Hirimyas 29:8 - Hanunuu

⁸ Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 29:8 Iomraidhean Croise

Hirimyas 14:14

Sinmagut ti Panginuun, “Tunda pag manga purupita maghula kapudilan sa ngaran niku. Balaw niku sida sinugu ag balaw aku ti magbagaw sa kanda. Balaw ginan sa kangku kanda pagsabihun pag manga pangakakitun sa kanyu; unman may pulus ag pinathaw lang kanda pag ihula.

Hirimyas 23:16

Magkun ti Panginuun Makamaskihan sa manga taga Hirusalim, “Danga kamu magpasnu sa pagsabihun manga pudilun pag purupita. Pagpasarigun lang nida kamu sa manga kapudilan. Balaw ginan sa kangku kanda manga pagsabihun pangakakitun, nu unman ginan lang sa kanda sadili naisipan.

Hirimyas 23:21

Balaw niku sinugu tunda pag manga purupita, dapat ay naglakaw diman sida. Unman aku may sinabi sa kanda, dapat ay magtultul diman sida.

Hirimyas 23:25

“Nadnugan niku ti manga pagsabihun manga purupita magbagaw kapudilan sa ngaran niku. Pagsabihun nida pinakan-an kunu niku sida tultulanun sa panab-anan tagin-up.

Hirimyas 23:27

Sa panab-anan manga tagin-up nida tida ti pagsabihun nida sa manga tawu, pag-itulang nida kang manga nasakupan hampay kalimtan nida aku, parihu sa paglimut nida manga kaumputan sa kangku sa panab-anan nida pagsamba sa kan Baal.

Hirimyas 27:9

Nakan danga kamu magpaniwala sa kanyu manga purupita hanggan manga manughula, ag manga manugpaliwanag tungkul sa manga tagin-up, una sa manga panhirian ngatay manga tihulan magkumun balaw kamu sakupun hari Babilunya.

Hirimyas 28:15

Bag-u sinabi ni Purupita Hirimyas sa kan Purupita Hananiyas, “Hananiyas, pagpatingi kawu! Balaw kawu sinugu Panginuun, dapat pinabuyu nimu inda pag nasyun sa kapudilan nimu.

Hirimyas 29:1

Ginan sa Hirusalim, sinmurat si Hirimyas sa manga manugpamahala, sa manga manughandug, sa manga purupita, ag sa iba waya pag manga dinara bihag ni Nabukudunusur sa Babilunya.

Hirimyas 29:15

“Barang sabihun niyu namadara aku sa kanyu manga purupita asan tag sa Babilunya,

Hirimyas 29:21

Inda ti pagsabihun Panginuun Makamaskihan, ti Diyus Israil, tungkul sa kanda ni Akab kay anak ni Kulaya ag Sidikyas kay anak ni Maasiyas, “Nagbagaw sa kanyu kapudilan inda pag manga tawu sa ngaran niku. Nakan ngani ipakaun niku sida sa kan Hari Nabukudunusur sa Babilunya, bag-u sida kay ipamatay sa atubangan ngapu niyu.

Hirimyas 29:23

Mangyari inda sa kanda dahil nagbuwat sida manga mayagting pag bagay sa Israil. Nanguragin sida sa asawa nida kaparihu ag nagbagaw kapudilan sa ngaran niku balaw kang pag-isugu kuntay buwatun nida. Magkaalaman niku kanda manga pagbuwatun, bag-u makapatutuu aku laban sa kanda. Aku, ti Panginuun, ti magsabi inda.”

Hirimyas 37:9

Inda waya ti pagsabihun Panginuun, “Danga niyu pag dayaa kanyu sadili sa maghantup kuntay balaw yi bumalik ti manga taga Babilunya. Dahil pihu gid bumalik sida.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Karukuan 2:14

Ti manga barita niyu manga purupita bukun tutuu, unman may kabuluhan ag magpatalang sa kanyu. Unman nida itinultul kanmu kasalanan hampay balaw mana kawu mabihag.

Isikil 13:6

Balaw tutuu kanda pangakakitun ag kapudilan kanda manga hula. Magkun sida ginan sa Panginuun kanda pagsabihun, dapat kay tutuu balaw niku sida ipinadara. Ag pag-alagdun waya nida matupad kanda pagsabihun.

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Sakaryas 13:4

Tunda pag manga purupita mangay-a sa kanda manga pagsabihun ipinakakit sa kanda. Bukun yi sida manulung panrutayun purupita hampay mandaya,

Matiyu 24:24

Dahil may pumabalhinguun aban kuntay siya yi ngani ti Pinili Diyus Manugribri pag Hari. May lumuwang manga pudilun pag purupita. Pumakakit sida manga makadululaw pag tanda hanggan manga lilingutan pag manga buwat hampay nu mahimu lang, patalangun nida hanggan ti manga pinili Diyus.

Lukas 21:8

Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Lukas 6:26

Kaawaawa kamu nu pagbayaun tanan tawu, dahil katida waydi binaya nida manga ginurang ti manga pudilun pag purupita.”

Ruma 16:18

Ti katunda pag manga tawu unman magsirbi sa kan Kiristu sa kanta Panginuun, bagkus ngap pag-intindihun lang nida kanda sadili kailangan. Pagdayaun nida ti manga kurang sa kinaalman sa panab-anan marahusay ag mararinu nida pamagaw.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

Ipisu 5:6

Danga kamu padara-dara una sa kantapu sa kanda baragawun mahakut sa tunda pag manga buwat. Dahil sa katida pag buwat magkagalit ti Diyus sa manga tawu supakil.

2 Tisalunika 2:3

Sa una waya kabitay pag paraan tawu, danga kamu padaya. Ti kaudasan Panginuun balaw rumas-ug hanggan sa ud mangyari dapu ti katapusan pag maglaban sa Diyus ag hanggan sa ud mibantala ti May Puun Kadautan, ti daan ihinanda para tabug sa unman may katapusan pag kaparusahan.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.

Ipinakakit 13:14

Dinaya niya ti tanan tawu sa babaw daga dahil sa manga tanda ipinabuwat sa kanya sa atubangan usa ka hayup malangas. Nagarya niya ti manga tawu hampay bumwat tawu-tawu ga hayup malangas, imaw ti nabiyagan baladaw dapat nag-ayad di maan.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.