Hirimyas 3:17 - Hanunuu

¹⁷ Sa tida pag udas, ingarnan niyu ti Hirusalim ‘Tukawan hari Panginuun.’ Bag-u ti tanan manga nasyun maniripnan sa Hirusalim hampay dayawun ti ngaran Panginuun. Udyi gid nida sundun ti gustu maraganit ag daut nida pag tagipusuun.

Hirimyas 3:17 Iomraidhean Croise

Gimpuunan 8:21

Pagka nahungaw Panginuun ti mabanglu pag hungaw, magkun siya sa kay sadili, “Balaw yi gid niku umanun saadan ti daga dahil sa pagbuwatun manga tawu. Una waya alam niku makasalanan ti tawu ginan sa anak waya siya, balaw yi gid niku rurisun uman ti tanan magkabuhi parihu sa kang binwat.

1 Hari 8:41

“Nu ti manga day-uhan mag-ulian sa arayu pag rugar makadnug sa kanmu kamaskihan ag kapangyarihan, bag-u umataytag sida hampay sumamba sa kanmu ag mandarangin sida maatubangan sa inda pag Balay Diyus,

Kanta 102:23

Balaw waya ngani natapus kang buhi pagpalumuyun yi aku Panginuun; pagpadag-udun niya kang buhi.

Kanta 78:8

Balaw sida pumarihu sa kanda manga ginurang manga maganit kay ulu, balaw matinupadun, balaw marig-un kanda pagsarig sa Diyus, ag balaw matapat sa kanya.

Kanta 87:3

Mararinu pag manga bagay kay pagbagawun tungkul sa inda pag banwa.

Isayas 26:8

Panginuun, kanmi sinunud kanmu manga sugu ag nagsarig kami sa kanmu. Hingbut nimi kawu kanmi madayaw.

Isayas 56:6

“Papaladan diman waydi niku ti manga day-uhan naghandug kanda sadili sa kangku hampay sirbihan aku, mahalun, sambahun, ag sundun kang pag-isugu sa Sirang Pamahari ag matinupadun sa kang kasunduan.

Isayas 59:19

Galangun siya ag dayawun una naan, dahil rumas-ug siya ga magragasras danum paghuypun mabaskug pag durus.

Isayas 6:1

Kaybi katpung timpu pagkamatay ni Hari Usyas, nakitan niku ti Panginuun matukawan sa abwat pag turukawan. Kay aba niya rutay magtaklub sa buu Balay Diyus.

Isayas 66:1

Inda ti pagsabihun Panginuun, “Ti langit kang tukawan hari, ag ti daga kang tarat-an lulud. Nakan hintay pag kalasi balay ti ipatindug niyu para sa kangku? Naan niyu aku pag-ipahari pag rugar?

Isayas 66:18

Alam niku kanda pagbuwatun ag pag-isipun. Nakan rumas-ug aku tipunun niku kang manga nasakupan sa tanan nasyun, bag-u makitan nida kang kadayawan.

Isayas 66:20

Ag darahun nida pauli ginan sa manga nasyun ti tanan niyu manga kasimanwa masakyan sa manga kabayu, manga mula, sa manga kamilyu, sa manga kalisa, ag sa manga karitun. Darahun nida sida sa kang banal pag bantud sa Hirusalim bilang handug sa kangku parihu sa pagbuwatun manga Israilita maghandug sa kangku sa Balay Diyus manga handug karan-unun, mapaulian sa manga malumpiyu pag sukadan.

Hirimyas 11:8

Dapat ay balaw sida namatingi ag balaw nida binati ti pagsabihun niku. Bagkus ngap, napaangay sida sa kanda kaganitan ag kadautan tagipusuun. Pagsabihun niku sa kanda sunda nida inda pag kasunduan, dapat unman nida sinunud. Nakan ipinadara niku sa kanda ti tanan saad pagsabihun sa kasunduan.’ ”

Hirimyas 12:15

Dapat aban sa uryan, kaawaan di maan niku tunda pag manga nasyun bag-u ibalik di niku sida sa sadili nida ulian.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Hirimyas 14:21

Panginuun, sa ikadayaw nimu ngaran, danga duy nimu kami pagbugyahi. Danga duy pagpakay-ahan kanmu kadayaw-dayaw pag tukawan hari. Alalahana duy nimu kanmu kasunduan sa kanmi. Mana danga nimu inda pagdauta.

Hirimyas 16:12

Mas subra waya kamu daut kaysa manga kaumputan niyu. Ti kadautan ag kaganitan niyu manga tagipusuun ti sinunud niyu, bagkus aku mana di kanyu sundun.

Hirimyas 16:19

Magkun aku, “Panginuun, kawu duy ti kabisugan niku ag manug-alaga sa udas may karukuan. Pumakarani duy sa kanmu ti manga nasyun ginan sa buu kalibutan bag-u sumabi sida, ‘Unman may pulus ti manga diyus-diyusan nimi manga ginurang. Unman sida may nabwat una hintay pag kaayadan.

Hirimyas 17:12

Panginuun, kanmu Balay duy ti marinu tukawan hari ginan waya kaybi.

Hirimyas 18:12

Dapat sumagut ti manga tawu, ‘Balaw mahimu! Iparargu diman nimi kanmi gustu; sundun nimi ti daut ag kaganitan nimi tagipusuun.’ ”

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 31:23

Magkun ti Panginuun Makamaskihan, ti Diyus Israil, “Nu maibalik yi niku ti nasakupan Huda sa kanda daga ginan sa pagkabihag, kanda maan sabihun, ‘Papaladan mana Panginuun ti banal pag bantud Hirusalim ti pag-ulian niya.’

Hirimyas 33:9

Nu mangyari yi inda, ti banwa Hirusalim makapakaun kadayawan sa kangku, hanggan kabayaan, ag kagalangan. Ti kada nasyun sa kalibutan takigan sa dala nu mabaritaan nida ti manga kaayadan, kaalwanan ag kahusayan itinunghul niku sa inda pag banwa.”

Hirimyas 4:2

ag nu manumpa kawu sa pangaran lang niku mangabuhi kawu matinupadun, matadlung ag kang-ud, bumaliw papalad kawu sa manga nasyun bag-u dayawun nida aku.”

Hirimyas 7:24

“Pat-ay unman sinunud nida ngatay pinansin kang manga pagkumnun sa kanda. Bagkus ngap, sinunud nida ti gustu maraganit ag daut nida tagipusuun. Bagkus ngap, lalu waya sida nagpakarayu sa kangku.

Hirimyas 9:14

Bagkus ngap sinunud nida ti disisyun maganit pag tagipusuun nida. Nagsamba sida sa kan Baal parihu sa itinudlu sa kanda nida manga kaumputan.

Isikil 1:26

May imaw ati ga tukawan hari binwat ginan sa batu sapiru, ag may matukawan ga tawu sa inda pag tukawan hari.

Isikil 43:7

magkun sa kangku, “Anak tawu, imaw inda kang tukawan hari ag ti tarat-an niku manga lulud. Sitay aku pag mag-uli kaibahan sa manga Israilita sa unman may katapusan. Balaw yi gid mauman ipakay-a manga Israilita ngatay nida manga hari kang banal pag ngaran sa panab-anan pagsamba sa manga diyus-diyusan ngatay sa pagsamba sa manga tinawu-tawu nida manga hari nagkaramatay yi.

Isikil 48:35

nakan kay kabuuhan sukat alad batu 9,000 mitrus. Ag ginan sa inda pag udas ti banwa pag-ingarnan, “Ati Ti Panginuun!”

Sakaryas 8:8

Daran-un maan niku sida pabalik sa Hirusalim ag ati sida pauliun. Ag kas-a waya bumaliw sida kang nasakupan ag aku bumaliw kanda matapat ag matadlung pag Diyus.”

Bilang 15:39

Inda pag manga paraway-raway imaw ti pumaala-ala sa kanyu sa tanan niku manga sugu hampay tupadun niyu inda ag balaw kanyu lang pag kagustuhan ti pagbuwatun niyu.

Ruma 1:21

Madi alam nida may imaw Diyus, unman nida pagdayawun ngatay pagpasalamatan. Bagkus ngap pinamintuhu nida ti manga bagay unman may kabuluhan, nadluman yi lang kanda naisipan unman makaintindi sa katutuuhanan.

Ruma 6:14

Dahil udyi kailangan maghari sa kanyu ti kasalanan, kabay udyi kamu sakup sa Kasuguan, kamu sakup ngap sa kay pangaawa Diyus.

Galasya 4:26

Dapat ti Hirusalim taga langit imaw ti bukun panawuhun, siya bilang ga kanta yi ina.

Diyuturunumiyu 29:29

“May manga lihim pag manga bagay ti Panginuun lang ti may alam, dapat ipinaburayhaw niya sa kanta kay kasuguan, ag kailangan nita inda sundun hanggan nita lahi hanggan waya aban.

Talaghusay 2:19

Dapat nu namatay yi ngani ti takinan, magbalik yi maan sida sa kanda daan pag buruwatun imaw ti pagsirbi ag pagsamba sa tuhay pag manga diyus. Subra waya kanda kadautan binwat kaysa kanda manga ginurang. Balaw nida gustu tayakan kanda daut manga pagbuwatun ag manga kaganitan nida manga ulu.