Hirimyas 3:7 - Hanunuu

⁷ Kang hantup, nu mabuwat yi inda tanan, bumalik yi siya sa kangku, dapat unman siya binmalik. Ag nakitan inda niya maradaya pag patar-ari balaw may iba nu unman ti Huda.

Hirimyas 3:7 Iomraidhean Croise

2 Krunika 17:4

bagkus nagdangup siya sa Diyus niya ama, ag sinmunud sa kay kasuguan kaysa sumunud sa ugali manga taga Israil.

Hirimyas 12:1

Panginuun nu aku magriklamu sa kanmu pirmi duy matadlung kanmu sagut. Dapat aku taynguna may manga ipaingana duy tungkul sa kanmu katadlungan: Hayga duy ti daut pag tawu mag-abunda? Hayga ti manga tawu madaya sa kanmu may kahusayan kay buhi?

Hirimyas 33:24

“Balaw aw nimu nadnugan pagsurugun manga tawu ti nasakupan niku? Magkun sida, ‘Dinayu Panginuun ti duwa ka kaharian kay pinili.’ Nakan pagpuyaan nida kang nasakupan, udyi nida pagkilalan-un nasyun inda.

Hirimyas 5:11

Ti nasakupan Israil hanggan Huda balaw yi gid matinupadun sa kangku. Aku, ti Panginuun, ti magsabi inda.

Isikil 16:46

Ti aka nimu babayi imaw ti Samarya ati pag mag-uli sa salatan kaibahan kay manga anak babayi. Kanmu arian babayi imaw ti Suduma, ati mag-uli sa kanaway kaibahan kay manga anak babayi.

Isikil 16:47

Sinunud nimu kanda buruwatun ag kanda mayagting pag manga buwat. Ag sa dag-ud lang pag udas subra waya kanmu binwat kaysa kanda.

Husyas 11:7

Sida kang nasakupan nagpasya yi pumakarayu sa kangku. Nakan una waya manawag sida tanan sa kangku, balaw niku awatan.

Husyas 14:1

Magkun si Husyas, “Manga taga Israil, pagbalik kamu sa Panginuun niyu Diyus; nidamhak kamu dahil sa kanyu manga kasalanan.

Amus 4:8

Dahil sa magpanlumuy, mantalayib-layib kamu sa kahanap danum irinmun. Pasalyu-salyu kamu sa manga banwa sa kahanap danum, dapat balaw kang-ud kanyu mab-ul. Lang madi katida, unman diman kamu nagbalik sa kangku. Aku, ti Panginuun, ti magsabi inda.

Malakyas 2:11

“Namudil ti manga taga Huda; namuwat sida manga mayagting pag buruwatun sa Hirusalim ag sa buu nasyun Israil. Dahil inuringan nida ti pagmahalun Panginuun pag Balay Diyus, sa panab-anan pag-asawa manga lalaki sa manga babayi magsamba sa tuhay pag manga diyus.