Hirimyas 29:7 - Hanunuu

⁷ Pag-awat kamu hampay sa kaayadan ag kaalwanan banwa dinarahan sa kanyu. Idarangin niyu inda dahil nu umalwan inda, umalwan diman kamu.”

Hirimyas 29:7 Iomraidhean Croise

Isra 6:10

hampay makahandug sida manga handug pag-ikabaya Diyus kalangitan, ag maidarangin nida aku hanggan kang manga anak.

Isra 7:23

Ipakaun gid niyu ti tanan kailangan sa Balay Diyus angay sa pag-isugu Diyus sa langit. Dahil nu balaw, magalit siya sa kang kaharian ag sa kang manga anak.

Kanta 122:6

Pagdarangin kamu para sa mayad pag kahamtangan sa Hirusalim sa panab-anan pagsabi, “Mana ngani ti magmahal sa inda pag banwa umalwan.

Hirimyas 38:4

Nakan magkun ti manga may kangaranan tabug sa hari, “Kailangan matyun inda pag tawu. Pagpalumuyun lang niya ti nalub-anan manga sundalu nasawad, hanggan ti manga nasakupan dahil sa manga pagsabihun niya sa kanda. Balaw siya maghingbut kaayadan para sa manga tawu nu unman kadamhakan ngap nida.”

Isikil 11:16

“Nakan sabihi ti kaibahan nimu sa pagkabihag, aku, ti Panginuun Diyus, magbagaw magkun, ‘Ipinabihag niku kamu ag ipinanwayak sa iba pag manga nasyun, dapat kaibahan kang kadayawan sa kanyu sa inda pag manga rugar.

Danyil 4:19

Nataranta ag nadala gid si Danyil (pag-ingarnan diman Biltisasar). Nakan magkun ti hari sa kanya, “Biltisasar, danga kawu magkaaburidu sa kang tagin-up ag sa kay kahulugan.” Nagsagut si Biltisasar, “Mahal Hari, mana kanmu tagin-up ag kay kahulugan mangyari sa kanmu manga kalaban danga sa kanmu.

Danyil 4:27

Nakan Mahal Hari, mana tanggapun nimu inda kang paanyu sa kanmu: Pagpakarayu kawu sa kasalanan ag pagbuwat mayad, ag pagmaawaun kawu sa manga pugri. Nu buwatun nimu inda barang pumirmaminti kawu abunda.”

Ruma 13:1

Ti kada usa ka tawu kailangan pagpasakup sa manga pinunu gubirnu. Dahil unman may magpamahala nu unman ginan sa Diyus ag ti manga gubirnu ti magpamahala kainda imaw gid ti pinatukahan Diyus.

Ruma 13:5

Nakan ngani kailangan kamu pagpasakup yi hampay maamanan niyu kay pangagalit Diyus ag hampay unman kamu may pag-alalahanun kasalanan sa kanyu tagipusuun.