Hirimyas 3:18 - Hanunuu

¹⁸ Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 3:18 Iomraidhean Croise

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Isayas 43:5

Danga kawu magkadala dahil kaibahan nimu aku. Tipunun niku kanmu manga linahi ginan sa butlakan tugka sa isalpan.

Isayas 43:6

Sabihun niku sa manga nasyun sa kanaway hanggan sa salatan kuntay pabay-ani bumalik sa kanda daga kanmu manga linahi, ag pabay-ani muli una naan pag suuk kalibutan.

Hirimyas 16:15

Bagkus ngap sabihun nida, ‘Magsumpa aku sa ngaran buhi pag Panginuun ti nagpalpas sa manga taga Israil ginan sa nasyun baliwa sa kanaway ag sa tanan nasyun nu naan niya sida ikinalat.’ Dahil ibalik niku sida sa daga ipinakaun niku sa kanda manga ginurang.

Hirimyas 23:8

Bagkus ngap, sabihun nida, ‘Magsumpa aku sa ngaran buhi pag Panginuun, ti nagpalpas sa manga linahi Israil ginan sa manga nasyun sa kanaway hanggan sa tanan nasyun nu naan pag ikinalat niya sida.’ Ag mangulian yi sida sa kanda sadili daga.”

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 30:3

Dahil rumas-ug ti sirang ipabalik maan niku kang nasakupan Israil ag Huda ginan sa pagkabihag. Ipabalik niku sida sa daga ipinakaun niku sa kanda manga ginurang kuntay magkaapu nida. Aku, ti Panginuun, ti magsabi inda.”

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Hirimyas 50:20

Sa ati pag manga sirang, unman yi may makitan manga kasalanan hanggan paglabag sa manga magkasawad nasakupan sa Israil ag sa Huda dahil patawadun niku sida. Aku, ti Panginuun, ti magsabi inda.’ ”

Hirimyas 50:4

“Aku, ti Panginuun, magsabi sa ati pag udas, ti manga nasakupan sa Israil ag sa Huda manlumi ag pakarani sa kangku, ti Panginuun nida Diyus.

Hirimyas 50:5

Mamaingana sida sa dalan atabug sa Hirusalim ag umati sida. Mamuwat sida unman may katapusan pag kasunduan sa kangku, ag unman yi gid nida inda kalimtan.

Hirimyas 7:7

Nu buwatun niyu inda, parargu niku kamu patahanun sa inda pag daga, kang ipinakaun sa kanyu ginurang hanggan aban.

Isikil 11:17

Nakan aku, ti Panginuun Diyus, magbagaw magkun tipunun niku kamu ginan sa manga nasyun nu naan pag nagkarawayak kamu, ag ipakaun maan niku sa kanyu ti daga Israil.

Husyas 1:11

Manmirinsanan maan ti manga nasakupan Huda hanggan Israil, bag-u manpili sida usa ka takinan. Manyamu maan sida sa kanda daga. Magmasulung maan sida sa tunda pag sirang para sa banwa Hisriil.

Husyas 11:12

Magkun waya ti Panginuun, “Pirmi aku pagpudilan ag paglukuhun manga taga Israil. Ti manga taga Huda parargu magpakarayu sa kangku, ti Banal pag Diyus ag matinupadun.”

Husyas 2:2

“Manga anak, sungyawa niyu kanyu ina una balaw yi niku siya asawa, ag balaw yi niya aku asawa. Sungyawa niyu siya kuntay apasi yi niya kay magpanguragin.

Amus 9:15

Ipatahan maan niku sida sa kanda daga, ag balaw yi sida paighitun uman sa daga ipinakaun niku sa kanda.” Inda ti sinabi Panginuun niyu Diyus.

Sakaryas 10:6

“Pabisugun niku ti manga nasakupan Huda ag iribri niku ti nasakupan Israil. Pabalikun niku sida sa kanda rugar dahil naawa aku sa kanda. Ag dahil aku ti Panginuun kanda Diyus, sagtun niku kanda darangin. Nakan parihu lang ga unman niku sida binugyahan.

Sakaryas 2:6

Magkun ti Panginuun sa manga Israilita, “Pinanwayak niku kamu una naan tag baliwa sa buu kalibutan. Dapat taynguna, pag-ighit yi kamu, hanggan kamu pag manga binihag sa Babilunya, ag pagbalik kamu sa Siun.”