Hirimyas 29:18 - Hanunuu

¹⁸ Ungud, lagsun sida girahan, lun-us ag sakit, bag-u kayagtingan sida tanan kaharian. Tabugun niku sida una lang naan-naan pag nasyun, bag-u saadan, kayagtingan, sida manga tawu ati.

Hirimyas 29:18 Iomraidhean Croise

2 Krunika 29:8

Nakan nagalit ti Panginuun sa Huda ag Hirusalim. Ag dahil sa kay parusa sa kanta, pagkayagtingan, pagpuyaan, ag pagdiitun kita manga tawu parihu sa kanyu mag-akitan taynguna.

Kanta 44:11

Ipinahintulut nimu magkaramatay kami parihu sa manga karanidu pinangiyaw. Ag pinanwayak nimu kami sa manga nasyun.

Isayas 65:15

Kanyu manga ngaran saadan niku manga ipinasaman, ag aku, ti Panginuun Diyus ti mumatay sa kanyu. Dapat kang manga manugsirbi pakan-an niku bag-u pag ngaran.

Hirimyas 15:4

Kadat-an sida tanan nasyun sa kalibutan dahil sa binwat ni Manasis (kay anak ni Isikyas) sa Hirusalim katpung hari waya siya Huda.

Hirimyas 18:16

Bumaliw mapanglaw kanda daga ag puyaan hanggan aban. Ti tanan maglawuy mangil-ilung ag manhikrab.

Hirimyas 19:8

Wasakun niku inda pag banwa ag bumaliw puruyaun. Ti manga maglawuy manhikrab gid ag managutsut dahil sa nangyari sitay.

Hirimyas 24:10

Padaran-an niku sida gira, lun-us ag sakit tugka sa mamatay sida sa daga ipinakaun niku sa kanda hanggan sa manga kagurangan nida.”

Hirimyas 24:9

Buwatun niku sida mayagting sa tanan nasyun sa buu kalibutan. Puyaan ag saadan sida sa tanan nasyun nu naan pag wayakun niku sida.

Hirimyas 25:9

ipagira niku kamu sa manga sundalu ginan sa kanaway pagpangunahan niku manugsirbi ni Hari Nabukudunusur sa Babilunya. Girahun niya inda pag daga ag ti manga nasakupan inda, hanggan ti tanan nasyun sa kay sangput. Rurisun niku kamu lubus, madiklahan gid ti manga tawu sa malakawan niyu, puyaan kamu iba dahil lubus kamu rangga hanggan aban.

Hirimyas 26:6

dautun niku inda pag Balay Diyus parihu sa binuwat niku sa Silu. Inda pag banwa saadan tanan nasyun sa buu kalibutan!”

Hirimyas 27:8

“ ‘Dapat nu may nasyun ngatay kaharian dayu mansirbi ngatay pumasakup sa kan Hari Nabukudunusur sa Babilunya, aku ti pumarusa sa nasyun ngatay sa ati pag kaharian sa panab-anan girahan, lun-us, ag sakit tugka sa mipasakup niku sida sa kan Nabukudunusur. Aku, ti Panginuun, ti magsabi inda.

Hirimyas 29:17

Padaran-an niku sida girahan, lun-us ag sakit. Miparihu sida sa lugu igus sida unman makaun.

Hirimyas 29:22

Dahil sa kanda, ti tanan bihag sa Babilunya manga taga Huda manaad kaindaay sa kanda kaparihu, ‘Mana matyun kawu Panginuun parihu sa kanda ni Sidikyas ag ni Akab sinunug hari Babilunya.’

Hirimyas 32:24

Ag taynguna, pagtap-ukan daga manga taga Babilunya ti saruy alad batu Hirusalim hampay maslud ag maagaw nida ti banwa. Dahil sa girahan, lun-us, ag sakit naagaw manga taga Babilunya ti banwa angay diman sa sinabi nimu.

Hirimyas 34:17

“Nakan aku, ti Panginuun magsabi dahil balaw niyu aku sinunud ag balaw niyu pinalpasan kanyu manga panawuhun manga kasimanwa niyu, pasibut-an niku kamu — mamatay sa girahan, sa lun-us ag sa sakit. Kamu buwatun niku mayagting sa magbantay tanan kaharian sa kalibutan.

Hirimyas 42:18

“Inda waya ti pagsabihun Panginuun Makamaskihan, ti Diyus Israil, ‘Nu kabitay niku ipaagum sa manga taga Hirusalim ti masyadu niku pag pangagalit, ipaagum diman niku sa kanyu ti pangagalit niku nu atabug kamu sa Ihiptu. Saadan ag kagalitan kamu manga tawu. Puyaan nida kamu ag baliwun daut, ag udyi kamu makabalik waya sa inda pag daga.’

Hirimyas 44:12

Kamu pag manga magkasawad buhi sa Huda magpilit ataytag sa Ihiptu, magkaramatay kamu tanan ginan sa pinakapugri tugka sa pagdayawun. Magkaramatay kamu sitay sa girahan aw ngatay sa lun-us. Saadan, kayagtingan, kadat-an, ag puyaan kamu.

Hirimyas 44:22

Pagka balaw yi mabata Panginuun ti manga kadautan ag mayagting niyu buwat, winayak niya kanyu daga ag nagbaliw saraadan ag maruku dahil udyi may mag-uli, parihu sa nangyari taynguna.

Isikil 12:15

Ag nu wayakun yi niku sida sa manga nasyun, maalaman nida aku ti Panginuun.

Isikil 22:15

Wayakun niku kamu sa tuhay-tuhay pag manga nasyun, ag ipatigil niku kanyu manga pagbuwatun magpauring sa kanyu.

Isikil 23:46

“Aku, ti Panginuun Diyus, mansugu sa manga tawu man-gira sa kanda. Inda pag manga tawu manpadala sa kanda, man-agaw sa kanda manga kasiyunan,

Isikil 36:19

Pinanwayak niku sida sa iba manga nasyun. Binwat ngani niku ti angay sa kanda ugali ag pagpangabuhi.

Isikil 5:15

Pakay-ahun, puyaan, ag tamirian kamu manga nasyun sa kanyu kalibut. Bumaliw kamu paandam sa kanda sa udas parusahan niku kamu sa kang masyadu pag pangagalit. Aku, ti Panginuun, ti magbagaw inda.

Isikil 6:8

“Dapat balaw niku kamu tabuhun matyun. Dahil ti iba sa kanyu makaribri sa girahan ag mawayak sa iba manga nasyun

Libitiku 26:33

Padaran-an niku kamu gira imaw ti gumuba sa kanyu manga banwa. Kalatun niku kamu tabug sa iba pag manga nasyun, bag-u bumaliw mapanglaw kanyu daga.

Amus 9:9

Bantayi niyu! Mansugu yi aku; ayagun niku kamu pag nasakupan Israil kaibahan tanan nasyun, parihu sa mag-ayag manga uyas. Nu kabitay ti manga dariit pag batu unman makalapus sa ayagan,

Mikas 6:16

Matupad inda sa kanyu dahil sinunud niyu ti balaw mayad pag buwat, manga surundanun, ag manga patigayun ni Hari Umri hanggan niya anak si Hari Akab. Nakan ipadamhak niku kamu; unu-unuhun kamu ag puyaan iba manga nasyun.”

Sakaryas 7:14

Parihu aku sa buhawi manwayak sa kanda sa tuhay-tuhay pag rugar sa unman waya nida naatagan. Tinayakan yi nida kanda marinu pag daga tugka sa udyi nida inda mapakinabangan ag udyi maulian.”

Sakaryas 8:13

Manga nasakupan Huda ag Israil, pagsaadan kamu iba manga nasyun. Dapat iribri niku kamu ag bumaliw papalad kamu sa kanda. Nakan danga kamu magkadala, pagpakarig-un kamu.”

Bilang 5:27

Nu tutuu inuringan niya kay sadili sa panab-anan pagpudil sa kay asawa, mahigpit pumakuri sa kanya ti danum kay ininum magdara saad. Balaw yi siya manganak ag bumaliw halimbawa sa manga tawu ti saad Diyus sa kanya.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Diyuturunumiyu 28:25

“Ipatalu kamu Panginuun sa kanyu manga kalaban. Magkarausa kamu man-gira sa kanda, dapat mamululagan kamu malagiw ginan sa kanda. Kadat-an kamu tanan kaharian sa kalibutan.

Diyuturunumiyu 28:37

Kadat-an kamu, puyaan, ag apihun manga mag-uli sa manga nasyun nu naan kamu pag binihag.

Diyuturunumiyu 28:64

“Wayakun kamu Panginuun sa tanan nasyun, sa kada suuk kalibutan. Ag ati pag mansamba kamu sa iba pag manga diyus buwat sa kayu ag batu, balaw niyu kilala una niyu manga ginurang.