Hirimyas 3:14 - Hanunuu

¹⁴ Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 3:14 Iomraidhean Croise

2 Krunika 30:6

Sa sugu hari, nag-atag ngani ti manga manugbarita sa buu Israil ag Huda dara ti manga surat ginan sa hari ag sa kay manga may kangaranan. Inda ti nakasurat: “Manga nasakupan Israil, taynguna nakaribri kamu sa kamang manga hari sa Asirya, udas yi bumalik-nalub-anan kamu sa Panginuun, ti Diyus niyu manga ginurang nida ni Abraham, Isaak, ag Hakub, hampay bumalik diman siya sa kanyu.

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 10:22

Una waya ga baras sa baybay dagat kay kayamu ti manga Israilita, pira lang ti makabalik. Nakatagka yi ti parusa para sa buu Israil. Pihu tupadun inda Panginuun Diyus Makamaskihan.

Isayas 17:6

Pira-pira lang ti masawad sa kay manga nasakupan. Miparihu siya sa puun ulibu igu naputi kay manga burak. Mahimu duwa aw ngatay tulu lang ka burak ti masawad sa pinakaabwat pag manga sanga, ag upat ngatay lima ka burak sa iba pag manga sanga. Aku, ti Panginuun Diyus Israil, ti magsabi inda.”

Isayas 27:12

Sa ati pag sirang, panipunun tig-usa-usa Panginuun ti manga Israilita ginan sa Sapa Iyupratis tugka sa bululusan danum Ihiptu ga magtipun manga butir sa girik-an.

Isayas 31:6

Manga Israilita, pagbalik-nalub-anan kamu sa Panginuun, masyadu yi gid niyu siya linabag.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Isayas 54:5

Dahil aku kanmu manuglalang ga kanmu asawa. Kang ngaran Yawi Makamaskihan sa tanan. Aku ti Banal pag Diyus Israil, kanmu Manugribri. Pag-ingarnan aku ‘Diyus buu kalibutan.’

Isayas 55:7

Patlikudi yi manga tawu daut kanda daut pag manga ugali, bag-uha yi kanda daut pag naisipan. Pagbalik yi sida sa Panginuun nita Diyus, dahil kaawaan ag patawadun niya sida.

Isayas 57:17

Nangisug aku dahil sa kasalanan ag pagkamakasadili Israil, nakan pinarig-anan niku sida ag binugyahan. Dapat parargu di sida sa kanda kadautan.

Isayas 6:13

Una matayak waya ti ikasampulu pag bahagi manga Israilita sa daga Israil, ipadamhak diman niku sida. Parihu sida sa tuud puun insina pinlud. Dapat may pinili aku masawad sa kanda, ti marinu pag salingsing.”

Hirimyas 2:19

Parusahan niku kamu dahil sa kadautan ag pagdayu niyu sa kangku. Isipun niyu nu kabitay ka daut ag kapait ti binuwat niyu pagdayu ag paglapastangan sa kangku, sa Panginuun niyu Diyus. Aku, ti Panginuun Diyus, ti magsabi inda.

Hirimyas 2:2

“Pag-ati kawu sa manga taga Hirusalim, sabihun nimu inda sa kanda: ‘Magkatandaan niku kanyu pagkamatinupadun ag pagmahal sa kangku kaybi parihu sa babayi bag-u ipinaasawa. Inusig niyu aku una sa pangawakawaan unman may magtubu manga tanum.

Hirimyas 23:3

Aku ngapu ti tumipun sa manga nasawad niku pag nasakupan ginan sa tuhay-tuhay pag rugar nu naan niku sida pag pinanwayak, ag darahun niku sida ibalik sa kanda daga bag-u yumamu maan sida ati.

Hirimyas 29:14

Hu, awatan niku kamu ag ibalik di niku ginan sa pagkabihag. Tipunun niku kamu ginan sa tuhay-tuhay pag manga nasyun nu naan pag winayak niku kamu, ag ibalik sa kanyu sadili daga. Aku, ti Panginuun, ti magsabi inda.

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:12

Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 3:8

Tinayakan niku ti Israil ag tinulak dahil sa magpanguragin, sa panab-anan pagsamba sa manga diyus-diyusan. Dapat madi katida, nakitan niku ti maradaya pag patar-ari ti Huda balaw ngap nadala. Nanguragin diman siya

Hirimyas 31:12

Umatag sida sa Bantud Siun ag manhuyaw sa kabayaan. Magbarayaan sida dahil sa manga papalad niku sa kanda. Bumaliw abunda ti manga tirigu, ti irinmun ubas, ti lana ulibu ag ti manga hayup nida. Miparihu sida sa halamanan pirmi pagdiligan ag udyi sida utru manrukuan.

Hirimyas 31:32

Balaw inda parihu sa un-an pag kasunduan kang binuwat sa kanda manga ginurang katpung giniyahan niku sida sa pagluwas sa Ihiptu. Una aku ga kanda asawa, balaw nida tinupad ti un-an nimi pag kasunduan. Aku, ti Panginuun, ti magsabi inda.”

Hirimyas 31:6

Rumas-ug ti sirang ti manga manugbantay sa banwa manhuyaw ati sa kabantudan Ipraim, ‘Abala kamu, atag kita sa Hirusalim agud mansamba sa Panginuun nita Diyus.’ ”

Husyas 5:15

Pagkatapus, bumalik aku sa kang rugar tugka sa akuun nida kanda manga kasalanan. Ag mandangup gid sida sa kangku sa kanda kakurian.”

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Ruma 9:27

Ainalsa kay busis ni purupita Isayas kay nagtultul tungkul sa taga Israil magkun, “Una ga baras dagat kay kayamu ti manga linahi ni Israil, pira-pira lang sa kanda ti maribri.