Hirimyas 29:11 - Hanunuu

¹¹ Alam niku nu kabitay tupadun kang manga gayak para sa kanyu — gayak para sa kaayadan niyu ag balaw sa kadautan, gayak para pakan-an kamu pag-asa ag mayad pag aratubangun.

Hirimyas 29:11 Iomraidhean Croise

Hub 23:13

Dapat pagpasugtan Diyus kay pagbuwatun; unman may makaampara sa kanya. Pagbuwatun niya kay pagkaibgan.

Kanta 33:11

Dapat ti gayak Panginuun pumarargu sa unman may katapusan; kay manga turunu pumirmaminti hanggan aban.

Kanta 40:5

Panginuun niku Diyus, unman may makaparihu sa kanmu. Mayamu pag makadululaw manga bagay ti binwat nimu, ag mayamu kanmu gayak sa kanmi. Balaw niku inda mitultul tanan dahil masyadu mayamu.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Isayas 27:4

Balaw yi aku magkagalit sa inda pag ubasan. Dapat sa udas may makitan aku manga halaman may dugi, bul-un niku tida ag sunugun.

Hirimyas 23:5

Magkun waya ti Panginuun, “Rumas-ug ti sirang pahariun niku ti usa ka hari matadlung ginan sa linahi ni Dabid. Humari siya may kadunungan, ag palantagun niya ti katadlungan ag katutuuhanan sa inda pag daga.

Hirimyas 23:6

Inda pag ngaran ti iingaran sa kanya: ‘Ti Panginuun Kanta Katadlungan.’ Sa tunda pag udas maribri ti Huda ag magkaimaw kahusayan sa Israil.

Hirimyas 24:5

Aku ti Panginuun, ti Diyus Israil, magkumun kilalan-un niku ga manga mararinu pag igus ti manga Israilita kang ipinabihag sa manga taga Babilunya.

Hirimyas 30:10

“Nakan danga kamu magkadala, ngatay magpanlubay, kamu manga linahi ni Hakub kang manugsirbi. Aku, ti Panginuun, magsabi bul-un niku kamu asan gin sa arayu pag rugar nu naan kamu pag binihag. Sa kanyu pagbalik, mangabuhi yi kamu mahusay, mahim-ung, bag-u udyi may pagkadalaan.

Hirimyas 30:9

Manirbi yi sida sa kangku, sa Panginuun kanda Diyus, bag-u mamili aku kanda hari ginan sa linahi ni Dabid.

Hirimyas 33:6

“Dapat rumas-ug ti sirang paayadun niku inda pag banwa hanggan kay nasakupan. Mangabuhi sida abunda ag may kahusayan.

Karukuan 3:26

Mayad ti mag-alagad kita may pag-agwanta sa pagribri Panginuun sa kanta.

Isikil 11:16

“Nakan sabihi ti kaibahan nimu sa pagkabihag, aku, ti Panginuun Diyus, magbagaw magkun, ‘Ipinabihag niku kamu ag ipinanwayak sa iba pag manga nasyun, dapat kaibahan kang kadayawan sa kanyu sa inda pag manga rugar.

Husyas 3:5

Dapat sa uryan pag manga sirang, mandangup di maan sida sa Panginuun nida Diyus hanggan sa kanda hari linahi ni Dabid. Pumakarani sida sa Panginuun may paggalang dahil sa kay kaayadan.

Mikas 4:12

Dapat ay unman may alam inda pag manga nasyun sa kang pag-isipun. Balaw nida magkasalman kang gayak, tipunun niku sida hampay parusahan, ga manga uhay tipunun hampay uyasun sa girik-an.

Sakaryas 1:6

Dapat nangyari sa kanyu manga ginurang kang manga sinabi ag manga pasandam ipinatultul niku sa kang manga suruguun manga purupita. Bag-u nansisi sida magkun, ‘Pinarusahan kita Panginuun Makamaskihan angay sa kanta manga binwat, parihu sa kay kagustuhan buwatun sa kanta.’ ”

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”