Hirimyas 28:3 - Hanunuu

³ Sa sulud duwa ka timpu, ibalik yi niku sitay ti tanan garamitun sa kang Balay, ti bin-ul ni Hari Nabukudunusur ag dinara sa Babilunya.

Hirimyas 28:3 Iomraidhean Croise

Gimpuunan 47:28

Nangulian si Hakub sa Ihiptu sa sulud sampulu may pitu ka timpu; nabuhi siya tugka sa 147 ka timpu.

Gimpuunan 47:9

Nagsagut siya, “130 yi duy ka timpu. Dag-ud ag makuri duy kang buhi sitay sa daga; unman inda nag-aput sa kadugayun buhi niku manga ginurang.”

2 Hari 24:13

Angay sa sinabi kaybi Panginuun, pinanbuul ni Nabukudunusur ti tanan pag kayamanan sa Balay Diyus Panginuun hanggan sa balay hari, ag ti tanan gintu pag kagamitan ti ipinabwat ni Hari Sulumun taga Israil para sa Balay Diyus Panginuun.

2 Krunika 36:10

Sa pag-umpisa timpu, binihag ni Hari Nabukudunusur si Hihuyakin sa Babilunya. Pinanbuul niya ti manga mahalaga pag kasiyunan sa Balay Diyus Panginuun, ag binwat niya hari sa Huda ag Hirusalim kay bapa ni Hihuyakin si Sidikyas.

2 Krunika 36:7

Dinara diman ni Nabukudunusur sa Babilunya ti iba pag manga kagamitan sa Balay Diyus Panginuun ag ipinauli sa kay balay hari.

Kanta 90:10

Ti pinakadugay nimi buhi 70 ka timpu, ngatay 80 ka timpu nu mabisug kami. Dapat una kanmi pinakamarinu pag manga timpu mayamu kaarimputuhan ag kakurian. Ungud gid balaw magdugay kanmi buhi ag madura kami.

Danyil 1:2

Binihag niya si Hari Hihuyakim angay sa kagustuhan Panginuun. Bin-ul diman niya ti iba pag manga kagamitan sa Balay Diyus ag dinara sa Babilunya. Ag ipinauli niya inda sa haramnuan gamit ati sa balay diyus-diyusan niya.