Hirimyas 3:2 - Hanunuu

² “Bantayi niyu ti arabwat pag rugar nu naan asan kamu pag nagsamba sa kanyu manga diyus-diyusan. May rugar aw waya ati ti unman niyu inuringan? Pinayagting niyu ti daga dahil sa kadautan niyu. Kamu ga babayi baraydan matukawan sa saruy dalan mag-alagad lalaki. Parihu diman kamu sa usa ka mananakaw mag-alagad kay matakawan sa pangawakawaan.

Hirimyas 3:2 Iomraidhean Croise

Gimpuunan 38:14

Igu nasaydan tunda ni Tamar, inilisan niya kay rutay pan balu, ag tinumungan kay uyahun. Tinmukaw siya sa may sabian banwa Inaim, sa saruy dalan atabug sa Timna. Gayak niya dayaun si Huda dahil udwaya pag-ipakaun sa kanya si Sila una kan-akan yi inda hampay kay asawan-un.

1 Hari 11:3

May 700 ka asawa si Sulumun pudu manga anak hari, ag may asawa waya siya 300 ka suruguun. Kay manga asawa imaw ti nagpakarayu sa kanya sa Diyus.

2 Hari 23:13

Ipinadaut diman niya ti manga simbahan sa abwat pag manga rugar sa butlakan Hirusalim ag sa salatan Bantud Kadautan. Inda pag manga simbahan ipinatindug ni Hari Sulumun taga Israil para sa kan Astarut, ti mayagting pag diyusa manga taga Sidun, ag para sa kan Kimus, ti mayagting pag diyus manga taga Muab, ag para diman sa kan Muluk, ti mayagting pag diyus manga taga Amun.

Kanta 106:38

imaw ti manga diyus-diyusan Kanaan. Dahil sa kanda nagmatay sa kanda ud may namuangan pag manga anak, inuringan nida ti daga Kanaan

Kabagawan 23:28

Parihu siya sa tulisan mag-alagad kay mablay, ag siya kay dahilan magpaulam mayamu asawa lalaki sa kanda manga asawa babayi.

Kabagawan 7:11

Inda pag babayi mabagaw ag unman magkay-a. Unman siya magtahan sa balay.

Hirimyas 12:12

Rumas-ug ti manga manugdaut sa tanan arabwat pag rugar sa pangawakawaan. Gamitun niku sida pinagkabaladaw mandaut sa buu daga, ag unman may makapalagiw.

Hirimyas 2:20

“Katpung panawuhun kamu, ga baka kamu nakasingkaw ngatay manga pirisu nakatarikada. Dapat pagka napalpasan yi niku kamu, dayu maan kamu magsirbi sa kangku. Bagkus ngap, nagsamba kamu sa manga diyus-diyusan sa kada arabwat pag tagudtud hanggan sa sirung kada maraybung pag puun kayu. Parihu kamu sa babayi baraydan.

Hirimyas 2:23

“Kabitay niyu masabi balaw kamu nauringan ag balaw kamu nagsamba sa diyus-diyusan ni Baal? Bantayi niyu nu unu pag kasalanan ti binuwat niyu sa karatagan Hinum. Isipun niyu kanyu binuwat pag kasalanan. Kamu ga babayi kamilyu unman makaagwanta dahil maghanap lalaki.

Hirimyas 2:7

Ati ginan dinara niku sida sa marinu pag daga hampay makakinabang sa abunda pag patubas. Dapat pagka ati yi sida, inuringan nida ti magkaapu niku pag daga bag-u binuwat nida inda mayagting.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:13

Akua lang nimu kanmu kasalanan, kuntay naglaban kawu sa kangku, sa Panginuun nimu Diyus, hanggan sa pagsunud nimu sa tuhay pag manga diyus sa panab-anan pagsamba sa kanda sa sirung kada maraybung pag puun kayu. Akua nimu kuntay unman kawu nagsunud sa kangku. Aku, ti Panginuun, ti magsabi inda.’ ”

Hirimyas 3:21

“May mag-adnugan yi manga iringayan sa arabwat pag rugar. Maglulumian ag magpaawa-awa ti nasakupan Israil dahil nagbaliw daut kanda magpangabuhi ag kinalimtan nida aku, ti Panginuun kuntay kanda Diyus.

Hirimyas 3:9

sa panab-anan pagsamba sa manga diyus-diyusan batu hanggan kayu, nakan ngani inuringan niya ti daga. Pagbuwatun niya inda dahil unman siya nataranta sa pagsamba sa manga diyus-diyusan.

Hirimyas 7:29

Manga taga Hirusalim, pakalbuhan kanyu manga buhuk bag-u yamtan hampay ipakakit kanyu karukuan. Panlumi kamu ati sa arabwat pag rugar, dahil binugyahan ag pinabay-anan Panginuun kanyu manga linahi, ti nagpagalit sa kanya.”

Isikil 16:16

Ginamit nimu ti iba nimu ka manga rutay sa pagparinu sa manga simbahan sa abwat pag manga rugar, nu naan pagbuwatun nimu kanmu kahalayan magpanguragin. Balaw mana inda dapat mangyari.

Isikil 20:28

Dahil katpung dinara niku sida sa daga kang itinaratu ipakaun sa kanda, naghandug sida manga handug, manga kamangyan, ag manga irinmun sa abwat pag manga rugar ag sa maraybung pag manga kayu kanda makitan. Nakan nagalit gid aku sa kanda.

Lukas 16:23

Hanggan ti mayaman namatay waydi, nag-agwanta gid siya ati sa rugar manga namatay. Bag-u nagbantay siya, nakitan niya ati sa arayu si Abraham hanggan si Lasaru sa kan Abraham arani.

Diyuturunumiyu 12:2

Nu tabugun yi niyu ti manga mag-ulian ati pag manga tawu, pandauta niyu ti tanan rugar sarambahan nida sa kanda manga diyus-diyusan: sa manga babaw bantud hanggan sa manga tagudtud, ag sa sirung maraybung pag manga kayu.