumara sa Babilunya. Si unu ti maiparihu sa kangku? Si unu ti pumanghas kalabanun aku? Si unu pag takinan ti lumaban sa kangku?

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Bilang 16:5

Bag-u magkun siya sa kan Kura hanggan sa tanan niya tagasunud, “Aldaw surip, ipaburayhaw Panginuun nu si unu ti tutuu pinili sumirbi sa kanya bilang manga manughandug, dahil ipakarani niya sa kay kadayawan kay pinili. Nakan kaindaay kanyu buwatun aldaw: pagbuul kamu manga sukadan kamangyan,

Matiyu 2:2

Namaingana sida, “Naan nguna pag iinanak ti Hari manga Hudiyu? Dahil nakitan nimi kay pamgasan sa butlakan init, nakan nagsitay kami hampay mansamba sa kanya.”

Matiyu 27:37

Isinurat sa kay tungud ulu ti dimanda laban sa kanya magkun, “Inda si Hisus ti Hari manga Hudiyu.”

Matiyu 3:17

Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”

Lukas 24:26

Unman aw lugud kailangan ngani ti Pinili Diyus Manugribri pag Hari makalakaw inda pag kakurian bag-u makarubtan niya ti kadayawan?”

Binwat 5:31

Pinakan-an si Hisus kadayawan, ipinatukaw siya Diyus sa kay sikun baliwa minsan sa kay karampatan maghari. Nakan si Hisus yi ngani ti Takinan hanggan Manugribri hampay pakan-an rugar ti nasyun Israil makaampu sa kanda manga kasalanan ag makahagad kapatawadan sa Diyus, agud sida patawadun.

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

Diyuturunumiyu 17:15

Pihua gid ti piliun niyu pag hari imaw ti tawu pinili Panginuun niyu Diyus, ag kailangan kaparihu niyu Israilita. Danga kamu magpili sa bukun Israilita.

Diyuturunumiyu 18:18

Mamadara aku sa kanda usa ka purupita parihu sa kanmu, kadugu niyu. Ipatultul niku sa kanya ti tanan niku gustu sabihun sa kanda.

Diyuturunumiyu 33:5

Naghari ti Panginuun Israil pagka nagtiripun kanda manga takinan hanggan kanda manga lahi.”

Hibriyu 1:3

Ti Anak ti duag kadayawan Diyus. Parihu siya sa Diyus sa tanan bagay. Ti Anak diman ti mag-alaga sa tanan bagay sa kamaskihan niya bagaw. Pagka ihinanda niya kay kapatawadan sa manga tawu kasalanan bag-u tinmukaw siya ati sa langit baliwa sa sikun Diyus, minsan sa karampatan Diyus makamaskihan sa tanan.

1 Huwan 2:2

Dahil si Kiristu ti nagbaliwa namatay sa kasalanan nita hampay may kapatawadan kita. Ag balaw sa kanta lang sadili pag kasalanan siya pag namatay, nu unman hanggan diman sa kasalanan tanan manga tawu sa babaw daga.

Ipinakakit 19:16

Nakapirma kay ngaran sa kay rutay ag sa kay balangbang magkun, “Hari manga hari, ag Panginuun manga panginuun.”