Hirimyas 3:21 - Hanunuu

²¹ “May mag-adnugan yi manga iringayan sa arabwat pag rugar. Maglulumian ag magpaawa-awa ti nasakupan Israil dahil nagbaliw daut kanda magpangabuhi ag kinalimtan nida aku, ti Panginuun kuntay kanda Diyus.

Hirimyas 3:21 Iomraidhean Croise

Hub 33:27

Bag-u sumabi siya sa manga tawu, ‘Nagsalan aku, ag nagbuwat balaw mayad, dapat unman niku natanggap ti parusa angay mana sa kangku.

Kabagawan 10:9

May kahusayan ti tawu magpangabuhi matadlung, dapat ti magpangabuhi balaw mayad miburayhaw aban.

Kabagawan 19:3

May manga tawu pag-ipadamhak nida kanda sadili dahil unman may intindi, bag-u ti Panginuun waya kanda pagsisihun.

Isayas 15:2

Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Isayas 17:10

Kinalimtan niyu ti Diyus kanyu Manugribri ag batu palalan-iban. Nakan una magtanum kamu manga mararinu pag kalasi tanum, parihu sa ubas ginan sa iba rugar,

Isayas 57:11

Magkun ti Panginuun, “Si unu tunda pag diyus-diyusan ti pagkadalaan niyu ag namudil kamu sa kangku? Linimtan niyu aku ag udyi pinansin. Hintay lugud kay dahilan hayga balaw yi niyu aku pag-igalang? Dahil aw sa ud nangingay aku sa dugay pag udas?

Hirimyas 12:12

Rumas-ug ti manga manugdaut sa tanan arabwat pag rugar sa pangawakawaan. Gamitun niku sida pinagkabaladaw mandaut sa buu daga, ag unman may makapalagiw.

Hirimyas 18:15

Dapat kang manga nasakupan magkalimut yi sa kangku. Magsunug sida kamangyan sa manga diyus-diyusan unman may pulus. Nagpatlikud sida sa insaktu ag daan pag dalan, linmakaw sida sa balaw mayad pag dalan nu naan nitalakpa sida.

Hirimyas 2:32

“Malimtan aw usa ka daraga kay manga ugsung aw ngatay ti rutay niya pankasal? Dapat kamu kang manga nasakupan, dugay yi niyu aku kinalimtan.

Hirimyas 3:2

“Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Hirimyas 31:9

Manlulumian sida sa kabayaan ag mandarangin habang paggiyahan niku sida pauli. Tabanun niku sida sa manga may bulbugan, lumakaw sida sa mayad pag dalan ag balaw sida madayaan. Dahil aku ti ama Israil, ag si Ipraim kang panganay pag anak.”

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Isikil 23:35

Ag dahil kinalimtan nimu aku ag pinatlikudan, aku, ti Panginuun Diyus, magbagaw mangagwanta gid kawu dahil sa kanmu mahalay pag buruwatun ti pagpabili sa kanmu bilug.”

Isikil 7:16

Ti manga makaribri sa kamatayan ag makapalagiw tabug sa manga bantud manlumi ga uni manga kalampati, dahil sa kanda manga kasalanan.

Husyas 13:6

Dapat pagka pinapaladan niku kamu ag pinaabunda, nagmarapadayaw kamu ag kinalimtan yi niyu aku.

Husyas 8:14

Kinalimtan manga taga Israil ti naglalang sa kanda. Sida ag ti manga taga Huda nagpatindug manga balay hari hanggan mayamu banwa sangput alad batu. Dapat sunugun niku kanda manga banwa hanggan ti mapag-un pag manga rugar.”

Mikas 3:9

“Pagpatingi kamu, manga takinan Israil ag Huda! Pagdayuun niyu ti katadlungan ag pagbaliskadun niyu ti katutuuhanan.

Bilang 22:32

Namaingana sa kanya ti anghil Panginuun, “Hayga binakul nimu kanmu asnu katlu ginan? Aku inda ti mag-ampara sa kanmu dahil kanmu ugali balaw mayad sa kang magbantay.

2 Kurintu 7:10

Ginan ngani sa Diyus tunda pag karukuan, imaw tigpaisip sa kanyu hampay iampu niyu kanyu kasalanan. Siya diman tigpabag-u kanyu ugali sa ikaribri niyu. Dapat ti pakaun karukuan kalibutan tabug ngap sa kamatayan.