Hirimyas 30:17 - Hanunuu

¹⁷ Dapat bulungun ag paayadun niku kanyu manga biyag una yi pagsabihun iba kuntay kamu pag manga taga Hirusalim dinayu ag pinabay-anan. Aku, ti Panginuun, ti magsabi inda.”

Hirimyas 30:17 Iomraidhean Croise

Hub 5:18

Dahil kay manga pagbiyagan kay di maan pagbulungun.

Kanta 103:3

Pagpatawadun niya ti tanan niku kasalanan, ag pagpaayadun niya ti tanan niku mag-adnugan.

Kanta 107:20

Sa panab-anan niya manga bagaw, inmayad sida. Irinibri niya sida sa kamatayan.

Kanta 12:5

Magkun ti Panginuun, “Awatan niku ti manga pugri dahil pag-api-apihun sida ag mag-arunghung sida sa agwanta. Alagaan niku sida dahil inda kanda pagkaibgan.”

Kanta 142:4

Bantayi lugud sa kang sangput, una si unu unman gid may nangawat sa kangku. Unman yi may mag-alaga ag magpasunaid sa kangku.

Kanta 23:3

Pagpabisugun nimu aku. Paggiyahan nimu aku sa matadlung pag dalan hampay madayaw kawu.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Isayas 11:12

Ipaabwat Panginuun ti usa ka bandira hampay ipakakit sa manga nasyun pagtipunun yi niya ti nasakupan Israil hanggan Huda ginan sa tuhay-tuhay pag rugar sa buu kalibutan.

Isayas 30:26

Rumayaw ti bulan ga init. Ti init waydi rumayaw pitu ka dubli, parihu sa rayaw pitu ka init mininsan sa usa lang ka init. Mangyari inda sa sirang bulungun ag paayadun Panginuun ti biyag manga nasakupan niya.

Isayas 33:24

Unman may nasakupan Hirusalim ti sumabi, “Maysakit aku.” Patawadun sida Diyus sa kanda manga kasalanan.

Isayas 54:6

“Hirusalim, parihu kawu sa usa ka kalay-awan babayi nangasawa ag magkaruku dahil tinayakan siya niya asawa. Dapat taynguna, pagtawagan kawu niku hampay utru makaibahan.

Isayas 56:8

Magkun waya ti Panginuun Diyus ti nagtipun sa manga Israilita nabihag, “Tipunun waya niku ti iba, purya sa manga natipun yi.”

Isayas 57:18

Nakitan niku kanda manga pag-ugaliun, dapat paayadun di niku sida. Giyahan niku sida ag pasulungun ti manga magkapanglaw sa kanda.

Isayas 57:19

Nakan dumayaw sida sa kangku. Ipauli niku sida sa mayad pag kahamtangan, sa arayu man ngatay sa arani. Paayadun niku sida. Aku ti Panginuun, ti magsabi inda.

Isayas 58:8

Nu buwatun niyu tunda, rumas-ug sa kanyu ti karibrihan ga rayaw maghanag-hanag sa surip, ag paayadun niku kamu. Aku kanyu Panginuun matadlung ti mangunahan sa kanyu ag apinan niku kamu sa panab-anan niku kadayawan.

Isayas 60:15

Una pagdayuun kawu ag pag-unuunuhun, ag unman may magpahalga sa kanmu, buwatun niku kawu may kadayawan hanggan aban ag ikabaya inda tanan sinulput.

Hirimyas 10:20

Nawasak yi kanta manga pag-ulianan; nabugtas yi kay manga higut. Udyi kanta manga kasimanwa. Udyi may nasawad mangawat mamatindug uman kanta manga pag-ulianan.”

Hirimyas 17:14

Panginuun, paayada duy nimu aku hampay maayadan; iribri duy nimu aku ag maribri aku. Kawu lang gid kang dayawun.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 33:24

“Balaw aw nimu nadnugan pagsurugun manga tawu ti nasakupan niku? Magkun sida, ‘Dinayu Panginuun ti duwa ka kaharian kay pinili.’ Nakan pagpuyaan nida kang nasakupan, udyi nida pagkilalan-un nasyun inda.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Hirimyas 8:22

Udyi aw may bulung sa Gilyad? Udyi aw may manugbulung ati? Hayga unman mag-ayad ti biyag manga kasimanwa niku?

Karukuan 2:15

Ti tanan maglawuy sa kanyu magpamalakpak, magsagutsut, ag mag-il-ilung sa puya sa Hirusalim. Magkun sida, “Imaw aw nguna inda ti daka pag banwa pag-ingarnan ‘Pinakamarinu’ ag ‘Kabayaan Buu Kalibutan?’ ”

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 35:12

Sa inda pag palakaw, maalaman diman niyu aku, ti Panginuun, magdungug sa tanan niyu binwat kadautan sa manga bantud Israil. Dahil magkun kamu, ‘Daut yi inda ag pinahintulutan kita agawun inda!’

Isikil 36:20

Una naan tag sida pag umatag pag manga nasyun, mag-ipakay-a kang banal pag ngaran. Dahil magkun ti manga tawu, ‘Manga nasakupan sida Panginuun, dapat pinaighit niya sida sa kay daga.’

Husyas 11:3

Aku ti nag-alaga sa kanda. Inabat niku sida ag tinudluan maglakaw, dapat unman nida kinilala aku ti nag-alaga sa kanda.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Malakyas 4:2

Dapat kamu pag manga maggalang sa kangku, malakawan niyu ti karibrihan ginan sa kangku. Parihu inda sa magsinggit init kay rayaw magpakaun kaayadan. Ag mangutbaw-utbaw kamu sa kabayaan parihu sa manga dumaraga baka ipinalwas ginan sa tudiran.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

Ipinakakit 22:2

Baliw-baliw dipay sapa may puun kayu, kay burak makapakaun tutuu pag buhi sa tawu. Bulan-bulan magburak. Kay manga labung magpaayad sa sakit manga nasyun tawu.