Hirimyas 30:15 - Hanunuu

¹⁵ Danga kamu magdangup kuntay balaw yi mag-ayad kanyu biyag. Pagparusahan niku kamu dahil masyadu ag mayamu kanyu kasalanan.

Hirimyas 30:15 Iomraidhean Croise

Isra 9:13

Pinarusahan nimu kami, Diyus nimi, dahil sa kanmi manga kasalanan. Dapat ti parusa nimu sa kanmi kurang waya sa dapat nimi tanggapun, ag pinasnuan nimu waya may masawad buhi sa kanmi.

Hub 34:29

Dapat una pumatagu ag ud mangingay ti Diyus, unman may makasabi balaw kuntay mayad kay pagbuwatun. Dapat kay tutuu, magbantay ti Diyus sa manga tawu ag sa manga nasyun,

Hub 34:6

Una matadlung aku, pagbaliwun aku pudilun. Una unman aku may nabwat salan, pinakan-an niya aku sakit unman may kaayadan.’

Kanta 107:17

May manga naglaban sa Diyus dahil sa kanda kakurangan sa intindi, nakan mag-agwanta sida dahil sa kanda manga kasalanan.

Isayas 1:6

Ginan sa ulu tugka sa raprapa, pasay yi biyag, lahub ag magkarabaga. Unman may mag-ugas, ngatay magtampul, ngatay magbulung.

Isayas 5:2

Inaradu niya inda, ipinasaruy di ti manga batu, ag tinanuman pinakamayad gid pag ubas. Namatindug siya usa ka barantayan pag bantayaw sa inda pag ubasan, ag namabuwat pirigsan ubas sa batu. Siyun gin, mag-alagad siya mamurak inda matagsing, pat-ay namurak inda maaslum.

Hirimyas 11:13

“Kamu pag manga taga Huda, pagkayamu kanyu manga diyus-diyusan, parihu kay kayamu sa kanyu manga banwa. Ag nu kabitay kayamu ti manga baklayan sa Hirusalim, katida diman kay kayamu ti harandugan ipinatindug niyu hampay sunugan kamangyan para sa mayagting pag diyus-diyusan ni Baal.

Hirimyas 15:18

Hayga duy unman magkatapus kang kakurian? Hayga unman yi mag-ayad kang manga biyag? Udyi aw duy lugud magkabulung inda? Ibuyu nimu duy aw lugud aku ga sapa magkak-at nu udas turungun?”

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 30:12

Magkun waya ti Panginuun sa kay manga nasakupan, “Ungud dilikadu yi kanyu manga biyag ag balaw yi umayad. Udyi may makaawat ngatay makabulung sa kanyu. Udyi diman may bulung para sa kanyu.

Hirimyas 30:14

Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 30:16

“Dapat ipadamhak diman niku ti tanan pumadamhak sa kanyu, bag-u ti tanan kalaban niyu bihagun. Girahun diman ti tanan maggira ag mag-agaw kanyu manga kasiyunan, bag-u agawan diman manga kasiyunan sida.

Hirimyas 30:17

Dapat bulungun ag paayadun niku kanyu manga biyag una yi pagsabihun iba kuntay kamu pag manga taga Hirusalim dinayu ag pinabay-anan. Aku, ti Panginuun, ti magsabi inda.”

Hirimyas 46:11

“Manga taga Ihiptu, una umatag waya kamu sa Gilyad hampay manligaw bulung, ti tanan bulung udyi may bisa ag udyi gid makapaayad sa kanyu.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Karukuan 1:5

Kay manga kalaban imaw yi ti nagpanguna sa Hirusalim, ag nag-abunda sida. Pinakurianan Panginuun ti Hirusalim dahil sa kay mayamu manga kadautan. Kay manga nasakupan binihag niya manga kalaban.

Karukuan 2:13

Manga nasakupan Hirusalim, unu nguna ti masabi niku sa kanyu? Sa unu niku pag-ipaparihu kanyu kakurian? Kanyu biyag ga parihu sa dagat kay kaabasad. Kabitay niku kamu mapabisug? Si unu nguna ti pumaayad sa kanyu?

Karukuan 3:39

Hayga magriklamu kita nu pagparusahan kita dahil sa kanta manga kasalanan?

Karukuan 4:13

Dapat nangyari inda dahil sa manga kasalanan nida manga purupita ag manga manughandug, nagmatay sa matadlung pag manga tawu.

Mikas 1:9

Dahil ti kadamhakan Samarya ga biyag udyi maayadan, ag pihu gid mangyari diman inda sa Huda, hanggan sa Hirusalim, ti pinakadaka pag banwa niku manga kasimanwa.

Mikas 7:9

Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Nahum 3:19

Bumaliw kawu parihu sa tawu nabiyagan balaw yi magkaayadan. Ti tanan makabarita sa kanmu nadangtan mamalakpak sa kabayaan, dahil sida tanan nakalakaw sa kanmu kahigpitan.