Hirimyas 29:32 - Hanunuu

³² Nakan aku, ti Panginuun, magsabi parusahan niku siya hanggan kay manga linahi. Una di usa sa kay manga linahi unman kumakit sa manga mayad pag bagay kang buwatun sa kanyu, dahil tinudluan niya kamu maglaban sa kangku. Aku, ti Panginuun, ti magsabi inda.’ ”

Hirimyas 29:32 Iomraidhean Croise

1 Hari 13:18

Magkun ti gurangun purupita, “Purupita diman aku ga kanmu. Ag sinugu Panginuun kay usa ka anghil hampay sabihun sa kangku kuntay daraha niku kawu sa kang balay hampay makakaun ag makainum.” (Dapat magpudil maaw ti gurangun.)

2 Hari 5:27

Dahil sa inda pag binwat nimu, kay sakit sa lukub ni Naaman misalin sa kanmu hanggan sa kanmu manga linahi hanggan aban.” Pag-ighit ni Gihasi ginan sa kan Ilisyu, nagkaimaw ngani siya dilikadu pag sakit sa lukub, ga burak yi kay kalagti kay lukub.

2 Hari 7:2

Magkun ti pagpiyaran hari pag takinan, “Una waya bukasan Panginuun ti manga gaha sa langit, unman yi gid mangyari inda.” Sinmagut si Ilisyu, “Makitan nimu mangyari gid inda, dapat unman kawu makakaun tunda.”

Pag-ighit 20:5

Danga gid niyu inda pagsirbihi ngatay sambahun, dahil aku, ti Panginuun niyu Diyus, balaw gid magkaibug may pagsambahun kamu tuhay. Pagparusahan niku ti manga magkasala sa kangku, hanggan kay manga anak tugka sa ikatlu ag sa ikap-at pag sinulput manga magdayu sa kangku.

Isayas 14:20

Balaw kawu ilbung parihu sa iba pag hari, dahil winayak nimu kanmu sadili nasyun ag minatay nimu kanmu manga nasakupan. Unman may masawad sa kanmu daut pag linahi.”

Isayas 14:22

Magkun ti Panginuun Makamaskihan, “Girahun niku ag wayakun ti Babilunya. Unman aku may sawadan buhi sa inda pag rugar. Balaw may masawad sa kanda manga linahi.

Hirimyas 17:6

Miparihu siya sa usa ka diit pag puun kayu sa tigangan pag daga, unman may marinu patabgan. Mangulian siya sa mamara ag maasin pag daga unman may iba mag-uli.

Hirimyas 20:6

Hanggan kawu, Pasur, ag kanmu buu magtal-anakan ay bihagun ag daran-un sa Babilunya. Ati kawu pag mamatay ag ilbung, hanggan ti tanan nimu manga kakilala hinulaan nimu kapudilan.”

Hirimyas 22:30

Dahil inda ti pagsabihun niya, “Isurat nimu kuntay inda pag tawu si Hihuyakin ga unman may anak, dahil una di usa sa kay manga anak unman may tumukaw sa tukawan hari ni Dabid bilang hari sa Huda. Bag-u unman diman manalu sa kay pangabuhi niya.”

Hirimyas 28:16

Nakan inda ti pagsabihun Panginuun, ‘Madura kawu sa inda pag kalibutan. Mamatay kawu sa inda diman pag timpu dahil tinudluan nimu ti manga tawu manlaban sa kangku.’ ”

Hirimyas 29:24

Ti Panginuun Makamaskihan, ti Diyus Israil, nag-ayaw sa kangku tultulanun para sa kan Simaya taga Nihilam. “Inda kay pagsabihun: Simaya, sa panab-anan lang nimu ngaran namadara kawu surat sa kan Sipaniyas kay anak ni Maasiyas usa ka manughandug, ag pinadaran-an diman nimu kupya ti iba waya pag manga manughandug, hanggan ti tanan taga Hirusalim. Angay sa kanmu surat sa kan Sipaniyas, magkun kawu,

Hirimyas 30:1

Magkun ti Panginuun sa kan Hirimyas, “Aku, ti Panginuun, ti Diyus Israil, magsabi isurat nimu sa ribru ti tanan pagsabihun niku sa kanmu.

Hirimyas 35:19

nakan nagtaratu aku si Hunadab kay anak ni Rikab balaw maduraan linahi sumirbi sa kangku. Aku, ti Panginuun Makamaskihan, ti Diyus Israil, ti magsabi inda.”

Hirimyas 36:31

Parusahan niku kawu hanggan kanmu manga anak, hanggan ti manga takinan nimu dahil sa kanyu kadautan. Ipalakaw niku sa kanyu sa manga taga Hirusalim hanggan taga Huda ti tanan kadamhakan pagsabihun niku laban sa kanyu dahil balaw kamu namatingi sa kangku.’ ”

Isikil 20:38

Ipasaman niku sa kanyu ti manga naglaban sa kangku. Una ipalwas waya niku sida sa nasyun nu naan sida nabihag, unman diman sida makabalik sa daga Israil. Bag-u maalaman niyu aku ti Panginuun.’ ”

Amus 9:10

ti manga daut sa kanyu unman diman makalapus sa kang parusa, bagkus ngap mamatay sida tanan sa girahan. Sida inda ti magsabi unman kunu may daut rumas-ug sa kanda.”

Diyuturunumiyu 13:5

Matya tunda pag purupita ngatay manugtultul kahulugan tagin-up, dahil nagtudlu siya laban sa Panginuun niyu Diyus, ti nagpalwas sa kanyu sa Ihiptu hanggan nagribri sa kanyu sa pagkasuruguun. Inda pag tawu maggayak lang sa pagpakarayu sa kanyu sa manga palakaw pag-isugu Panginuun niyu Diyus kanyu sundun. Kailangan duraun niyu inda pag kadautan sa kanyu.