Hirimyas 30:16 - Hanunuu

¹⁶ “Dapat ipadamhak diman niku ti tanan pumadamhak sa kanyu, bag-u ti tanan kalaban niyu bihagun. Girahun diman ti tanan maggira ag mag-agaw kanyu manga kasiyunan, bag-u agawan diman manga kasiyunan sida.

Hirimyas 30:16 Iomraidhean Croise

Kanta 129:5

Mana magpinalagiw sa kay-a ti tanan pag magkagalit sa Siun.

Pag-ighit 23:22

Nu mamatingi lang kamu kaayad sa pagsabihun niya ag buwatun ti tanan pagsabihun niku, girahun niku kanyu manga kalaban.

Kabagawan 22:23

dahil ti Panginuun ti manug-apin sa kanda. Una hintay ti buwatun niyu daut sa kanda buwatun diman Panginuun sa kanyu.

Isayas 14:2

Awatan iba nasyun ti Israil hampay makabalik sida sa daga ipinakaun Panginuun sa kanda. Bumaliw suruguun nida ti manga day-uhan. Bihagun nida ti nagbihag sa kanda kaybi, ag sakupun nida ti manga nangapi sa kanda.

Isayas 33:1

Kaawaawa kamu pag manga manugwayak udwaya nakalakaw pagkawayak. Kaawaawa kamu pag manga madaya, udwaya nakalakaw dinaya. Nu tapus yi kanyu magpanwayak hanggan magpandaya, kamu waydi ti wayakun ag dayaun.

Isayas 54:15

Nu may man-gira sa kanmu, balaw niku tunda kagustuhan. Mibuyu sida sa kanmu.

Isayas 54:17

Unman may una hintay pag armas ti binuwat hampay manalu laban sa kanmu, ag masagut nimu una hintay ti ibangdan laban sa kanmu. Inda ti ipamana niku sa kang manga manugsirbi. Pakan-an niku sida panalu. Aku, ti Panginuun, ti magsabi inda.”

Hirimyas 10:25

Ipasamit duy nimu kanmu pangagalit sa manga nasyun balaw magkilala sa kanmu hanggan sa manga tawu balaw magdulud sa kanmu. Dahil tinabu duy nida ti linahi ni Hakub, ag pinandaut kay manga ulian nida.

Hirimyas 12:14

Magkun waya ti Panginuun, “Inda ti buwatun niku sa tanan daut pag nasyun sa sangput Israil ti nagdaut daga ipinakaun niku sa kang nasakupan: Palayasun niku sida sa kanda daga parihu sa pagpalayas niku sa manga taga Huda sa inda ginan pag daga.

Hirimyas 2:3

Kamu pag manga Israilita ipinablag para sa kangku. Ga kamu ti pinakaun-an burak ipinakaun sa kangku. Pinarusahan niku ti manga nag-unuunu sa kanyu, ag nidamhak sida. Aku, ti Panginuun, ti magsabi inda.’ ”

Hirimyas 25:12

“Dapat pagkalawuy 70 ka timpu, parusahan diman niku ti hari Babilunya hanggan ti manga nasakupan niya dahil sa manga kasalanan nida. Ag buwatun diman niku maruku kanda nasyun hanggan aban.

Hirimyas 30:15

Danga kamu magdangup kuntay balaw yi mag-ayad kanyu biyag. Pagparusahan niku kamu dahil masyadu ag mayamu kanyu kasalanan.

Hirimyas 50:28

“Patingihi niyu ti manga tawu nakapalagiw ginan sa Babilunya habang pag-itultul nida sa Hirusalim nu kabitay nagbalus ti Panginuun nita Diyus dahil sa binuwat manga taga Babilunya sa Balay Diyus nita.

Hirimyas 8:16

Ti ham-us kabayu manga kalaban mag-adnugan ginan sa Dan. Sa harihi di waya kabayu nida, pagtakigan yi ti buu daga. Rinmas-ug sida hampay wayakun inda pag daga hanggan ti tanan atay — ti manga banwa ag ti tanan manga mag-uli sitay.’ ”

Karukuan 1:21

Nadnugan manga tawu kang mag-arunghung, dapat unman gid may magpabisug sa kangku una di. Nadnugan tanan niku manga kalaban kang kakurian, ag nagbaya sida sa kanmu binuwat sa kangku. Mana rumas-ug yi ti sirang kanmu itinaratu parusahan nimu sida hampay bumaliw parihu diman sida sa kangku.

Karukuan 1:22

Bantayi kanda daut pagbuwatun, ag parusahi sida parihu sa parusa nimu sa kangku dahil sa tanan niku manga kadautan. Unman may apas kang mag-arunghung ag masakit kang mag-adnugan.”

Isikil 29:6

Bag-u maalaman tanan mag-uli sa Ihiptu aku ti Panginuun. Dahil parihu lang kawu sa usa ka matpuk pag anyamu sinarigan nasakupan Israil.

Isikil 35:5

Dugay yi kamu magkagalit sa taga Israil, ag pinabay-anan lang niyu sida girahun sa udas nida kakurian, sa udas pinarusahan yi sida dahil sa kanda manga kasalanan.

Huwil 3:8

Ipabili niku kanyu manga anak sa manga taga Huda bag-u ipabili maan nida sa manga taga Saba, ti mag-uli sa arayu pag rugar. Pihu gid mangyari inda, dahil aku, ti Panginuun, ti magsabi inda.”

Mikas 4:11

Mayamu nasyun ti nagkarausa hampay lumaban sa kanyu. Magkun sida, ‘Pakay-ahun nita ti Siun! Bag-u bantayan nita sida sa makakaray-a nida pag kahamtangan.’

Mikas 7:10

Makitan inda nita manga kalaban ag mangay-a sida. Dahil pagpuyaan nida kita kaybi. Magkun sida, ‘Naan yi ti Panginuun niyu Diyus?’ Udyi dugay makitan nita ti kadamhakan nida. Bumaliw sida ga lutuk tatatataan sa karsada.”

Nahum 1:8

Parihu siya sa mabisug pag baha manabu manruris sa kay manga kalaban. Bukadun niya kay manga kalaban tugka sa mamatay niya sida.

Habakuk 2:16

Taynguna kamu maan ti ipakay-a sa halip dayawun, dahil parusahan gid kamu Panginuun. Parihu lang sa painmun niya kamu irinmun makalangu hampay nu langu yi makitan uba-uba ag mangay-a gid kamu.

Sipanyas 2:8

Magkun ti Panginuun Makamaskihan, ti Diyus Israil, “Nadnugan niku ti magsurug ag magpuya manga taga Muab ag taga Amun sa kang manga nasakupan. Pag-ipadayaw waya nida kuntay kaya nida agawun ti daga niku nasakupan. Nakan sinaadan niku wayakun niku ti Muab hanggan ti Amun parihu sa Suduma ag Gumura. Ag kanda daga udyi mapakinabangan tugka aban, tubuan inda manga dugihan pag-ilamnun, ag mapnu manga kali buruwatan asin. Girahun inda niku manga nasawad pag nasakupan ag pamul-un nida ti tanan manga kasiyunan inda.”

Sakaryas 1:14

Ag magkun sa kangku ti anghil sabihun niku inda pag manga sinabi Panginuun Makamaskihan: “Magkaawa gid aku sa Hirusalim pag-ingarnan diman Siun,

Sakaryas 1:15

dapat galit gid aku sa manga nasyun masalimpayaan lang. Kaybi balaw masyadu kang pangagalit sa kanda, dapat dinugangan waya gid nida kang pangagalit sa kanda.

Sakaryas 12:2

Ti Hirusalim buwatun niku ga intus pumalangu sa manga nasyun sa kay kalibut. Ag nu girahun yi nida ti Hirusalim, girahun diman nida ti iba pag manga banwa sa Huda.

Sakaryas 14:2

Dahil tipunun Panginuun ti tanan nasyun hampay lumaban sa Hirusalim. Agawun nida inda pag banwa, pamul-un nida ti manga kasiyunan sa manga balay, ag lugusun nida ti manga babayi. Darahun nida sa iba rugar ti katunga manga mag-ulian sa banwa, dapat kay iba tayakan di.

Sakaryas 2:12

Ag apuun maan Panginuun ti Huda bilang kay bahagi sa banal pag daga Israil. Ag ti Hirusalim baliwun diman niya kay pinili pag banwa.

Sakaryas 2:8

Pagka nakitan niku ti manga ipinakakit tida, sinugu aku Panginuun mamagaw laban sa manga nasyun naggira ag nagbuul sa kanyu manga kasiyunan. Dahil una si unu ti bumuwat daut sa kanyu, ga magbuwat diman daut sa mahal pag Panginuun. Inda ti pagsabihun Panginuun Makamaskihan laban sa ati pag manga nasyun:

Diyuturunumiyu 30:7

Ipalakaw Panginuun niyu Diyus inda tanan pag saad sa kanyu manga kalaban magkadaut ag magpakuri sa kanyu.

Ipinakakit 13:10

Una hintay pag tawu ti pagturuminuhun hampay mabihag, pihu gid siya mabihag aban. Una hintay ti pagturuminuhun hampay mamatay sa baladaw, pihu gid siya matyun baladaw aban. Nakan ngani kailangan ti manga napasakup sa Diyus pagpakarig-un kay pagsarig.

1 Samwil 17:53

Pagkatapus nida binukad ti manga Pilistiyu, binmalik sida bin-ul ti manga natayak sa kampu manga Pilistiyu.