Hirimyas 3:12 - Hanunuu

¹² Paglakaw kawu taynguna bag-u sabihun nimu inda sa Israil, ‘Aku, ti Panginuun, magsabi: Israil maradaya, pagbalik kawu, dahil maawaun aku. Balaw yi aku magalit sa kanmu hanggan aban.

Hirimyas 3:12 Iomraidhean Croise

Gimpuunan 4:7

Nu kawu mana magbuwat lang mayad, man-aw masulung diman kawu. Dapat nu dayu kawu magbuwat mayad, bilang ga mablitangan sa kanmu sabian ti kasalanan, mag-alagad wadi sa kanmu pasaka, bag-u aban kawu yi kay suruguun. Nakan kailangan kawu di gid ti panalu.”

2 Hari 15:29

Pagka sa udas maghari si Pika, ginira ni Hari Tiglat Pilisir taga Asirya ti Israil, ag inagaw niya ti banwa Iyun, Abil Bit Maaka, Hanuwa, Kidis, ag Hasur. Naagaw diman niya ti Gilyad, Galiliya, ag ti tanan daga Niptali. Ag dinara niya kay manga nasakupan sa Asirya bilang bihag.

2 Hari 17:23

tugka sa pinaighit sida Panginuun sa kay atubangan, angay sa kay ipinasandam sa kanda sa panab-anan niya manga manugsirbi pag manga purupita. Nakan binihag Asirya ti nasakupan Israil, ag ati sida pag nangulian tugka taynguna.

2 Hari 17:6

Pagka sa ikasiyam pag timpu kay maghari ni Husyas, nasakup hari Asirya ti Samarya, ag dinara niya ti manga taga Israil sa Asirya bilang manga bihag. Ipinatahan niya sida sa banwa Hala, sa manga rugar arani sa Sapa Habur sa Gusan, hanggan sa manga banwa manga Midyanita.

2 Hari 18:1

Naghari sa Huda si Isikyas kay anak ni Akas sa ikatlu pag timpu kay maghari ni Husyas, kay anak ni Ila, sa Israil.

2 Krunika 29:10

Dapat taynguna, gustu gid niku manbuwat kasunduan sa Panginuun, ti Diyus Israil, hampay madura ti masyadu niya pag pangagalit sa kanta.

2 Krunika 30:9

Dahil nu bumalik kamu sa Panginuun, kaawaan manga nagbihag kanyu manga anak ag manga katawuhan, ag pabalikun sida sa inda pag daga. Dahil mainawatun ag maawaun ti Panginuun niyu Diyus. Unman niya kamu patlikudan nu bumalik kamu sa kanya.”

Kanta 103:17

Dapat balaw may katugkaan ti pagmahal Panginuun sa manga maggalang sa kanya, sa manga magtupad sa kay taratu, ag sa manga magsunud sa kay manga sugu. Ag kay matadlung pag pagbuwatun pumarargu sa kanda manga sinulput.

Kanta 103:8

Mabuut siya ag maawaun; mapagmahal siya ag balaw madali magalit.

Kanta 103:9

Balaw parargu kay pagtamyaw, ag balaw magpirmaminti kay pangagalit.

Kanta 145:8

Panginuun, maawaun kawu ag mainawatun; mapagmahal kawu ag balaw madali magalit.

Kanta 79:5

Panginuun, tugka waya lugud kapira kanmu pangagalit sa kanmi? Tugka aw sa unman may katapusan? Lumabdab yi lang aw lugud parihu sa apuy kanmu imun?

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Kabagawan 28:13

Unman gid kawu umunlad nu balaw nimu isabi kanmu manga kasalanan, dapat nu itultul nimu inda ag dayuun, kaawaan kawu Diyus.

Isayas 31:6

Manga Israilita, pagbalik-nalub-anan kamu sa Panginuun, masyadu yi gid niyu siya linabag.

Isayas 44:22

Kanmu manga kasalanan kang yi dinura ga rurum ngatay anitay. Pagbalik kawu sa kangku, hampay mairibri niku kawu.”

Hirimyas 11:6

Bag-u magkun maan sa kangku ti Panginuun, “Sabihun nimu inda tanan kang manga bagaw sa manga banwa Huda hanggan sa manga baklayan Hirusalim: ‘Alalahana niyu ag tupada ti manga pagsabihun sa inda pag kasunduan.

Hirimyas 12:15

Dapat aban sa uryan, kaawaan di maan niku tunda pag manga nasyun bag-u ibalik di niku sida sa sadili nida ulian.

Hirimyas 23:8

Bagkus ngap, sabihun nida, ‘Magsumpa aku sa ngaran buhi pag Panginuun, ti nagpalpas sa manga linahi Israil ginan sa manga nasyun sa kanaway hanggan sa tanan nasyun nu naan pag ikinalat niya sida.’ Ag mangulian yi sida sa kanda sadili daga.”

Hirimyas 3:1

“Nu ti usa ka babayi tayakan niya asawa, bag-u inda pag babayi utru maan mangasawa, balaw yi siya kailangan bawiun niya un-an asawa, dahil magpauring gid inda sa kanyu daga. Kamu pag manga taga Israil magkabuhi ga usa ka babayi baraydan. Mayamu kanyu pagmahalun pag manga diyus-diyusan. Una katida, tawagun di maan niku kamu pagbalik sa kangku. Aku, ti Panginuun, ti magsabi inda.

Hirimyas 3:14

Magkun waya ti Panginuun, “Pagbalik yi kamu, kamu manga supakil pag anak, dahil kangku kamu. Bul-un niku ti usa ngatay duwa sa kanyu ginan sa kada banwa ngatay linahi ag darahun sa Israil.

Hirimyas 3:18

Sa ati pag manga sirang, ti manga nasakupan Huda hanggan ti Israil mirinsanan bumalik ginan sa pagkabihag sa kanaway muli sa daga ipinakaun niku sa kanda manga ginurang bilang maranahun.

Hirimyas 3:22

Kamu pag manga anak niku magtalang, pagbalik kamu sa kangku ag itul-id niku kanyu pagkamaradaya.” Sinmagut sida, “Hu, pumakarani duy kami sa kanmu dahil kawu ti Panginuun nimi Diyus.

Hirimyas 3:5

Pirmi yi lang aw kawu magkagalit sa kangku? Tugka kapira waya duy kawu pag magalit sa kangku?’ Inda ti pagsabihun niyu, dapat pagbuwatun diman niyu ti tanan daut pagburuwatun.”

Hirimyas 3:7

Kang hantup, nu mabuwat yi inda tanan, bumalik yi siya sa kangku, dapat unman siya binmalik. Ag nakitan inda niya maradaya pag patar-ari balaw may iba nu unman ti Huda.

Hirimyas 30:11

Kaibahan niyu aku ag iribri niku kamu. Lubus gid niku wayakun ti manga nasyun kinalatan niku sa kanyu dapat balaw niku inda buwatun sa kanyu. Dapat balaw waydi inda kay ibug sabihun balaw niku kamu parusahan. Parig-anan niku kamu sa kang-ud. Aku, ti Panginuun, ti magsabi inda.”

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Hirimyas 31:21

“Pagpauli kamu tanda sa dalan. Tandai niyu kaayad kanyu paglakawan pag dalan dahil tunda diman pag dalan kanyu lakawan sa kanyu pagbalik. Israil parihu sa usa ka tugnaw pag babayi, pagbalik yi kamu sa kanyu manga banwa.

Hirimyas 31:8

Magkun diman ti Panginuun, “Pagpatingi kamu! Aku ti bum-ul sa kanda, tipunun niku sida ginan sa kanaway una naan ginan pag bahagi kalibutan. Kaibahan ti manga buta, ti manga lunu, katida diman ti manga magbuduy hanggan ti manga arani yi manganak. Daka pag gurupu ti muli.

Hirimyas 33:26

pumirmaminti diman ti kasunduan niku sa manga linahi ni Hakub ag sa kan Dabid sa kang manugsirbi. Pumili aku ginan sa linahi ni Dabid humari sa manga linahi nida ni Abraham, Isaak ag Hakub. Kaawaan gid niku sida ag pabalikun sa kanda sadili daga ginan sa pagkabihag.”

Hirimyas 4:1

Magkun ti Panginuun, “Israil, nu ungud gustu nimu bumalik sa kangku, pagbalik yi kawu. Dayuun nimu ti mayagting pag manga diyus-diyusan bag-u balaw yi kawu pablag sa kangku,

Karukuan 3:22

ti pagmahal ag pangaawa Panginuun unman may katugkaan. Imaw tunda nakan unman kita napapas lubus.

Isikil 11:17

Nakan aku, ti Panginuun Diyus, magbagaw magkun tipunun niku kamu ginan sa manga nasyun nu naan pag nagkarawayak kamu, ag ipakaun maan niku sa kanyu ti daga Israil.

Isikil 33:11

Taynguna sabihi sida, ‘Aku ti Panginuun Diyus buhi, magsumpa kuntay unman aku magbaya nu may mamatay daut pag tawu. Kang gustu pag-aman sida sa kanda daut ugali hampay mabuhi sida. Nakan kamu pag nasakupan Israil, pag-aman yi kamu sa kanyu daut ugali. Gustu aw lugud niyu mamatay?’

Isikil 39:25

Magkun waya gid ti Panginuun Diyus, “Dapat taynguna, kaawaan niku ti nasakupan Israil, ti manga linahi ni Hakub, bag-u ibalik niku kanda mayad pag kahamtangan, hampay maparangalan kang banal pag ngaran.

Husyas 6:1

Nagharampangan ti manga Israilita. Magkun sida, “Abala, bumalik yi kita sa Panginuun. Siya ti nagpadamhak sa kanta ag siya diman ti mangawat sa kanta.

Libitiku 26:40

Dahil sa kanyu magpudil ag maglabag sa kangku pinarusahan niku kamu ag ipinabihag sa rugar niyu manga kalaban. Dapat nu iampu niyu kanyu manga kasalanan hanggan niyu manga ginurang ag apasan yi niyu kanyu magpaganit, ag tanggapun niyu ti parusa dahil sa kanyu manga kasalanan,

Sakaryas 1:4

Danga niyu paghuwada ti binwat niyu manga ginurang. Sinugu niku kaybi ti manga purupita hampay sabihan sida patlikudi yi nida kanda manga daut pagbuwatun, dapat unman sida naniwala. Unman gid sida nagsunud sa kangku.

Diyuturunumiyu 30:2

Nu sa tunda pag udas bumalik nalub-anan kanmu hanggan kanyu manga anak sa Panginuun niyu Diyus, ag sundun niyu buu tagipusuun ag karadwa ti tanan pag-isugu niku sa kanyu kainda,