Hirimyas 29:26 - Hanunuu

²⁶ ‘Pinili kawu Panginuun kailis ni Hihuyada bilang pangulu manughandug Balay Diyus. Karampatan nimu magdakup hanggan magpauli tarikada sa liug manga magpabalhinguun purupita.

Hirimyas 29:26 Iomraidhean Croise

2 Hari 11:15

Sinugu ni Hihuyada ti manga kumandir manga sundalu, “Daran-a niyu sa luwas si Atalya. Danga niyu siya pagmatya sitay sa sulud Balay Diyus Panginuun. Ag matya niyu una si unu ti magkaibug manribri sa kanya.”

2 Hari 11:18

Nag-ati ti tanan tawu sa balay ni Baal ag dinaut nida inda. Winayak nida ti manga harandugan, ti manga diyus-diyusan nida, ag minatay nida si Matan ti manughandug ni Baal sa atubangan manga harandugan. Namauli si Hihuyada manga guwardiya sa Balay Diyus Panginuun.

2 Hari 9:11

Pagka nagbalik si Hihu sa kay kaibahan manga takinan, ti usa sa kanda nagpaingana sa kanya, “Hintay ti nangyari? Hayga nag-atag sa kanmu tunda pag tawu paung?” Sinmagut si Hihu, “Alam diman waydi niyu nu si unu siya ag nu unu kay pagbagawun.”

2 Krunika 16:10

Dahil siti, masyadu nagalit gid si Asa sa purupita, nakan inda kay ipinapirisu. Ag sa tida diman pag udas, nag-umpisa pinakurianan ni Asa kay iba niya manga nasakupan.

2 Krunika 18:26

Ag sabihun niyu sa kanda kuntay nagsugu aku pirisuhun inda pag tawu. Tinapay ag danum lang ti ipakaun sa kanya tugka makabalik aku ribri ginan sa labanan.”

Hirimyas 29:27

Hayga balaw nimu inampara si Hirimyas taga Anatut kuntay magsabi purupita siya asan sa kanyu?

Hirimyas 38:28

Pirmaminti nakapirisu si Hirimyas ati sa punduhan manga guwardiya tugka sa masakup ti Hirusalim.

Hirimyas 38:6

Nakan bin-ul nida si Hirimyas sa pirisuhan bag-u ipinadugsun nida sa bubun ati sa punduhan manga guwardiya sa balay hari. Inda pag bubun magkaapu ni Malkiyas anak hari. Unman may danum ti bubun dapat may lutuk, harus mitalnud ati si Hirimyas.

Husyas 9:7

“Manga taga Israil, rinmas-ug yi ti sirang parusahan kamu, sirang pagbalus sa kanyu manga binwat. Ag maalaman gid niyu rinmas-ug yi ngani inda. Sumabi kamu tungkul sa kangku, ‘Tunda pag purupita buang-buang! Paggiyahan siya ispiritu daut!’ Imaw inda kanyu pagsabihun sa kangku dahil mayamu yi kanyu kasalanan ag magkagalit gid kamu sa kangku.

Sakaryas 13:1

Sinabi Makapangyarihan Panginuun, “Sa ati pag sirang, bukasan ti bulbugan para sa manga linahi ni Dabid ag sa manga mag-ulian sa Hirusalim, hampay lumpiyuhun sida sa kanda manga kasalanan ag kayagtingan. Bul-un niku ti manga diyus-diyusan sa daga Israil ag udyi gid sida maalaala waya. Paighitun niku sa Israil ti magpabalhinguun pag manga purupita hanggan ti daut pag manga ispiritu magsakup sa kanda.

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Markus 3:21

Pagka nabaritaan niya manga katawuhan, naglinuwang sida hampay siya kanda dakpun, dahil pagkumnun manga tawu paung si Hisus.

Huwan 10:20

Mayamu sa kanda ti nagsabi magkun, “Inapuan siya labang, paung gid siya. Hayga pagpatingihan waya niyu siya?”

Huwan 10:33

Sinmagut sida magkun, “Balaw sa kanmu manga mayad buwat ti pag-ikabatu nimi sa kanmu dapat dahil sa kanmu magbagaw kalukuhan laban sa Diyus. Magpadiyus-diyusan kawu, madi tawu lang waydi.”

Huwan 8:53

Kanmi ginurang si Abraham namatay di. Balaw nguna kanmu gustu sabihun kawu mamaski man sa kan Abraham? Ti manga Purupita namatay diman waydi. Naan kanmu ipaparihu sa kanmu sadili?”

Binwat 16:24

Pagka nadnugan bantay pirisuhan tunda pag bilin, isinulud niya sida sa sulud-sulud gid pirisuhan, pinangaw niya kanda manga lulud.

Binwat 26:11

Nanalapudan aku sa manga simbahan manga Hudiyu. Nu may nakitan aku manga napasakup sa kan Hisus, pinarusahan niku sida hampay pabul-iwun sida sa kanda pagsarig sa Panginuun. Sa mahigpit niku pangagalit sa kanda, nag-ati diman aku sa manga banwa luwas yi nita nasyun Israil hampay pag-unuunuhun di gid niku ti manga napasakup sa kan Hisus ati.

Binwat 26:24

Magbagaw waya si Pablu magsagut waya sa dimanda manga Hudiyu, nagbagaw ngap si Pistu daraka buka magkun, “Paung duy kawu, Pablu. Napaung baga kawu, dahil subra yi kanmu inadalan.”

Binwat 26:25

Dapat sinabi ni Pablu magkun, “Aku duy, kagalang-galang Pistu, bukun ay paung. Ti kang pagsabihun lunsay katutuuhanan balaw may salan.

Binwat 4:1

Magbagaw waya sida ni Pidru ni Huwan sa manga tawu, nagpakarani ngap sa kanda ti manga manughandug, ti takinan manga guwardiya hanggan ti manga Sadusiyu.

Binwat 5:18

Nakan ngani sida nangalistu yi bag-u ipinadakup yi nida ti manga apustul kanda ipinaslud sa pirisuhan sa banwa.

Binwat 5:24

Pagka naalaman nida inda, magkaaburidu ti kapitan manga pulis hanggan ti manga pangulu manughandug sa Balay Diyus. Naglingut gid sida nu hintay ti nangyari sa manga apustul.

2 Kurintu 11:33

Dapat aku isinukad sa balulang bag-u itinuntun sa gaha atag sa luwas alad batu nakan aku nakaribri di.

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.