Hirimyas 3:3 - Hanunuu

³ Imaw kay dahilan nu hayga unman mag-uran sa udas tig-ururan. Dapat madi katida, maganit diman kanyu ulu parihu sa usa ka babayi baraydan, balaw yi magkay-a.

Hirimyas 3:3 Iomraidhean Croise

Gimpuunan 19:34

Pagka surip, magkun ti panganay sa kay ari, “Nangulid yi aku kis-ab yabi sa kanta ama. Ag taynguna pag yabi kanta maan siya languhun, ag kawu maan ti pag-ulid sa kanya hampay kita duwa magkaanak sa panab-anan niya.”

Nihimyas 9:17

Dayu sida mamatingi sa manga pagsabihun nimu, ag pagkalimtan lang nida ti manga makadululaw nimu binwat sa kanda. Nagbaliw maganit kanda manga ulu, ag magsalumpang sida sa kanmu palakaw sa panab-anan pagpili takinan mandara sa kanda pabalik sa pagkapanawuhun sa Ihiptu. Dapat kawu mapinatawadun pag Diyus, maawaun, maalalahanun, balaw daldali magkagalit, ag mapagmahal. Nakan unman nimu sida pinabay-anan,

Kabagawan 21:29

Ti daut pag tawu unman magkataranta sa kay pagbuwatun, dapat ti matadlung pag-isipun niya mayad kay manga pagbuwatun.

Isayas 5:6

Pabay-anan yi lang niku inda ag balaw yi asikasuhun. Balaw yi niku inda puldan kay manga sanga ngatay balubuan kay puun. Pabay-anan yi lang niku mibusul sa manga ilamnun ag manga halaman madugi. Bag-u suguun niku ti manga rurum tubay yi inda padna uran.”

Hirimyas 14:1

Inda ti sinabi sa kangku Panginuun tungkul sa paglawig init:

Hirimyas 14:22

Unman una di usa ka diyus-diyusan manga nasyun ti makapauran ngatay makapaanitay. Una ti langit ngapu unman diman makapauran. Kawu lang, Panginuun kanmi Diyus ti lubus makabuwat inda, nakan sa kanmu duy kami pag magsarig.

Hirimyas 14:3

Sinugu manga mayaman kanda manga panawuhun kuntay pagtaas danum. Nag-atag ngani sida sa manga bubun dapat ay unman may danum ati. Nakan nagbalik sida unman may sukad kanda manga sukadan, ag pinatumungan nida kanda ulu dahil sa masyadu pag kay-a.

Hirimyas 14:4

Nanggil-ang ti daga dahil unman may uran. Ag dahil sa karukuan, pinatumungan manga manugtanman kanda manga ulu.

Hirimyas 36:2

“Pagbuul kawu masuratan ag isurat nimu ti tanan niku sabihun sa kanmu tungkul sa Israil, Huda ag sa tanan nasyun. Isurat nimu ti tanan sabihun niku, ginan sa un-an kawu niku hampangun sa udas ni Hari Husyas tugka taynguna.

Hirimyas 5:24

Unman sida magbagaw ginan sa tagipusuun kuntay, ‘Dayawun nita ti Panginuun nita Diyus, ti mag-ayaw uran sa kanta sa pangudasun ag mag-ayaw patubas sa kanta sa udas tig-arani.’

Hirimyas 5:25

Kanyu kadautan ti nagpakarayu tida pag manga bagay sa kanyu. Kanyu manga kasalanan ti mag-ampara sa pagtanggap niyu inda pag manga papalad.

Hirimyas 5:3

Bag-u magkun aku, “Panginuun, magligaw duy kawu tawu matinupadun. Pinakurian nimu duy kanmu manga nasakupan dapat balaw mahalaga inda sa kanda. Pinarusahan nimu sida dapat dayu sida magpatudlu. Pinaganit nida kanda manga tagipusuun, dayu sida mag-ampu.

Hirimyas 6:15

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.”

Hirimyas 8:12

Pag-ikay-a aw lugud nida kanda manga ugali mayagting? Unman! Dahil unman yi sida may kauyaan! Unman ngani magkalayhum kanda uyahun. Nakan midamhak sida parihu sa iba. Maruris sida sa udas parusahan niku sida. Aku, ti Panginuun, ti magsabi inda.

Hirimyas 9:12

Namaingana aku sa Panginuun, “Si unu duy ti madunung pag tawu makaalam sa inda pag manga pangyayari? Sa kantapu duy pag-itinultul nimu ti tungkul sitay hampay maitultul inda sa manga tawu? Hayga duy nadaut inda pag daga bag-u nagbaliw ga pangawakawaan udyi paglakawan?”

Isikil 3:7

Dapat ti nasakupan Israil unman mamatingi sa kanmu, dahil balaw sida magkaibug magpatingi sa kangku. Tanan sida manga maganit kay ulu ag lapastangan.

Libitiku 26:19

Duraun niku ti pag-ipadayaw-dayaw niyu pag kapangyarihan. Balaw gid niku pauranun, nakan man-ganit gid kanyu manga daga.

Amus 4:7

“Inampara diman niku ti uran sa sulud tulu ka bulan bag-u rumas-ug ti tig-arani. Pagpauranan niku ti usa ka banwa dapat kay iba unman. Pagpauranan niku ti usa ka tanman dapat kay iba magkamarhan.

Amus 4:8

Dahil sa magpanlumuy, mantalayib-layib kamu sa kahanap danum irinmun. Pasalyu-salyu kamu sa manga banwa sa kahanap danum, dapat balaw kang-ud kanyu mab-ul. Lang madi katida, unman diman kamu nagbalik sa kangku. Aku, ti Panginuun, ti magsabi inda.

Sipanyas 2:1

Magkun si Sipanyas sa manga taga Huda, “Nasyun unman may kakay-ahan, pagtirip-nan kamu ag pag-ampu

Sipanyas 3:5

Dapat asan di ti kadayawan Panginuun sa karaw-an nida banwa. Pagbuwatun Panginuun ti mayad ag balaw ti daut. Sirang-sirang pag-ipakakit niya kay kaayadan, ag unman niya inda pag-apasan. Dapat ti daut parargu sa pagbuwat daut ag unman sida magkay-a.

Hagay 1:11

Pinamara niku ti manga katanmanan hanggan ti manga kabantudan. Nakan naapiktuhan ti manga ani, ti irinmun ubas, ti lana ulibu, hanggan ti iba waya pag manga tubas, una ti manga tawu, hanggan kanda manga hayup ag ti tanan nida manga binudlayan.”

Diyuturunumiyu 28:23

Ti langit bumaliw bilang galang unman yi magpakaun uran ag ti daga man-ganit parihu sa baul.

Hibriyu 12:25

Nakan pagpatingi kamu kaayad-ayad sa kan Hisus magbagaw sa kanyu. Ti manga tawu kaybi unman nakaiwas sa kaparusahan nu sida nagbugya mamatingi sa kan Muysis namadakit sa kanda sitay sa babaw daga sa kay manga pagsabihun Diyus. Mas lalu kita dayu makaribri nu patlikudan nita ti magbagaw ginan sa langit.