Hirimyas 28:14 - Hanunuu

¹⁴ Aku, ti Panginuun Makamaskihan, ti Diyus Israil magsabi: Ipapas-an niku ti singkaw baul sa tanan nasyun, hampay manirbi sida sa kan Hari Nabukudunusur sa Babilunya. Hanggan ti manga maraisug pag hayup ipasakup niku sa pagdumara niya.”

Hirimyas 28:14 Iomraidhean Croise

Hirimyas 15:12

“Nu kabitay unman may makabari sa baul ngatay galang, unman diman may makadaug sa manga kalaban ginan sa kanaway.

Hirimyas 27:4

Sabihun nimu sa kanda inda pag tultulanun para sa kanda manga hari: ‘Inda ti pagsabihun Panginuun Makamaskihan, ti Diyus Israil:

Hirimyas 27:8

“ ‘Dapat nu may nasyun ngatay kaharian dayu mansirbi ngatay pumasakup sa kan Hari Nabukudunusur sa Babilunya, aku ti pumarusa sa nasyun ngatay sa ati pag kaharian sa panab-anan girahan, lun-us, ag sakit tugka sa mipasakup niku sida sa kan Nabukudunusur. Aku, ti Panginuun, ti magsabi inda.

Hirimyas 40:4

Bul-un yi niku taynguna ti tarikada nimu ag palpasan yi kawu nita. Nu gustu nimu, kumuyug kawu sa kangku sa Babilunya ag alagaan kawu nita ati. Dapat nu dayu kawu, nasa kanmu tunda. Bantayi nimu ti buu daga; malaya kawu umatag una naan.

Karukuan 1:14

Tinipun niya kang manga kasalanan ag ga binuwat higut. Ag inda ti nagguyud sa kangku sa pagkabihag. Parihu lang ga pinaulian aku singkaw sa liug. Pinalumuy aku Panginuun ag ipinakaun sa kang manga kalaban balaw niku makaya.

Danyil 2:38

Ipinasakup niya sa kanmu ti manga tawu, manga hayup, manga manuk, una naan katpung sida. Kawu kay ibug sabihun tunda pag ulu gintu diyus-diyusan.

Husyas 10:11

Kaybi masalibagunan lang kamu; parihu kamu sa dumaraga baka naantigu maggiuk ag tunda kay pagkaibgan pag tarabahu. Dapat taynguna pakurianan niku kamu pag manga taga Israil hanggan taga Huda; bumaliw kamu ga dumaraga baka takudan singkaw ti marinu pag liug niya ag pakurianan sa mag-aradu.

Diyuturunumiyu 28:48

ipabahala niya kamu sa ipinadara niya pag manga kalaban sa kanyu ag sumirbi kamu sa kanda. Lun-usun kamu, uwawun, kurangun sa rutay ag matabwan una hintay pag bagay. Pakurianan niya kamu ga binitinan singkaw baul tugka sa magkaramatay kamu.

Diyuturunumiyu 4:20

Alalahana niyu bin-ul kamu Panginuun ginan sa Ihiptu, ti daga parihu sa pugun maglabdaban, hampay kanya yi kamu pag nasakupan, ag katunda yi ngani kamu kainda.