Hirimyas 30:10 - Hanunuu

¹⁰ “Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:10 Iomraidhean Croise

Gimpuunan 15:1

Pagkalawuy ati, nagbagaw ti Panginuun sa kan Abram sa panab-anan tagin-up. Magkun siya, “Abram, danga kawu magkadala dahil aku ti mag-alaga sa kanmu ag pakan-an niku kawu daka pag pirimyu.”

Isayas 14:3

Manga Israilita, sa sirang paharyun kamu Panginuun sa kanyu manga kakurian, pag-agwanta ag pagkasuruguun,

Isayas 35:9

Unman may liyun una hintay pag maraisug hayup ti makalawuy ati nu ud ti linukat lang Panginuun.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 44:1

“Dapat taynguna, pagpatingi kawu, Israil kang manugsirbi, ti ipinasaman niku pag nasakupan, kan Hakub manga linahi.

Isayas 44:2

Aku, ti Panginuun, ti naglalang hanggan ti mag-awat sa kanmu. Danga kawu magkadala, Hakub, kawu kang manugsirbi, Israil, hanggan kang pinili.

Isayas 46:11

Manawag aku usa ka tawu ginan sa butlakan sa arayu pag rugar, siya ti bumuwat kang manga gayak. Maipaparihu niku siya sa usa ka manuk manugdagit. Buwatun niku kang manga pagsabihun hanggan kang ginayak.

Isayas 46:13

Balaw yi dumugay, ipakaun niku ti panalu hanggan ti katadlungan sa Hirusalim. Arani yi niku inda iribri; kilalan-un niku ti Israil.

Isayas 49:12

Rumas-ug kang manga nasakupan ginan sa arayu — ti iba ginan sa kanaway, ti iba waydi sa isalpan, ag ti iba ginan waya sa Sinim.”

Isayas 49:25

Dapat inda kay sagut Panginuun, “Hu, mairibri nimu ti manga binihag manga sundalu mahigpit ag mab-ul waya nimu kanda manga inagaw. Dahil labanan niku ti manga maglaban sa kanmu ag iribri niku kanmu manga anak.

Isayas 54:4

Danga kawu magkadala dahil balaw kawu mangay-a. Malimtan yi nimu ti kakay-ahan nimu kalay-awan katunda diman kanmu pagkaburanday.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 23:8

Bagkus ngap, sabihun nida, ‘Magsumpa aku sa ngaran buhi pag Panginuun, ti nagpalpas sa manga linahi Israil ginan sa manga nasyun sa kanaway hanggan sa tanan nasyun nu naan pag ikinalat niya sida.’ Ag mangulian yi sida sa kanda sadili daga.”

Hirimyas 29:11

Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 30:7

Masyadu gid madala nu rumas-ug yi tida pag sirang, unman gid inda may kaparihu. Udas kakurian manga lahi ni Hakub, dapat maribri sida sa uryan baliwa ginan sa tida pag kahamtangan.

Hirimyas 33:16

Ag tida diman pag udas maribri ti manga taga Huda, ag mangabuhi yi may kahusayan ti manga taga Hirusalim. Ti Hirusalim ingarnan, ‘Ti Panginuun Kanta Katadlungan.’ ”

Isikil 16:52

Dapat mangay-a kawu dahil kanmu kasalanan masyadu daut kaysa kasalanan nimu patar-ari babayi. Nu ipaparihu, ga mas matadlung waya sida kaysa kanmu.

Isikil 38:11

Sumabi kawu: Girahun niku ti Israil kay manga banwa inda unman may alad batu, sabian, talakup, ag kay manga nasakupan inda mag-ulian may kahusayan ag unman may pagkadalaan kadilikaduhan.

Danyil 12:1

Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Husyas 2:18

Sa ati pag sirang, mantaratu aku sa tanan kalasi hayup kuntay danga kamu pagsakti. Duraun niku sa daga Israil ti manga armas sa labanan, ti manga pamana hanggan baladaw. Dahil sa unman yi may kaguluhan, maturug kamu unman may pagkadalaan kadautan.

Husyas 2:20

ag bumaliw matinupadun aku sa kanyu. Nakan kilalan-un yi gid niyu aku, ti Panginuun.

Husyas 6:11

Ag kamu pag manga taga Huda, nakatagka yi parusahan niku. “Gustu mana niku ibalik ti mayad pag kahamtangan niku nasakupan.”

Huwil 2:21

Danga magkadala ti taga daga Huda, bagkus ngap ikabaya gid inda dahil makadululaw ti binwat Panginuun.

Mikas 4:9

“Manga nasakupan Siun, taynguna hayga kamu mag-arunghung ga babayi magkaanak yi? Asan di waya waydi kanyu manga hari, buhi waya kay manga tagapatigayun. Malu, mamabaring-baring kamu sa sakit ga babayi magkaanak yi, dahil udyi dugay tayakan niyu kanyu banwa bag-u mangulian kamu sa mapadang, bag-u darahun kamu sa Babilunya. Dapat ay iribri niku kamu ati sa kanyu manga kalaban.

Sakaryas 3:10

Sa tunda pag sirang, mabuhi kamu may kaariwayahan. Ti kada usa sa kanyu ban-awan niyu kanyu manga kamalay hampay manukawan sa sirung niyu manga ubas ag puun igus. Aku, ti Panginuun Makamaskihan, ti may sabi inda.”

Huwan 12:15

“Danga kawu magkadala, Banwa Siun. Malu atay tag yi kanmu Hari nakasakay sa anak asnu.”