Hirimyas 30:18 - Hanunuu

¹⁸ Magkun waya ti Panginuun, “Utru niku ibalik ti kayamanan manga banwa sa linahi ni Hakub ag kaawaan niku sida. Ti banwa hanggan ti balay hari winayak ipatindug maan sa daan nagpatindugan.

Hirimyas 30:18 Iomraidhean Croise

1 Krunika 29:1

Bag-u magkun si Hari Dabid sa tanan nasakupan Israil, “Si Sulumun kang anak pinili Diyus anak waya ag unman may kinaalaman. Daka ti buruwatun, dahil ti ibungsud pag balay balaw para sa tawu nu unman para sa Panginuun Diyus.

1 Krunika 29:19

Ag awati diman waydi kang anak si Sulumun pag matinupadun gid siya sa kanmu manga sugu, manga patigayun, ag manga surundanun, hanggan sa pagbuwat sa tanan nimu pag-ipatupad tungkul sa pagpatindug Balay Diyus kang iinalistu.”

Nihimyas 7:4

Ati katpung, pagkaluang ti banwa Hirusalim dapat pira-pira lang ti manga mag-uli ati ag pira-pira diman ti manga balay.

Kanta 102:13

Alistu yi kawu kaawaan ti Siun, dahil nagras-ug yi ti nakatagka pag udas kuntay ipakakit nimu kanmu pangaawa sa kanya.

Kanta 102:14

Dahil inda pag banwa, una bus-ag yi, pagmahalun ag pag-alalahanun di nimu nasakupan kanmu manga manugsirbi.

Kanta 122:7

Mana ngani may kahusayan ag mayad ti kahamtangan sa sulud Hirusalim ag sa mabisug pag manga bahagi siyun.”

Kanta 48:13

Bantayi niyu kaayad ti manga alad batu ag ti marig-un pag manga bahagi sa tunda pag banwa, hampay matultulan niyu ti dumasun pag manga sinulput

Kanta 48:3

Asan ti Diyus sa marig-un pag manga bahagi sa Hirusalim ag naipakakit yi niya sa manga mag-uli siyun siya kanda darangpan.

Kanta 78:69

Ati niya pag-ibinungsud kay Balay Diyus marig-un tugka aban, parihu sa langit ag daga.

Kanta 85:1

Panginuun, pag mayadun nimu kanmu daga; ipinabalik nimu ti mayad pag kahamtangan sa manga linahi ni Hakub.

Isayas 44:26

Dapat pagtupadun niku ti hula niku manugsirbi hanggan manga manugbarita. Pagsabihun niku ti Hirusalim ulianan uman, hanggan ti iba waya pag banwa Huda nagkaradaut utru maan ipatindug.

Isayas 44:28

Magkun aku kan Sayrus, “Kawu ti manugbantay niku manga nasakupan ag buwatun nimu ti tanan niku gustu. Pagsugu kawu kuntay patindugan maan ti Hirusalim hanggan ti Balay Diyus.”

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 31:38

Parargu pagsabihun Panginuun, “Rumas-ug ti udas ti banwa Hirusalim utru ipatindug ginan sa Bantayaw ni Hananil tugka sa Suuk Sabian.

Hirimyas 31:4

Utru niku kamu ipatindug, kamu pag manga taga Israil, parihu sa usa ka babayi tugnaw. Utru kamu manayaw sa kabayaan magpatnug kamu kanyu pamakaransing.

Hirimyas 31:40

Ti buu luung pagyamtan manga bangkay ag manga paruk nakatigana sa kangku, hanggan ti tanan manga tanman sa Luung Kidrun tugka sa sabian pag-ingarnan Kabayu sa butlakan. Inda pag banwa balaw yi gid mawayak ngatay magba maan.”

Hirimyas 32:15

Dahil rumas-ug ti sirang mamililihan maan manga kasiyunan ti manga tawu sa inda pag rugar. Mamililihan sida manga balay, manga tanman, ag manga taranuman ubas. Aku, ti Panginuun Makamaskihan, ti Diyus Israil, ti magsabi inda.”

Hirimyas 32:44

“Manmililihan maan manga tanman may pirmahan, tatakan ag kastigusan ti manga kasuratan sa bilihan. Buwatun inda sa daga ni Binhamin, sa manga rugar sa kalibut Hirusalim, sa manga banwa Huda, sa manga banwa sa kabantudan, ag tagudtud sa isalpan, hanggan sa Nigib. Mangyari inda dahil pabalikun niku kang manga nasakupan sa kanda daga ginan sa pagkabihag. Aku, ti Panginuun, ti magbagaw inda.”

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Hirimyas 33:7

Pabalikun niku ti manga taga Israil ag taga Huda ginan sa pagkabihag, ipatindug niku utru kanda banwa parihu sa kaybi.

Hirimyas 46:27

“Dapat kamu pag manga taga Israil linahi niku manugsirbi ni Hakub, danga kamu magpanlubay ngatay magkadala. Dahil iribri di niku kamu ginan sa arayu pag rugar nu naan kamu pag binihag. Utru kamu mangabuhi may kahusayan ag unman may rumas-ug kadautan sa kanyu, balaw diman may una si unu ti pumadala sa kanyu.

Hirimyas 49:39

Dapat rumas-ug ti sirang kuntay pabalikun niku ti Ilam sa mayad pag kahamtangan. Aku, ti Panginuun, ti magsabi inda.”

Hirimyas 49:6

Dapat rumas-ug ti sirang kuntay ibalik niku sa mayad pag kahamtangan ti manga taga Amun. Aku, ti Panginuun, ti magsabi inda.”

Isikil 36:11

Payamuun niku kanyu manga tawu hanggan kanyu manga hayup. Pauliun maan niku ti manga tawu sa kanyu parihu sa kabag-u, ag paunladun niku kamu subra waya sa kabag-u. Bag-u maalaman niyu aku ti Panginuun.

Amus 9:14

Ipabalik niku kang nasakupan manga taga Israil sa kanda daga ginan sa pagkabihag. Ipatindug maan nida kanda nagkaradaut pag manga banwa ag ati sida pag mangulian. Mantanum sida ubas ag manginum kay intus inda. Mantanum sida sa kanda manga tanman ag kan-un nida kay burak.

Sakaryas 1:12

Magkun ti anghil Panginuun, “Panginuun Makamaskihan, tugka duy kapira pag pakurianan nimu ti Hirusalim hanggan ti manga iba waya banwa sa Huda? May 70 yi ka timpu duy kawu magkagalit sa kanda?”

Sakaryas 1:16

Nakan mamalik aku may pangaawa sa Hirusalim, ag ipatindug maan niku ti Hirusalim hanggan kang Balay Diyus. Aku, ti Panginuun Makamaskihan, ti magsabi inda.”

Sakaryas 12:6

“Sa tunda pag sirang, ti manga takinan Huda buwatun niku ga maglabdaban baga sa nakatapung manga kayu ngatay ga maglabdaban sulu sa binugkus manga uhay. Rurisun nida ti manga nasyun sa kanda palibut. Dapat balaw maunu ti nasakupan Hirusalim sa kanda rugar.

Sakaryas 12:7

Un-an niku papanaluhun ti iba manga banwa Huda hampay balaw lumamang ti kadayawan manga linahi ni Dabid ag manga taga Hirusalim kaysa iba manga banwa Huda.

Sakaryas 14:10

Pantayun ti buu daga ginan sa Giba sa salatan tugka sa Rimun sa kanaway baliwa Hirusalim. Dapat pumirmaminti abwat ti Hirusalim sa kay nagkabugtangan. Ag ulianan inda ginan sa may Sabian ni Binhamin tugka sa rugar nu naan asan ti Un-an pag Sabian, ag atabug sa Suuk pag Sabian; bag-u ginan Bantayaw ni Hananil tugka sa pirigsan ubas hari. Udyi mauman papasun ti Hirusalim, ag ti manga mag-ulian siyun ribri sa kaladalaun.