Hirimyas 30:11 - Hanunuu

¹¹ Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Hirimyas 30:11 Iomraidhean Croise

2 Samwil 24:12

“Pag-ati kawu sa kan Dabid ag papilia nimu siya nu hintay sa tulu ka parusa kay gustu niya buwatun niku sa kanya.”

Kanta 6:1

Panginuun, una magkagalit kawu sa kangku, danga aku pagparusahi.

Pag-ighit 34:7

Pag-ipakakit niku kang pagmahal sa mayamu tawu, ag pagpatawadun niku kanda kadautan, hanggan paglabag ag kasalanan. Dapat pagparusahan niku ti manga magkasala, hanggan yi kanda lahi tugka sa ikatlu ag ikap-at pag sinulput.”

Isayas 43:25

“Aku gid ngap ti maglumpiyu kanmu manga kasalanan para sa kang kadayawan, balaw yi niku tunda alalahanun waya.

Isayas 8:10

Una hintay ti paggayakun niyu laban sa kanmi balaw manalu, dahil kaibahan nimi ti Diyus.

Hirimyas 1:19

Kalabanun nida kawu, dapat unman nida kawu matalu, dahil ibahan ag awatan niku kawu. Aku, ti Panginuun, ti magsabi inda.”

Hirimyas 1:8

Danga kawu magkadala sa manga tawu dahil kaibahan nimu aku ag awatan niku kawu. Aku, ti Panginuun, ti magsabi inda.”

Hirimyas 10:24

Itadlung duy nimu kami Panginuun, angay lang sa kanmi kaya. Danga duy nimu inda pagbuwata sa kanmi dahil sa kanmu pangagalit, barang udyi may masawad sa kanmi.

Hirimyas 15:20

Buwatun niku kawu parihu sa maganit pag alad galang sa inda pag manga tawu. Kalabanun kawu nida dapat unman kawu nida madaug, dahil kaibahan nimu aku. Alagaan niku kawu ag iribri.

Hirimyas 4:27

Inda ti pagsabihun Panginuun, “Ti buu daga madaut, dapat balaw niku inda lubus dautun.

Hirimyas 5:10

“Kamu pag manga kalaban taga Israil, dauta niyu ti manga ubasan nida, dapat danga waydi pag dauta lubus. Tabasa niyu kay manga sanga, dahil inda pag manga tawu balaw yi kangku.

Hirimyas 5:18

Dapat ati katpung pag sirang, balaw niku kamu rurisun lubus.

Karukuan 3:22

ti pagmahal ag pangaawa Panginuun unman may katugkaan. Imaw tunda nakan unman kita napapas lubus.

Isikil 11:13

Habang magtultul aku tultulanun Diyus, namatay si Pilatyas anak ni Binaya. Susun nanpanikluhud aku ag nagringgit mabaskug, “Panginuun Diyus, tabuhun gid aw lugud nimu matyun ti nasawad pag manga Israilita?”

Isikil 6:8

“Dapat balaw niku kamu tabuhun matyun. Dahil ti iba sa kanyu makaribri sa girahan ag mawayak sa iba manga nasyun

Husyas 11:9

Balaw yi ipalakaw niku kang masyadu pag pangagalit; balaw yi dautun niku ti Israil, dahil Diyus aku balaw tawu. Aku ti Banal pag Diyus kanyu kaibahan, balaw aku umasan sa kanyu may galit.

Libitiku 26:44

Dapat una pagparusahan niku kamu, balaw niku kamu pabay-anan sa rugar niyu manga kalaban; dayu niku kamu papasun tugka sa udyi may masawad sa kanyu. Dahil balaw mahimu duraun niku kang kasunduan sa kanyu, dahil aku ti Panginuun kanyu Diyus.

Matiyu 1:23

“Ti tugnaw pag daraga magkabuduy aban ag manganak anak lalaki. Kay ngaran kanda ipaingaran sa kanya si Imanwil.” (Kay ibug sabihun, sa kanta ti Diyus.)

Matiyu 28:20

Tudluan niyu sida hampay tumupad sa tanan manga isinugu niku sa kanyu. Danga kalimtan niyu aku pirmi kaibahan niyu hanggan waya sa katapusan panahun.”

Binwat 18:10

dahil aku sa kanmu di. Unman may umunu-unu sa kanmu, dahil mayamu kang manga sakup sa inda pag banwa.”

Diyuturunumiyu 4:31

Dahil ti Panginuun niyu Diyus maawaun, balaw niya kamu pabay-anan ngatay rurisun. Balaw niya kalimtan ti kasunduan kay itinaratu sa kanyu manga ginurang.

2 Timutiyu 4:22

Pagsa kanyu ti Panginuun hanggan ti papalad niya.