Hirimyas 30:19 - Hanunuu

¹⁹ Bag-u kumanta sida manga pasalamat ag manhuyaw sa kasulungan. Payamuun ag pakan-an niku sida kadayawan.

Hirimyas 30:19 Iomraidhean Croise

Isra 6:22

Sa sulud pitu ka sirang idinaus nida may kabayaan ti Pista Tinapay Unman may Pamadaka. Dahil pinakan-an sida Panginuun kabayaan pagka kay binag-u ti tagipusuun hari Asirya hampay awatan sida sa pagbuwat Balay Diyus, ti Diyus Israil.

Nihimyas 8:12

Nakan nuli ti tanan tawu hampay mangaun ag manginum bag-u mangayaw karan-unun sa iba. Nagdaus sida may kabayaan dahil naintindihan nida ti manga bagaw Diyus binasa sa kanda.

Nihimyas 8:17

Tanan sida ti nakabalik ginan sa pagkabihag namuwat manga payag ag ati pag nuli. Unman waya nida nabuwat ti kainda katpung umpisa panahun ni Huswi kay anak ni Nun; subra gid kanda kabayaan.

Kanta 53:6

Mana rumas-ug yi ti tagapagribri sa Israil ginan sa Siun. Manhuyaw sa kabayaan ti manga Israilita, ti nasakupan Diyus, nu ibalik yi niya kanda mayad pag kahamtangan.

Isayas 12:1

Sa ati pag sirang, manganta kamu: “Panginuun, pagdayawun niku kawu. Nagalit kawu sa kangku, dapat unman yi taynguna, ag kainda pagpasulungun yi nimu aku.

Isayas 26:15

Panginuun pinadaka nimu kanmi nasyun. Pinaluang nimu kanmi tab-anan, ag inda ti nakapakaun kagalangan sa kanmu.

Isayas 27:6

Rumas-ug ti sirang ti nasakupan Israil kay lahi ni Hakub manggamut parihu sa halaman. Mansanga inda, mamusang, hanggan mamurak mayamu ag pun-un ti buu kalibutan.

Isayas 35:10

Tunda pag manga irinibri Panginuun bumalik magkarantahan sa Siun. Madura yi kanda karukuan hanggan maghimanglaw, matulsan yi tunda unman may katapusan pag kasulungan.

Isayas 51:11

Kanmu manga linukat bumalik sa Siun magkarantahan may kabayaan unman may katapusan. Madura yi kanda karukuan, ag manlapwas kanda kabayaan.

Isayas 51:3

“Kaawaan niku ti Hirusalim nawayak. Ti manga tigangan buwatun niku ga halamanan Idin. Humari sa Hirusalim ti kabayaan, ti pagpasalamat hanggan ti karantahan.

Isayas 52:9

Manringgit sa kabayaan, ti guba Hirusalim, dahil pasulungun ag pabisugun yi Panginuun kay nasakupan. Iribri niya ti Hirusalim!

Isayas 55:5

Tawagan niyu ti balaw kaibahan niyu pag manga nasyun, ag mandaldali sida pumakarani sa kanyu, dahil aku, ti Panginuun niyu Diyus, ti Banal pag Diyus Israil, ti nagpakaun kagalangan sa kanyu.”

Isayas 60:19

“Balaw yi init ti rumayaw sa kanmu sa surip ag balaw yi bulan ti rumayaw sa kanmu sa yabi, dahil aku, ti Panginuun, kanmu rayaw unman may katapusan. Aku, kanmu Diyus, ti marinu pag karayawan nimu.

Isayas 60:22

Pira-pira sida, dapat yumamu di. Manga pugri sida, dapat ingarnan sida makapangyarihan pag nasyun. Aku, ti Panginuun, ti bumuwat inda sa pagras-ug hustu pag kaudasan.”

Hirimyas 17:26

Rumas-ug ti manga tawu mansamba sa Balay Diyus Panginuun ginan sa manga rugar sa sangput Hirusalim, sa manga banwa Huda, hanggan Binhamin, hanggan ginan sa manga tagudtud sa isalpan, sa manga kabantudan, ag Nigib. Mandara sida manga handug pagsunugun ag iba waya pag manga handug, parihu sa handug pagdayaw, handug pasalamat, hanggan manga kamangyan.

Hirimyas 3:16

Aku, ti Panginuun, ti magsabi rumas-ug ti sirang yumamu gid kamu sa ati pag daga, balaw yi niyu hanap-hanapun ti Kaban Kasunduan, ngatay isipun aw ngatay alalahanun inda. Ag balaw diman niyu kailangan mamuwat waya kay bag-u.

Hirimyas 31:27

Magkun waya ti Panginuun, “Rumas-ug ti sirang payamuun niku ti nasakupan Israil ag Huda, hanggan kanda manga hayup.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 33:22

Payamuun niku ti manga linahi ni Dabid hanggan ti lahi ni Libi parihu sa manga pamgasan sa langit ag baras sa baybay dagat balaw mabilang.”

Isikil 36:37

Magkun waya gid ti Panginuun Diyus, “Patingihan maan niku ti pagpaawa-awa nasakupan Israil, ag inda kang buwatun sa kanda: Payamuun niku sida parihu kayamu sa manga karanidu pag-isagda sa Hirusalim sa udas pista. Nakan ti nagkaradaut pag manga banwa ulianan yi mayamu manga tawu. Bag-u maalaman nida aku ti Panginuun.”

Isikil 37:10

Nakan sinunud niku kay isinugu sa kangku, ag nabuhi ti manga namatay. Tinmindug sida, ag masyadu sida mayamu, ga usa ka daka pag gurupu sundalu.

Isikil 37:26

Mamuwat aku usa ka kasunduan sa kanda kuntay bumaliw mayad kanda kahamtangan ag inda pag kasunduan pumarargu tugka aban. Pauliun niku sida sa kanda daga ag payamuun niku sida, bag-u ipatindug niku kang Balay Diyus sa kanda karaw-an sa unman may katapusan.

Sakaryas 10:8

Tawagan niku kang manga nasakupan ag tipunun niku sida. Iribri niku sida, ag yumamu sida parihu sa kabag-u.

Sakaryas 12:8

Sa ati pag sirang, ingatan di Panginuun ti manga mag-uli sa Hirusalim hampay una ti pinakamalumuy sa kanda bumaliw ga kan Dabid kay kabisug. Ti manga magtal-anakan ni Dabid bumaliw ga Diyus, ga anghil Panginuun magpanguna sa kanda.

Sakaryas 2:4

ag magkun sa kanya, “Apura, sabihi ati pag kan-akan may dara panukat, ti Hirusalim bumaliw usa ka daka pag banwa unman may manga alad batu dahil sa subra mayamu kay nasakupan hanggan manga hayup.

Huwan 17:22

Ipinakaun niku sa kanda ti kadayawan kanmu ipinakaun sa kangku hampay sida mirinsan parihu diman sa kanta urusa.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.