Hirimyas 3:15 - Hanunuu

¹⁵ Bag-u pakan-an niku kamu takinan gustu niku ti manugpanguna sa kanyu may kadunungan ag intindi.

Hirimyas 3:15 Iomraidhean Croise

Kabagawan 10:21

Ti bagaw matadlung pag tawu mayamu ti makakinabang, dapat ti kurang kay intindi magkaramatay dahil unman may pan-intindi.

Hirimyas 23:4

Pakan-an niku sida manga takinan imaw ti mangalaga sa kanda; balaw yi sida madala hanggan mataranta. Udyi may tumalang sa kanda. Aku, ti Panginuun, ti magsabi inda.”

Hirimyas 31:10

“Manga nasyun, patingihi niyu ti pag-itultul niku, bag-u ibarita niyu inda sa ararayu rugar: ‘Winayak niku ti manga taga Israil, dapat tipunun di maan niku sida ag alagaan parihu sa manug-alaga manga karanidu.’

Isikil 34:2

“Anak tawu, pagbagaw kawu laban sa manga manugbantay Israil. Sabihi sida aku, ti Panginuun Diyus magkun: Arani yi kamu parusahan, kamu pag manga manugbantay Israil. Kanyu lang sadili kanyu pag-alagaan! Unman aw lugud ti manga manugbantay kailangan mag-alaga sa kay manga karanidu?

Isikil 34:23

Pakan-an niku sida usa ka manugbantay kay linahi ni Dabid, kang suruguun. Siya ti mangalaga ag manbantay sa kanda.

Isikil 37:24

Humari sa kanda ti hari ginan sa linahi niku suruguun si Dabid. Sida tanan may usa lang ka manug-alaga. Sundun nida mayad kang manga sugu ag manga surundanun.

Lukas 12:42

Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

Binwat 20:28

Ingatan duy niyu kanyu sadili hanggan ti iglisya dahil sida iinintirga Ispiritu Banal sa kanyu. Pangalagaan niyu ti iglisya Diyus kay sinakup niya pagka ibinuhus ti dugu niya Anak sa kay kamatayan.

1 Kurintu 2:6

Dapat nu sa manga marig-un kay sarig, kadunungan ngap ti kanmi pag-itudlu. Bukun kadunungan kalibutan inda, balaw diman kadunungan manga takinan taga kalibutan. Tunda pag kadunungan sa babaw lang daga nu sa kadugayan unman yi may kabuluhan.

1 Pidru 2:2

Parihu sa manga lapsag bag-u nianak hanapun niyu ti pinagkagatas angay sa Ispiritu unman may lakut daut, hampay dumaka kanyu pagsarig hanggan sa udwaya matanggap niyu ti buu karibrihan.

1 Samwil 13:14

Dapat taynguna unman rumargu kanmu paghari. Unman nimu tinupad kay ibinilin Panginuun sa kanmu. Nakan hinmanap siya usa ka lalaki hampay tumupad sa kanya angay sa kagustuhan Panginuun. Iinalistu siya Panginuun hampay maghari sa kay nasyun.”