Hirimyas 3:9 - Hanunuu

⁹ sa panab-anan pagsamba sa manga diyus-diyusan batu hanggan kayu, nakan ngani inuringan niya ti daga. Pagbuwatun niya inda dahil unman siya nataranta sa pagsamba sa manga diyus-diyusan.

Hirimyas 3:9 Iomraidhean Croise

Isayas 57:3

Dapat kamu pag manga linahi panhirian, ag manug-uragin, hanggan manga babayi baraydan, pagpakarani kamu hampay kamu sintinsiyahan.

Isayas 57:6

Ti manga malitis pag batu sa sapa pagbuwatun yi niyu diyus ag pagsambahun sa panab-anan pagsagda karan-unun hanggan irinmun. Balaw aku magbaya sa kanyu pagbuwatun.

Hirimyas 10:8

Tanan sida maraganit kay ulu ag manga busal. Unman duy may pulus ti manga tudlu tungkul sa kanda manga diyus-diyusan binwat sa kayu.

Hirimyas 16:18

Nakan pabayadun niku sida dubli sa kanda kadautan ag kasalanan, dahil inuringan nida kang daga sa panab-anan mayagting ag tigbak pag manga diyus-diyusan nida.”

Hirimyas 2:27

Pagsabihun niyu kuntay ti kayu kanyu ama ag ti batu kanyu ina. Dinayu niyu aku, dapat nu magkakurian kamu, maghagad awat kamu sa kangku.

Hirimyas 2:7

Ati ginan dinara niku sida sa marinu pag daga hampay makakinabang sa abunda pag patubas. Dapat pagka ati yi sida, inuringan nida ti magkaapu niku pag daga bag-u binuwat nida inda mayagting.

Hirimyas 3:2

“Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Isikil 16:17

Ginamit diman nimu ti manga gintu ag pilak pag manga pamarinu ipinakaun niku sa kanmu sa pagpabuwat manga diyus-diyusan lalaki ag sinamba nimu inda. Parihu lang sa nanguragin kawu!

Isikil 23:10

Inubahan nida siya, minatay baladaw, ag binihag kay manga anak. Ti nangyari pagparusa sa kanya nagbaliw lilibakan manga kababayihan.

Isikil 23:21

Nakan Uhuliba, nagbalik kawu sa kanmu mahalay pag buruwatun kanmu binwat kaybi sa Ihiptu katpung kalay-awan waya kawu. Ati nagpasawa-sawa ti manga lalaki sa kanmu bilug.

Isikil 23:3

Katpung kalay-awan waya sida, magpabili sida kanda bilug sa Ihiptu. Pagpabay-anan lang nida ti manga lalaki manpasawa-sawa sa kanda manga bilug.

Husyas 2:2

“Manga anak, sungyawa niyu kanyu ina una balaw yi niku siya asawa, ag balaw yi niya aku asawa. Sungyawa niyu siya kuntay apasi yi niya kay magpanguragin.

Husyas 4:12

Maghagad kamu paanyu sa kanyu diyus-diyusan kayu. Ag angay sa kanyu, magsagut inda. Pag-ipatalang kamu ispiritu magganyat sa kanyu hampay sumamba sa manga diyus-diyusan, nakan pinatlikudan niyu aku ga babayi nanguragin.

Huwil 1:19

Nandarangin si Huwil. Magkun siya, “Panginuun, magtawag duy aku sa kanmu, dahil nalayung yi ti manga hararabun hanggan ti tanan puun kayu sa katanmanan, ga nairub yi apuy.

Habakuk 2:19

Kaawaawa kamu pag manga magsabi sa diyus-diyusan kayu ngatay batu, “Pag-ipulaw kawu ag awati kami.” Unman ngani inda makatudlu sa kanyu. Una pinahaklupan inda gintu ag pilak, unman waydi may buhi.

Matiyu 5:32

Dapat ay kang gid pagsabihun sa kanyu, nu tinulak niya kay asawa babayi balaw waydi ginan sa panlalaki, itinulak niya kay asawa tag ngap sa panguragin nu umasawa maan uman sa iba. Ag una si unu ti umasawa sa tunda pag babayi ginan yi sa asawahan, tunda pag lalaki nagkasala sa magpanguragin.”