Hirimyas 30:14 - Hanunuu

¹⁴ Nalimtan yi kamu manga kakampi niyu pag nasyun, udyi kamu pagbatiun nida. Ginira niku kamu parihu sa paggira kalaban. Masyadu kang parusa sa kanyu dahil masyadu ag mayamu kanyu kasalanan.

Hirimyas 30:14 Iomraidhean Croise

Hub 16:9

Sa kanmu pangagalit, Diyus, linabanan nimu aku. Ga maisug kawu pag hayup magbang-it sa kang nayi. Pagpaagrutan aku nimu ngipun ag pagturunun masakit ga kalaban nimu aku.

Hub 19:11

Subra gid kay pangagalit sa kangku, ag pagbaliwun niya aku usa sa kay manga kalaban.

Hub 30:21

Nagbaliw mahigpit kawu sa kangku. Ginamit nimu kanmu masyadu pag kamaskihan sa pagpakuri sa kangku.

Kanta 107:17

May manga naglaban sa Diyus dahil sa kanda kakurangan sa intindi, nakan mag-agwanta sida dahil sa kanda manga kasalanan.

Isayas 57:13

Dayu gid ungud makaawat sa kanyu ti manga diyus-diyusan niyu nu manhagad kamu awat sa kanda. Sida tanan pulidun durus; mipayag sida sa usa lang ka huyup. Dapat ti manga magsarig sa kangku mangulian sa daga ag mansamba sa kang banal pag bantud.

Hirimyas 14:17

“Hirimyas, sabihun nimu inda sa manga tawu: Sirang yabi, unman may apas kang maglumi dahil garabi ti biyag niku manga nasakupan kang pagkilalan-un tugnaw pag anak, ag tutuu gid magkasaktan aku.

Hirimyas 2:36

“Madali lang sa kanyu ti magpailis-ilis manga kakampi pag nasyun. Dapat pakay-ahun gid kamu manga taga Ihiptu kanyu kakampi, parihu sa pagpakay-a Asirya sa kanyu.

Hirimyas 22:20

Manga taga Huda, paglumi kamu dahil udyi kamu may manugbaliwa manga nasyun. Hanapun niyu sida sa Libanun. Tawagan niyu sida sa Basan ag Abarim.

Hirimyas 22:22

Nakan wayakun niku ti manga takinan niyu ga upa pag payagun durus, ag bihagun diman kanyu manga manugbaliwa pag nasyun. Ungud mangay-a kamu dahil sa kanyu kadautan.

Hirimyas 30:15

Danga kamu magdangup kuntay balaw yi mag-ayad kanyu biyag. Pagparusahan niku kamu dahil masyadu ag mayamu kanyu kasalanan.

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Hirimyas 32:30

“Aku, ti Panginuun, ti magsabi ginan di waya kabag-u, unman yi may binuwat ti manga taga Israil hanggan ti taga Huda nu unman lunsay kadautan. Ginalit nida aku sa panab-anan nida manga buwat.

Hirimyas 32:34

Inuringan nida ti Balay Diyus niku nu naan pagdayawun ti ngaran niku. Ipinauli nida ati ti manga diyus-diyusan mayagting.

Hirimyas 32:35

Nagpatindug sida manga simbahan para kan Baal ati sa Luung Bin Hinum, ati diman nida pag-isagda sa kan Muluk kanda manga anak. Balaw niku inda pag-isugu sa kanda; balaw diman inda sinmulud sa kang isip kuntay buwata nida inda pag mayagting pag bagay imaw ti pinun-an kasalanan manga taga Huda.

Hirimyas 38:22

Ti tanan babayi natayak sa balay nimu darahun manga takinan hari Babilunya. Bag-u sumabi sa kanmu inda pag manga babayi, ‘Dinaya duy kawu nimu manga suud pag kakilala. Taynguna matalnudan yi sa lutuk kanmu manga lulud, tinayakan yi nida kawu.’

Hirimyas 4:30

Hirusalim, arani yi kawu mawayak. Unu kanmu pagbuwatun? Hayga nakasulung waya kawu marinu pag rutay hanggan manga gintu? Hayga magpauli waya kawu manga pamarinu sa kanmu manga mata? Unman yi may pulus kanmu magparinu. Binugyahan yi kawu nimu pagmahalun pag manga kakampi nasyun ag pagkaibgan kawu nida matyun.

Hirimyas 44:22

Pagka balaw yi mabata Panginuun ti manga kadautan ag mayagting niyu buwat, winayak niya kanyu daga ag nagbaliw saraadan ag maruku dahil udyi may mag-uli, parihu sa nangyari taynguna.

Hirimyas 5:5

Nakan atagun niku duy ti manga takinan nida bag-u hampangun sida. Pihu maintindihan nida ti palakaw pag ipabuwat Panginuun nida Diyus.” Dapat nagbugya diman duy sida magsunud sa manga pag-ipabuwat Diyus.

Hirimyas 5:6

Nakan girahun sida nida manga kalaban ga liyun ginan sa kapuruan, ngatay parihu sa usa ka maisug pag talun idu ginan sa pangawakawaan, aw ngatay ga liyupardu manugbantay arani sa banwa hampay gutay-gutayun una si unu ti lumuwang. Mangyari gid inda sa kanda dahil naglaban sida sa Diyus ag mayamu pag bisis sida nagpatlikud sa kanya.

Hirimyas 50:42

Kanda dara armas manga ugyung ag manga bangkaw. Mahigpit sida ag unman may pangaawa. Kanda ingay ga marabaskug pag humbak habang masakyan sida sa kanda manga kabayu. Rumas-ug sida nakaalistu hampay girahun kamu pag manga taga Babilunya.

Hirimyas 6:23

Kanda dara armas manga pamana ag manga bangkaw. Marahigpit sida ag unman may pangaawa. Kanda ingay ga mabaskug pag humbak habang masakyan sa kanda kabayu. Rumas-ug sida hampay girahun kamu pag manga taga Hirusalim.”

Karukuan 1:19

Nanhagad aku awat sa kang manga kakampi dapat dinaya nida aku. Nagkaramatay kang manga manughandug hanggan manga paggurangunun sa banwa habang maghanap sida karan-unun hampay mabuhi lang sida.

Karukuan 1:2

Parihu siya sa babayi magpakalumi buu yabi; kay manga luwa magbulus sa kay uyahun. Unman gid una di usa sa kay manga aguman lalaki ti nagpasulung sa kanya. Dinaya siya niya tanan kakilala ag nagbaliw kalaban niya sida.

Karukuan 2:1

Sa pangagalit Panginuun tinakluban niya madamul pag rurum ti Hirusalim. Pinabul-an niya halaga ti karinuan Israil bilang ga iyinamut niya sa daga ginan sa langit. Dahil sa kay pangagalit pinabay-anan niya una kay Balay.

Isikil 23:22

“Nakan aku, ti Panginuun Diyus, magbagaw sa kanmu, Uhuliba, ipagira niku kawu una naan katpung baliwa sa kanmu manga katagbu kanmu tinayakan ag dinayu yi pagka magkasawaan yi kawu sa kanda.

Isikil 23:9

“Nakan ipinakaun niku siya sa kamang niya manga katagbu taga Asirya paglagsun gid niya.

Danyil 9:11

Naglabag ti tanan Israilita sa kanmu Kasuguan; balaw nida gustu sumunud sa kanmu pagsabihun. Ag dahil sa kanmi kasalanan, rinmas-ug sa kanmi ti saad, ti nakasurat sa Kasuguan ni Muysis, kanmu manugsirbi.

Danyil 9:13

Nagras-ug inda pag parusa sa kanmi angay sa nisurat sa Kasuguan ni Muysis. Lang madi katida ti nangyari, Panginuun nimi Diyus, balaw nimi sinikap makabaya kawu sa kanmi sa panab-anan pagpatlikud sa kanmi manga kasalanan ag ti pagkilala sa kanmu katutuuhanan.

Danyil 9:5

Nagkasala kami sa kanmu. Nagbuwat kami manga kadautan ag ipinasipala nimi kanmu manga sugu hanggan surundanun.

Husyas 5:14

Dahil girahun niku ti Israil hanggan ti Huda ga liyun maggus-ab sa kay bulay. Aku gid ngap ti rumuris sa kanda. Darahun niku sida sa iba nasyun, ag unman may manribri sa kanda.

Ubadyas 1:7

Lukuhun kamu niyu manga kakampi pag nasyun. Ti manga nag-ampud sa kanyu imaw diman ti gumira sa kanyu, ag palayasun nida kamu sa kanyu banwa. Sida pag manga nansaru sa kanyu imaw waya ti pumauli suduk sa lihim laban sa kanyu.